Éxodo 15:16 - Chayahuita (Shahui)

¹⁶ Catahuacoi Sinioro. Nisha nisha nacionoꞌsa tëꞌhuachina huachi. Naꞌpi co pacaritërinsohuë pochin, quëma nohuanton niinaꞌ. Piyapinënpitacoi noꞌpanëna naꞌhuëtaꞌhuai huarëꞌ napoꞌinaꞌ.

Éxodo 15:16 ပူးပေါင်းရင်းမြစ်များ

Génesis 35:5

Paꞌpachinara, Yosë nohuanton, nisha nisha ninanoroꞌsaquë yaꞌhuëpisopita paꞌpi tëꞌhuapi. Napoatona co nanitopihuëꞌ Cacopo huiꞌninpita, imatona iꞌhuërëtacaisoꞌ.

2 Samuel 7:23

Israiroꞌsacoisoꞌ, piyapinënpitacoi. Nishatërai niꞌton, co aꞌna nacion tëranta quiya pochin yaꞌhuërinhuëꞌ. Iquipito quëran nichaꞌërahuatoncoi, huaꞌanëntërancoi. Nisha nisha nacionoꞌsa isëquë yaꞌhuëpirinahuëꞌ, ocoiran. Inapitasoꞌ nisha nisha mamanshi moshapirinahuëꞌ, napotëran. Huëhuëpiro nitaton ocoiran niꞌton, sacóshin nahuinan.

Salmos 105:38

Paꞌpisoꞌ nicatona iquipitoroꞌsasoꞌ, nóya cancantopi huachi. Nani maꞌsha onpoatonaꞌ, paꞌpi paꞌyanpirinahuëꞌ.

Salmos 89:14

Quëmasoꞌ noya coisë pochin niꞌton, noꞌtëquënáchin yonquiran. Napopináchin piyapiꞌsa nicaton, maꞌsona onpotacasoꞌ noꞌtëquën shaꞌhuiran. Nosorotëransoꞌ, co nisha nisha cancantëransohuëꞌ, ina pochin ninansoꞌ co aꞌporinquënhuëꞌ.

Éxodo 11:7

Israiroꞌsaso nipirinhuëꞌ, co aꞌna paninanëna tëranta tëpapohuëꞌ. Co pëꞌtahuanëna yaꞌnan huaꞌhuatërinso tërantaꞌ, inapotapohuëꞌ. Napoaton inaquësoꞌ, co aꞌna niꞌnira tëranta naꞌnëponhuëꞌ. Ina quëran israiroꞌsa nosororahuësoꞌ, nitotarama huachi,’ tënin.

Éxodo 15:13

Paꞌpi nosoromiatërancoi niꞌton, nichaꞌërancoi. Chiníquën nanantaton quëparancoi. Yaꞌhuëcaꞌhuaiso marëꞌ huayonanquë chachin quëparancoi.

Éxodo 15:5

Naꞌpi pochin marë huancanai nicotaitomapi. Anpo anpo nininquë paꞌmapi.

Éxodo 15:6

Sinioro. Ma noyacha ninan paya. Chini chiníquën nanantaton, inimicoroꞌsa paꞌsa paꞌsatëran.

Éxodo 20:2

“Ca Sinioroco huaꞌanëntaranquëmaꞌ. Iquipitoquë chiníquën asacatopirinënquëmahuëꞌ, nani ocoiranquëma huachi. Apira noya natëamacoso marëꞌ shaꞌhuichinquëma natancoꞌ.

Isaías 63:12

Yosëso chini chiníquën nanantaton Moisësë catahuarin. Marëquë nipachina patomairahuaton ira pochin acorin. Napohuachina, co toꞌcoitatonaraihuë noya pëntonpi. Cahuarioroꞌsa inotëro taꞌatohuachina co toꞌcoitopisohuë pochin nipi. Pëꞌtahuaroꞌsanta panën quëran noyaroꞌtëquë chinotacaso marëꞌ paꞌmapiso pochin nipi. Inapoaton chini chiníquën nanantërinsoꞌ, nahuimiatërin huachi. Iporaso napoaponahuëꞌ, ¿Intohuata pacaton co huachi yacatahuarinpoahuëꞌ?” topi Sinioro ispiritonën ira aꞌnotatë pochin nitatonpoaꞌ, piyapinënpitanpoa quëninpoaꞌ. Inapoaton noya noya nininsoꞌ nahuimiatërin.

Jeremías 31:11

Siniorori Cacopo quëran pipipisopita nichaꞌërin. Chiníquën nanantërinsoꞌ nacioni huaꞌanëntopirinhuëꞌ, nichaꞌërin.

Hechos 20:28

Canpitantaꞌ niꞌcona piꞌpian tërantaꞌ Yosë naniantotamaꞌ. Quisoso imapisopitantaꞌ noya niꞌcoꞌ. Ispirito Santo nani acorinquëmaꞌ huaꞌanën pochin nicacamaso marëꞌ. Inapitantaꞌ Yosë huëntonënquë yaꞌconpi. Quisoso chiminaton, ayaꞌconinpoaꞌ.

Deuteronomio 32:6

¡Co napochitomahuë pora! Napotatomaꞌ, co yonquiramahuë pochin niconamaꞌ. ¡Ina canpitaso nininquëmaꞌ! ¡Huiꞌninpita pochachin aꞌpairinquëmaꞌ! ¡Coꞌta ina acorinquëmaꞌ! ¡Ina nohuanton nacion ocoiramaꞌ!

Tito 2:14

Iráca canpoa marëꞌ chiminin oshanënpoaꞌ inquitinpoaso marëꞌ. Anoyacancantërinpoaꞌ piyapinënpita nicacaso marëꞌ. Huëntonënquë chachin yaꞌconpatëhuaꞌ, noya nicacasoráchin nohuantarihuaꞌ.

Josué 2:9

—Tëhuënchachin Sinioro yaꞌipi iso noꞌpaꞌ canpita quëtaponquëmaꞌ. Ina nohuanton quiyaso paꞌpi tëꞌhuatërainquëmaꞌ. Yaꞌipi isëquë yaꞌhuëraisoꞌ, naporai.

Josué 4:24

Ina pochin shaꞌhuihuatamaꞌ, yaꞌipi isoroꞌpaquë nisha nisha piyapi nipisopita Sinioro chini chiníquën nanantërinso nitotaponaꞌ. Naporahuaton canpitantaꞌ, ‘Sinioroso Yosënënpoa niꞌton, noya nicatëhua natërápaso yaꞌhuëchinpoaꞌ,’ tosaramaꞌ,” itërin Cosoiri.

1 Pedro 2:9

Imarëhuasopitaso nipirinhuëꞌ nohuantërinpoaꞌ. Huayoninpoaꞌ ina nohuitacaso marëꞌ. Inasáchin huaꞌanëntërinpoaꞌ. Nani acorinpoaꞌ corto huaꞌanoꞌsa pochin nicatëhuaꞌ, ina marëꞌ sacatacasoꞌ. Noyápiachin cancan quëtërinpoaꞌ. Yosë piyapinënpoaꞌ ninëhuaꞌ. Iráca tashi pochin cancantopirëhuahuëꞌ, Yosë nichaꞌërinpoaꞌ tahuëri pochin cancantacaso marëꞌ. Acorinpoaꞌ Yosë noya nosororinpoasoꞌ shaꞌhuicaso marëꞌ.

2 Pedro 2:1

Iráca Yosëri acorinsopita noꞌtëquën pënëntopi. Aꞌnaquënso nipirinhuëꞌ nonpin nanan pënëntatonaꞌ, israiroꞌsaꞌ nonpintopi. Inapochachin iporantaꞌ aꞌnaquën nonpin nanan yaaꞌchintarinënquëmaꞌ. Noyasha nontapirinënquëmahuëꞌ, nonpintarinënquëmaꞌ. “Quiyantaꞌ imarai,” taponaraihuëꞌ, nonpin nanan aꞌchinapi anishacancantacaiso marëꞌ. Quisocristo nichaꞌëinpoaso marëꞌ chiminin. Inaíchin natëcaso nipirinhuëꞌ, nisha aꞌchinaꞌpiroꞌsasoꞌ co yanatëpihuëꞌ. Ina marëꞌ aꞌna tahuëri Yosëri anaꞌintarin. Aꞌnanaya anaꞌintarin.

1 Samuel 2:9

Sinioroáchin cancantopisopita intohuaso paꞌpachinara, inari noya aꞌpaiarin. Co noyahuëꞌ cancantopisopitaso nipirinhuëꞌ, chimipiroꞌsa nisapiquë paꞌsapi. Inaquësoꞌ, yaꞌipi tashinantárin. Co insonta inaora chininënquë noya noya niacoarinhuëꞌ.