Éxodo 15:2 - Chayahuita (Shahui)

² Sinioroso chini chiníquën nanantaton achinirinpoaꞌ. Ina tëhuënchinsoꞌ nichaꞌërinpoaꞌ: ‘Ma noyacha inaso paya,’ itatëhua cantahuaꞌ. Tatanënpoarinta chinotërin. Napoaton paꞌyatahuaꞌ.

Éxodo 15:2 ပူးပေါင်းရင်းမြစ်များ

Génesis 17:7

Quëmarëꞌco ipora nani anoyatërahuë. Shiparinpitarëꞌconta aꞌna tahuëri anoyatarahuë. Yosënënco niꞌto, catahuaráponquën. Shiparinpitanta inapotápo.

Génesis 49:18

Ina quëran Cacoposoꞌ Yosë nontaton tapon: “¡Sinioro, quëmasoꞌ nichaꞌësaranco tënahuë!” itërin.

2 Samuel 22:3

Quëmaso Yosënquën. Quëmasáchin imaranquën. Panca naꞌpiana noyá yaꞌcopirinco. Iscotontaꞌ, noya paꞌpoyarinco. Inapochachin quëmanta noya paꞌpoyaranco. Chiníquën nanantaton nichaꞌëranco. Ina inápa natëtëquë noya naꞌpirëꞌ, inapochachin quëmanta noya yaꞌcopiranco. Inimicoroꞌsa quëran nichaꞌëranco. Noꞌhuitërayaroꞌsa yatëpapirinacohuëꞌ, nichaꞌëranco.

2 Samuel 22:47

¡Sinioro quëmaso yaꞌhuëmiatëquëꞌ! ¡Ma noyacha quëmasoꞌ paꞌpoyarancoi paya! Quëmasoꞌ nichaꞌëranco, paꞌpoyaranco, napotëranco. Napotëranco niꞌton, shaꞌhuihuato naní quëran paꞌyachinën.

2 Samuel 22:51

Quëma catahuaranco niꞌton, naꞌaro inimicoroꞌsa minsërahuë. Huayonatonco copirno nicaꞌhuaso marëꞌ acoranco. Nosoroatonco yácatahuaranco. Cá quëran pipipisopitanta inapotápon,” tënin Tapi Yosë cantanën cantaton.

2 Samuel 7:24

Israiroꞌsacoi huaꞌanëntápancoiso marëꞌ naporan. Napoaton quëmasoꞌ Sinioro Yosënëhuëinquën nisaran.

2 Samuel 7:5

“Paaton piyapinëhuë Tapi, yonquirahuëso shaꞌhuitëquëꞌ: ‘Pëi yaꞌhuëcaꞌhuaso marëꞌ, co quëma nitarancohuëꞌ.

1 Reyes 8:13

Inaquë yaꞌhuëpiranhuëꞌ, carinquën pëi anitëranquën. Inaquë yaꞌhuëmiatamaso marëꞌ acotëranquën,” itërin.

1 Reyes 8:27

Pëi mini nitopiranquënhuëꞌ, co quëmasoꞌ inaquë naniaranhuëꞌ. Co piꞌiroꞌtëquë tëranta naniranhuëꞌ nichinapon chachin, aquëtë huarëꞌ iso pëi nitëranquënquësoꞌ, co naniponhuëꞌ.

Salmos 118:14

Ina achinirinco niꞌton, cantanën cantato chinotarahuë. Insáchin nichaꞌërinco.

Salmos 118:21

Nontëranquënsoꞌ aꞌpaniranco niꞌton, “Yosparinquën Sinioro,” itaranquën. Nichaꞌërancoso marëntaꞌ, “Yosparinquën,” itaranquën.

Salmos 118:28

Quëmasoꞌ Sinioro chini chiníquën nanantëran. “¡Ma noyanquëncha ninan paya!” taꞌto chinotaranquën.

Salmos 145:1

“¡Ma noyanquëncha quëmasoꞌ Sinioro paya!” Quëmaso copirnonëhuënquën. Chinotomiatáponquën. Nani tahuëri naporápo. Co onporonta copitosarahuëꞌ.

Salmos 22:10

Coꞌhuara huaꞌhuachátërasocohuëꞌ, aꞌpairanco. Yoꞌnanquë nicasoco quëran huarëꞌ quëmasoꞌ acoranco chinotaꞌhuanquënso marëꞌ.

Salmos 22:3

Quëmaso napoaponahuëꞌ, noyasáchin ninan. Yaꞌipi israiroꞌsacoi huaꞌanëntërancoi. Napoaton yaꞌipicoi chinotërainquën.

Salmos 27:1

Sinioro, quëmasoꞌ aꞌpintatonco nichaꞌëranco. ¡Co insonta tëꞌhuataꞌhuaso yaꞌhuërinhuëꞌ! Sinioro, quëmasoꞌ paꞌpoyaranco niꞌton, noya yaꞌhuëarahuë. ¡Co inso tëranta tëꞌhuatarahuëꞌ!

Salmos 34:3

Huëco napopináchin Sinioro chinotahuaꞌ. Chini chiníquën nanantërinso marëꞌ inapotahuaꞌ.

Éxodo 14:13

Napotopirinahuëꞌ, Moisësëriso itapon: —¡Ama paꞌyancosohuëꞌ! ¡Chiníquën cancantocoꞌ! Sinioro chachin nichaꞌërinpoasoꞌ, ipora niꞌsaramaꞌ. Inari canpita yaꞌhuërënamën ahuëtaton, iquipitoroꞌsa minsëarin. Napoaton co huachi onporo tëranta inapita quënanaramahuëꞌ, itërin.

Éxodo 3:6

Ina quëran itaantarin: —Caso Yosëco. Shimashonënpita: Apraan, Isaco, Cacopo, inapita chinotërinaco, itërin. Ina natanahuaton, Moisësë paꞌyanin. Nipaꞌcopirayatahuaton, co huachi Yosë niꞌcaso nohuantërinhuëꞌ.

Éxodo 4:22

Naporoꞌ quëmari napotëquëꞌ: Naporin Yosë: “Caso Yosëco. Israiroꞌsa nosororahuë. Inapitasoꞌ paninan huiꞌnahuë pochin niꞌnahuë.

Éxodo 40:34

Nani yaꞌipi tënihuachinara, chitorori Yosë chinotacaso marëꞌ nëꞌmëtë pëi ótënpisoꞌ, imotërin huachi. Yosë huënaratërinsontaꞌ, ina acoana noyá aꞌpintërin.

Isaías 45:17

Israiroꞌsanpoaso nipirinhuëꞌ, Sinioro nichaꞌërinpoaꞌ. Yaꞌhuëmiatacaso marëꞌ nichaꞌërinpoaꞌ. Co onporonta taparo nisarëhuahuëꞌ.

Isaías 49:6

Ina Sinioro chachin shaꞌhuitaantarinco: ‘Cacopo quëran pipipisopita huëntonoꞌsaꞌ, quëmari anoyataantapon. Inimicoroꞌsari quëpapirinahuëꞌ, quëmari ayontoantapon. Napoaponahuëꞌ, co inaíchin nicacaso marëꞌ acoranquënhuëꞌ, nisha piyapiꞌsanta aꞌchintaton, anohuitaancoso marëꞌ acoranquën. Aꞌpintërëso pochin nanamëhuë anitotaran. Yaꞌipi parti piyapiꞌsa chaꞌëcaiso marëꞌ aꞌchintëraꞌpiapon,’ itërinco,” tënin.

Isaías 66:1

Naquëranchin Sinioro taantarin: “Piꞌiroꞌtësoꞌ, huaꞌanëntërahuëso shiranëhuë pochin ninin. Isoroꞌpantaꞌ, nantëhuë ayaꞌnanahuëquë pochin ninin. Ina pochin niꞌton, ¡co insëquë tërantaꞌ, pëi nitamacoso marëꞌ nanirinhuëꞌ! ¡Co insëquë tëranta chinotaꞌhuaso marëꞌ nitamacosoꞌ nanitëramahuëꞌ!

Jeremías 31:33

Naporo tahuëriꞌsa israiroꞌsarëꞌco anoyatohuato, iso pochin nisarahuë: Aꞌchintërahuësopita yonquinëna quëran anitotarahuë. Ina nitotohuachinaꞌ, noꞌtëquën natëtacaisoꞌ catahuararahuë. Casáchin chinotarinaco. Inapitanta piyapinëhuëpita nisapi.

Habacuc 3:13

Natananquënso marëꞌ ina pochin anitotëranco. Piyapinënpita catahuacaso marëꞌ huëꞌsaran. Copirnonënantaꞌ, quëmari chachin huayonan. Inanta catahuacaso marëꞌ huëꞌsaran. Inimiconënapita minsëcaso marëꞌ huëcatë pochin ninan. Pëi aꞌcanpiso oꞌquiatë pochin co noyahuëꞌ nipisopita huaꞌanëna tëparan. Pëi oquiatë simintonën aꞌnorëso pochin piyapinënpitanta imaquipisoꞌ, yaꞌipi ataꞌhuantaran.

Lucas 1:77

Yosë piyapinënpita itapon: ‘Oshanëmaꞌ inquitatënquëmaꞌ, Sinioro anoyacancantarinquëmaꞌ,’ itaran.

Lucas 2:30

Iso huaꞌhuasha nani niꞌnahuë. Nichaꞌëincoiso marëꞌ aꞌpaimaran.

Juan 4:22

Canpitasoꞌ Yosë chinotopiramahuëꞌ, co nohuitëramahuëꞌ. Cotioroꞌsacoisoꞌ, Yosë nohuitërai. Cotio quëmapi nichaꞌësarinquëmaꞌ canpitantaꞌ.

Juan 5:23

Ina quëran yaꞌipi piyapiꞌsaꞌ noya niꞌsarinaco. Tatahuë noya niꞌpiso pochachin niꞌsarinaco. Ina marëꞌ nanan quëtërinco. Co noya niꞌpatamacohuëꞌ, Tatahuëntaꞌ co noya niꞌnamahuëꞌ. Ina aꞌpaimarinco.

Hechos 4:12

Quisocristoíchin anoyacancantërinpoaꞌ. Co aꞌna nanitërinhuëꞌ nichaꞌëinpoasoꞌ. Inaíchin nanitërin nichaꞌëinpoasoꞌ, itërin Pitrori.

2 Corintios 5:19

Yosë nohuanton, huiꞌnin chiminin anoyacancantinpoaso marëꞌ. Anoyacancantohuachinpoaꞌ, co huachi oshanënpoaꞌ yonquirinhuëꞌ, inquitërinpoa huachi. Nani nanan anoyatohuachinpoara, quiyantaꞌ acorincoi paatoi aꞌnapita shaꞌhuitaꞌhuaiso marëꞌ.

Efesios 2:22

Canpitantaꞌ Quisocristo imatomaꞌ, yaꞌconamaꞌ. Aꞌnaya aꞌnayanpoaꞌ naꞌpi pochin ninëhuaꞌ pëiꞌ nanicaso marëꞌ. Yaꞌipi imarëhuasopita Yosë pëinën pochin ninëhuaꞌ. Ispirito Santo yaꞌcoancantohuachinpoaꞌ, Yosë chachin canpoarëꞌ yaꞌhuërarin huachi.

Deuteronomio 10:21

Inasoꞌ nóya niꞌton, canpoasoꞌ inasáchin chinotërëhuaꞌ. Inaíchin Yosë imarëhuasoꞌ. Catahuainpoaso marëꞌ, paꞌpi huëhuëpiro nininsopita maꞌsha aꞌnorin, canpitanta niꞌnamaꞌ.

Filipenses 2:11

“Quisocristosoꞌ Yosë huiꞌnin niꞌton, yaꞌipiya huaꞌanëntarin,” tëcaponaꞌ. Ina quëran Tata Yosë naꞌcon naꞌcon yonquiarëhua huachi.

Filipenses 4:13

Co caora nanitapapirahuëꞌ, Quisocristo achinicancaninco niꞌton, yaꞌipiya nanitaparahuë. Maꞌsha onpoaporahuëntaꞌ, noya ahuantërahuë.

Colosenses 2:9

Quisocristoíchin natëcasoꞌ yaꞌhuërin. Piyapi chachin niponahuëꞌ, Yosë chachin ninin antaꞌ. Co mantaꞌ pahuantërinhuëꞌ Yosë pochin nicacasoꞌ.

Apocalipsis 15:3

Iráca Moisësë Yosëíchin natëton, inimiconënpita minsërahuaton, cantarin. Inapochachin isopitantaꞌ cantarapi. Carniroaꞌhua cantarinsontaꞌ cantarapi. “¡Ma noyanquëncha, Sinioro, quëmaso paya! Yaꞌipi nanitaparan. Ma noyacha catahuarancoi paya. Chiníquën nanantaton, noya ninan. Noya huaꞌanëntaton, noꞌtëquën anaꞌintëran. Co onporontaꞌ nonpinanhuëꞌ. Yaꞌipi piyapiꞌsaꞌ natëinënquën.

Apocalipsis 19:1

Ina quëran notohuaroꞌ inápaquë yaꞌhuëpisopita nonsapi natanahuë. Capa cancantatonaꞌ, chiníquën nonsapi: “¡Ma noyacha Tata Yosëso piyapiꞌsaꞌ nichaꞌërin paya! Chini chiníquën nanantarin niꞌton, yaꞌipi piyapiꞌsari chinochinaꞌ.

Jueces 5:21

Quison iꞌsha itopisori yaꞌipi motoꞌ pama huëcaton, inimicoroꞌsa quiquirin. Yapëntonpirinahuëꞌ, amocan huitërëso pochin nitërin. Inaso iꞌsha, iráca yaꞌhuërinsoꞌ. Inari chiníquën nanantopisopita sëꞌcopiconotërëso pochin nitërin.