Éxodo 15:20 - Chayahuita (Shahui)

²⁰ Naporoꞌ aꞌna sanapinta huanirin, Maria itopisoꞌ. Inasoꞌ, Yosë yonquirinso shaꞌhuinaꞌpi. Aaron oshinpain. Pantirita piꞌniaton, Yosë cantanën cantararin. Yaꞌipi israironoꞌsanta yorantapi. Naporahuatona Yosë marëꞌ nansarapi.

Éxodo 15:20 ပူးပေါင်းရင်းမြစ်များ

Génesis 31:27

Nonpintatonco, co shaꞌhuitaponcorahuëꞌ taꞌaiaran. ¡Co naporëhuëꞌ! Yaꞌhuëranquë yapaantaranso shaꞌhuitëranco naporini, noya ninontatëhua capa cancanchitërihuahuëꞌ. Pita nicatëhuaꞌ: Tonton, arpa, inapita piꞌnipiquë ninonchitërihuahuëꞌ.

2 Samuel 1:20

Amana Cato ninanoquë ina nanan shaꞌhuicosohuëꞌ. Asocaron cachiroꞌsaquëntaꞌ, ama ina nitochinasohuëꞌ. Huiristino sanapiꞌsa nitotatona capa cancantohuachinaꞌ. Inpio sanapiroꞌsa niponaraihuëꞌ, capa cancantohuachinaꞌ.

2 Samuel 6:14

Tapisoꞌ, aꞌnara ipoto rino piꞌshi quëran nipisoꞌ aꞌmorin. Ina aꞌmosahuaton yaꞌipi cancanën quëran Sinioro marëꞌ nansaraarin.

2 Samuel 6:16

Sinioro caposonën Quirosarinquë quëꞌcanconpi. Napohuachinara, Saonocoꞌ huiꞌnin Micaro itopisosoꞌ, huintananën quëran nocotiirin. Nocotopirinhuëꞌ, soꞌinsoꞌ nansaton pashi pashitëriarin. Sinioro chinotaton napóriapirinhuëꞌ, inarisoꞌ co yainyántërahuëꞌ, niꞌnin.

2 Samuel 6:5

Tapisoꞌ, aꞌnapitarë chachin imatatonaꞌ, cantararapi. Nansararapi. Yaꞌipi cancanëna quëran naporarapi. Aꞌnaquën nisha nisha nininsopita piꞌnirarapi: Arpa, nisha quitara, pantirita, pirinan, huaꞌna shari shari, inapita piꞌnirasoiꞌ, naporarapi.

2 Reyes 22:14

Napotohuachina, inapitaso Saron saꞌin Orata itopisoꞌ, nicapona paꞌpi. Inaso sanapi, Yosë yonquirinso shaꞌhuinaꞌpi. Soꞌinsoꞌ, Tiquipa huiꞌnin. Yaꞌhuërëꞌ inantaꞌ, Arasi huiꞌnin. Arasisoꞌ, corto huaꞌanoꞌsa aꞌmorinso tapanaꞌpi. Orataso soꞌinëꞌ, Quirosarin quëran yaꞌnatiirinso barrio pirayan yaꞌhuërin. Cantonahuatona natanpachinara: —Sinioro chinotërëhuaso naporin: “Natanamacoso marëꞌ aꞌparinquëmasoꞌ, iso pochin shaꞌhuitoncoꞌ: ‘Caso Sinioroco napotaranquën. Tëhuënchachin Quirosarinquë yaꞌhuëpisopita anaꞌintarahuë. Moisësë ninshitërinso chachin iso ninano ataꞌhuantarahuë. Pënëntërahuësoꞌ quiricaquë Cota huënton copirno nataninso chachin nitarahuë.

Salmos 150:4

Pantiritanta piꞌniatëhuaꞌ, Sinioro marëꞌ nansaahuaꞌ. Nisha nisha pirinan, pihuitëhuaꞌ, ina paꞌyatahuaꞌ.

Éxodo 2:4

Oshinso nipirinhuëꞌ, yoꞌyoaꞌhuain niꞌca marëꞌ inaquë acorin. Yaꞌcariya naꞌpiton: “¡Onpoꞌin taꞌma paꞌ!” taꞌton, niꞌsárin.

Eclesiastés 3:4

Naꞌnëcaso tahuëri. Huinacaso tahuëri. Sëtacaso tahuëri. Pita nicacaso tahuëri.

Jeremías 31:4

Nasha quëran chachin noya acoantaranquëmaꞌ. Capa cancantatoma nansapomaꞌ. Shari shari piꞌniatomaꞌ, nansapomaꞌ.

Miqueas 6:4

Shimashonëmapita iráca Iquipitoquë chiníquën asacatatona aparisitápirinahuëꞌ, cari ocoiato nichaꞌërahuë. Naporahuaton catahuainëmaso marëꞌ Moisësë, Aaron, Maria, inapita acorahuë.

Números 12:1

Aꞌna tahuëri Aaron, Maria inapita Moisësë pinopi. Coso sanapi maninso marëꞌ chinotopi.

Números 12:2

Naporahuaton: “Sinioroso co Moisësëáchin nontërinhuëꞌ, quiyanta nontërincoi chachin,” topi nonatonaꞌ. Napopiso napoaponahuëꞌ, Siniororinta natanin.

Números 20:1

Amaricoroꞌsaꞌ, cananoꞌsaꞌ, inapitari canapi piquëran, israiroꞌsaso huëꞌpiso parti paꞌmantapi. Pascoa yoquiquë, Sin inotëro parti camantapi. Catisë ninanoquë huaꞌqui quëparitopi. Inaquë Maria chiminin. Chiminpachina, inaquëranchin paꞌpitopi.

Lucas 2:36

Aꞌna sanapintaꞌ inaquë yaꞌhuërin, Ana itopisoꞌ. Inasoꞌ Panino huiꞌnin, Asirë huëntonquë yaꞌhuërinsoꞌ. Yosë nohuanton, nitoninorin. Nani paiya. Nanon nipon, aꞌna quëmapiri manin. Canchisë piꞌipiachin niquëpasoiꞌ,

Hechos 21:9

Catapini huiꞌninpita yaꞌhuëtërin. Nanoꞌsaꞌ niponaraihuëꞌ, co soꞌyapihuëꞌ. Ispirito Santori catahuarin Yosëri anitotërinso shaꞌhuicaisoꞌ.

1 Corintios 11:5

Canpitantaꞌ, imoyaroꞌsaꞌ, niyontonëhuaquë Yosë nontohuatamaꞌ, soꞌyamaꞌ natëtomaꞌ, niimomototocoꞌ. Yosë anitotërinquëmasoꞌ shaꞌhuihuatamantaꞌ, niimomototocoꞌ. Co niimomototohuatamahuëꞌ, noyá niyaꞌitopiso pochin yaꞌnoaramaꞌ. Ina pochin nipatamaꞌ, soꞌyamaꞌ atapanaramaꞌ.

1 Corintios 14:34

sanapiꞌsasoꞌ taꞌtatonaꞌ, natainaꞌ. Ama pënënchinasohuëꞌ. “Quëmapiꞌsaꞌ natëinaꞌ,” tënin Yosë pënëntërinquë.

Jueces 4:4

Naporo tahuëriꞌsa israiroꞌsasoꞌ, aꞌna sanapiri huaꞌanëntërin. Inasoꞌ, Tipora itopi. Inaso sanapi, Yosëri anitotërinso shaꞌhuinaꞌpi. Soꞌinsoꞌ, Napito itopi.

1 Samuel 10:5

Ina quëran paꞌsahuaton Yosë Quipianën itopisoꞌ ninanoquë cansaran. Inaquë panca huënton huiristino sontaroꞌsa yaꞌhuërin. Ina ninanoquë yaꞌconpatamaꞌ, aꞌna huëntonaca pënëntonaꞌpiroꞌsa nacapiaramaꞌ. Yosë yonquirinso shaꞌhuirëꞌnachin huëꞌsapi, nacapiaran. Inahuasoꞌ, inahuara nohuanton artaro acopi quëran nohuaramarapi. Aꞌnaquën quëchitatona nisha nisha piꞌníriapi. Nisha quitara, pantirita, arpa, inapita piꞌníriapi. Pirinanoꞌsanta pihuiriapi nacapiaran.

1 Samuel 18:6

Tapi Coriato tëparinso piquëran, Israiro sontaroꞌsasoꞌ huënantapi. Inachintopiso niꞌton, yaꞌipi Israiro sanapiꞌsari Saono nacapipi. Yaꞌipi ninanoroꞌsa quëran huëꞌsahuatonaꞌ, nacapipi. Pantirita, arpa, inapita piꞌnirahuatonaꞌ, cantarëꞌnachin nansaariapi. Capa cancantatona naporiapi.