Éxodo 15:17 - Chayahuita (Shahui)

¹⁷ Sinioro quëmasoꞌ noyasáchin ninan. Huaꞌanëntëranquë chachin quëpacoi. Yaꞌhuëmiatamaso marëꞌ motopi nani huayonan. Chinotiinënquënso pëi quëmari chachin ninan, inaquë quëpacoi yaꞌhuëmiachi.

Éxodo 15:17 ပူးပေါင်းရင်းမြစ်များ

2 Samuel 7:10

Naporahuaton, canpita yaꞌhuëcamaso marëꞌ noꞌpaꞌ taparahuë. Inaquë yaꞌhuëcamaso marëꞌ acoranquëmaꞌ. Isëquësoꞌ, co insonta apiponquëmahuëꞌ. Co noyahuëꞌ nipisopita co aparisitaponquëmahuëꞌ. Shimashonëmapitasoꞌ iso Canaan noꞌpaquë yaꞌnan yaꞌhuëaponaꞌ, aparisitopi. Canpitaso ipora co huachi inapotarinënquëmahuëꞌ.

1 Reyes 8:13

Inaquë yaꞌhuëpiranhuëꞌ, carinquën pëi anitëranquën. Inaquë yaꞌhuëmiatamaso marëꞌ acotëranquën,” itërin.

Salmos 2:6

“Quirosarin ninanosoꞌ, cari huayonahuë. Inaquë huaꞌanëntacaso marëꞌ ¡nani copirno acorahuë!” itërin.

Salmos 80:15

Quëmaora chachin shacatë pochin nitërancoi. Quëma chachin aꞌpairancoi.

Salmos 80:8

Opa paꞌhuë ocoirëso pochin piyapinëpitacoi Iquipito quëran ocoirancoi. Inpio nacionoꞌsaquë yaꞌhuëpisopita aꞌparahuaton, noꞌpanënaquë shacatë pochin nitërancoi.

Éxodo 15:13

Paꞌpi nosoromiatërancoi niꞌton, nichaꞌërancoi. Chiníquën nanantaton quëparancoi. Yaꞌhuëcaꞌhuaiso marëꞌ huayonanquë chachin quëparancoi.

Jeremías 2:21

Noya noya opa shaꞌnëso pochin canpitaso acoranquëmaꞌ. Huayonatë shaꞌnëso pochin nitëranquëmaꞌ. Inapotopiranquëmahuëꞌ, canpitaso coꞌchachin nishatëramaꞌ. Napoatoma co huachi onpo nohuitochináchinhuëꞌ ninamaꞌ.

Jeremías 31:23

Siniorosoꞌ, yaꞌipi nanitaparin. Inasáchin israiroꞌsanpoa chinotërëhuaꞌ. Ina huaꞌnarahuëquë nontatonco: “Cota huënton israiroꞌsa naꞌcon parisitapirinahuëꞌ, ca nohuanton noya yaꞌhuëantapi. Yaꞌhuëpiso noꞌpaquë chachin huënantahuatonaꞌ, inahuara ninanonënaquë yaꞌhuëantaponaꞌ. Quirosarinquë huënantahuachinaꞌ, noya yonquirapiantatonaꞌ: ‘¡Quirosarin ninanoquë yaꞌhuëpisopitasoꞌ, Siniorori noya yonquirapiton catahuain! Inari huayonin inaquë chinotacaso pëi acocaiso marëꞌ,’ itaponaꞌ.

Ezequiel 37:26

Ama tëꞌhuarëꞌna yaꞌhuëcaiso marëhuëꞌ, inapitaroꞌco anoyatarahuë. Inapitaroꞌco anoyatërahuësoꞌ, yaꞌhuëmiatarin. Ca nohuanton notohuaroꞌ naꞌaponaꞌ. Naporahuaton chinotërinacoso pëiꞌ, inapita yaꞌhuëpiso huáncana acoarahuë.

Ezequiel 37:28

Chinotërinacoso pëi acorahuësoꞌ, inahua yaꞌhuëpiso huáncana yaꞌhuëmiatapon. Napohuachina, aꞌnapita nacionoꞌsasoꞌ: “Tëhuënchachin Siniorori israiroꞌsa huayonin. Noya noya huaꞌanëntacaso marëꞌ naporin,” taponaꞌ,’ itaantaquëꞌ,” itërinco.

Deuteronomio 33:19

Aꞌnapita Israiro huëntonoꞌsa përaponaꞌ: ‘Huëco paꞌahua Sinioro chinotërëhuaso motopiquë, ina chinotahuaꞌ,’ taponaꞌ. Inaquë paatonaꞌ, Sinioro marëꞌ maꞌsha tëpatona chinotaponaꞌ. Paꞌanai marëꞌ, marë paꞌtohuachinaꞌ, nisha nisha nacion nonshinanoꞌsaquë maꞌsha paꞌanatona canaponaꞌ. Ina canapi quëran noya yaꞌhuëaponaꞌ,” tënin.