Éxodo 14:26 - Chayahuita (Shahui)

²⁶ Naporoꞌ Yosëri, Moisësë itapon: “Huaranën marë parti ihuëantaquëꞌ. Naquëranchin marë inachachin niantaꞌin. Iquipitoroꞌsa imaquiarinëmasoꞌ, toronanënaꞌ, cahuarionënaꞌ, inapitarë chachin imochin,” itërin.

Éxodo 14:26 ပူးပေါင်းရင်းမြစ်များ

Éxodo 1:22

Huaraonso nipirinhuëꞌ, piyapinënpita itapon: “Israiroaꞌhuaroꞌsa quëmapiaꞌhuaya nasitohuachin, iꞌquë tëꞌyaitoco chimiichin. Sanapiaꞌhuaroꞌsaso nipirinhuëꞌ, noya nanpiꞌinaꞌ,” itërin.

Éxodo 14:16

Quëmanta huaranën ihuëtaton, marë patomaiquëꞌ. Yaniro paꞌtatonaꞌ, piyapinëhuëpita pëntonacaiso marëꞌ inapotëquëꞌ.

Éxodo 15:1

Inapotaton Siniorori nichaꞌëpachina, Moisësëso yaꞌipi israiroꞌsapitarë chachin Yosë cantanën cantapi. Cantatonaꞌ, itaponaꞌ: “Sinioro nichaꞌërinpoa niꞌton, cantahuaꞌ. Inimiconënpoapitaso huëꞌpirinahuëꞌ, inari paꞌpi huëhuëpiro nitaton, minsërin. Sontaroꞌsaꞌ, cahuarioroꞌsaꞌ, yaꞌipi marëquë tiquiitërin.

Éxodo 15:4

Toronanoꞌsaꞌ, copirno sontaronënpita, inapita marëri imotërin. Sontaro huaꞌanoꞌsanta chiníquën nanantopirinahuëꞌ, Quëhuai marëquë tiquiitërin.

Éxodo 7:19

Nani copirno shaꞌhuitohuatan, Aaron camaiquë huaranën quëran iiroꞌsa ihuëchin. Iꞌshanaroꞌsaꞌ, sonoroꞌsaꞌ, iꞌsha tapapisopita, inaquëpitanta ihuëchin. Ihuëtohuachin, yaꞌipi ina iꞌsha huënaiꞌ taranarin huachi. Orinanoꞌsaquënta iꞌsha tapapisoꞌ, huënaiꞌ taranapon. Naꞌpi quëran, nontë quëran ina quëranpita nicatona iꞌsha tapapisoꞌ, napoapon,” itërin.

Éxodo 8:5

Napotërinso chachin Moisësësoꞌ paaton copirno nontoonin. Nontopirinhuëꞌ, co yanatëtërinhuëꞌ. Napoaton Yosëri camairin: “Aaron shaꞌhuitëquë huaranën iiroꞌsaquë ihuëꞌin. Iꞌshanaroꞌsaꞌ, sonoroꞌsaquë, inaquëpita huarira pipicaso marëꞌ ihuëꞌin. Ina quëranpita pipitona yaꞌipi Iquipito parti yanquërapi,” itërin.

Mateo 7:2

Aꞌnapita pinopatamaꞌ, Yosëntaꞌ co noyahuëꞌ niꞌsarinquëmaꞌ. Piyapi chiníquën nonapihuatamaꞌ, Yosëntaꞌ chiníquën anaꞌintarinquëmaꞌ. Piyapi noya yonquirapihuatamaꞌ, Yosëntaꞌ noya niꞌsarinquëmaꞌ.

Mateo 8:27

Ina nicatonaꞌ, caꞌtanoꞌsanënpita paꞌyanpi. —¿Ma quëmapicha isosoꞌ niꞌton, ihuan aꞌparin paya? Sonontaꞌ aꞌnaroáchin asanoirin, nitopi.

Santiago 2:13

Co piyapiꞌsaꞌ nosorohuatamahuëꞌ, ayaroꞌ tahuëri Yosëntaꞌ co nosoroarinquëmahuëꞌ. Napoaton “Yosë naꞌcon nosororinpoaꞌ,” taꞌtëhuaꞌ, aꞌnapita nosoroaꞌhuaꞌ. Ina quëran ayaroꞌ tahuëri co anaꞌintarinpoahuëꞌ.

Apocalipsis 16:6

Naꞌa imarinënsopita tëpapi. Noya pënëntopirinahuëꞌ, tëpapi niꞌton, iꞌhuërëtaton, anaꞌintaran. Iiroꞌsaꞌ huënaiꞌ atarantëran niꞌton, ina tërantaꞌ oꞌocaisoꞌ yaꞌhuërin. Noꞌtëquën anaꞌintaran,” itërin.