Éxodo 15:22 - Chayahuita (Shahui)

²² Nani cantahuachinara, Moisësëri, israiroꞌsa camairin inotëro parti pacacaiso marëꞌ. Ina inotërosoꞌ, Shor inotëro itopi. Cara tahuëri iratopirinahuëꞌ, co manta iꞌsha quënanpihuëꞌ.

Éxodo 15:22 ပူးပေါင်းရင်းမြစ်များ

Génesis 16:7

Taꞌapirinhuëꞌ, Sinioro anquëninëni inotëro parti quënanin. Shor iraquë iꞌsha pipirinsoꞌ yaꞌcariꞌ, quënanin.

Génesis 20:1

Apraansoꞌ, piyapinënpitarë chachin yaꞌhuëapi quëran pipipi. Pipirahuatonaꞌ, Niquipi parti paantapi. Quiraro ninanoquë canconahuatonaꞌ, inaquë yaꞌhuëcaiso marëꞌ quëparitopi. Ina ninanosoꞌ, Catisë ninano quëran Shor parti ira paꞌninsoꞌ huáncana quëparitërin.

Génesis 25:18

Ismairo quëran pipipisopitasoꞌ, Apira parti, Shor parti, inapita partiroꞌsari ahuancanapirin. Inaquë, noꞌpaꞌ macatona yaꞌhuëpi. Iquipito notënanquë yaꞌhuëpi. Ina partitaquëchin Iquipito quëran, Asiriaquë ira paꞌninsoꞌ naꞌhuërin. Iinpitari, co nohuantopirinahuëꞌ, inaquë noꞌpaꞌ macatonaꞌ, yaꞌhuëpi huachi.

Éxodo 17:1

Yaꞌipi israiroꞌsa Sin inotëro quëran pipiantapi. Yosëri camairinso natëtonaꞌ, oshaquëran paꞌsapi. Paꞌsápatona Rihuitin parti canconpi. Napoaponahuëꞌ, co iꞌsha yaꞌhuëantarinhuëꞌ oꞌocaisoꞌ.

Éxodo 3:18

Napotohuatan, Israiro huaꞌanoꞌsaso natëarinquën tënahuë. Inapitarëꞌquën chachin Iquipito copirno paaparahuaton, napotëquëꞌ: “Yosë chinotëraisoꞌ, oꞌmarin nicaincoiso marëꞌ. Napoaton aꞌpacoi paꞌi inotëro parti nacapiꞌi. Cara tahuëri aquërinꞌpaꞌ paꞌsahuatoi, ina chinotaꞌhuaiso marëꞌ maꞌsha tëpaarai, itocoꞌ.

1 Samuel 15:7

Naporoꞌ Saonosoꞌ, sontaronënpitarë chachin amaricoroꞌsa ahuërin. Nitaꞌatahuaton, Apira parti quëran imarinsoꞌ, Shor parti itopiquë huarëꞌ aꞌporin. Inasoꞌ noꞌpaꞌ, Iquipito noꞌparë nichinpitërin. Inaquë huarëꞌ ahuërahuaton canarin.