Éxodo 14:7 - Chayahuita (Shahui)

⁷ Yaꞌipi toronanoꞌsa Iquipitoquë yaꞌhuërinsoꞌ, quëparapi. Huaꞌanoꞌsantaꞌ, saota pasa toronan noya noya nininsopitaquë paꞌsapi. Aꞌnaya aꞌnaya toronanquë aꞌnara sontaro huaꞌan paꞌsarin.

Éxodo 14:7 ပူးပေါင်းရင်းမြစ်များ

Génesis 50:9

Sontaroꞌsantaꞌ, aꞌnaquën toronanoꞌsaquë, aꞌnaquënso cahuarioroꞌsaquë, Cosi caꞌtanpi. Napoaton huaꞌhuayátërahuë piyapiꞌsa paꞌpi.

Éxodo 14:23

Iquipito copirnontaꞌ, sontaronënpitarë chachin israiroꞌsa imapi. Toronanënapita, cahuarionënapita, inapitarë chachin huancanaquë huarëꞌ imapi.

Éxodo 14:6

Inapochin yonquiaton, ahuëtacaso toronanën tapacaiso marëꞌ piyapinënpita camairin. Inaquë yaꞌconahuaton, yaꞌipi sontaronënpita quëparin.

Éxodo 14:8

Sinioro nohuanton copirno co natantochináchinhuëꞌ cancantaton, israiroꞌsa imasarin. Chiníquën nanantatona pipipisoꞌ nani nicaponahuëꞌ, imasarin.

Éxodo 15:4

Toronanoꞌsaꞌ, copirno sontaronënpita, inapita marëri imotërin. Sontaro huaꞌanoꞌsanta chiníquën nanantopirinahuëꞌ, Quëhuai marëquë tiquiitërin.

Jueces 4:15

Sisara sontaronënpitarëꞌ niquënanpi huachi. Niahuëhuachinara, Siniorori Sisara sontaronënpita aꞌpayamiatërin. Toronanoꞌsaquë paꞌnapiroꞌsanta inapotërin. Sisara quëran huarëꞌ paꞌyanënquë toronanën quëran nohuararin. Nohuararahuaton noꞌpaꞌ taꞌatërin.

Jueces 4:3

Capinsoꞌ, iscon pasa toronanoꞌsa huaꞌnamia quëran nipisoꞌ yaꞌhuëtërin. Naporahuaton cato shonca piꞌipi israiroꞌsa huaꞌanëntaton, paꞌpi aparisitërin. Nápo piꞌipi quëran huachi, catahuacaiso marëꞌ Yosë nontopi.