Éxodo 14:22 - Chayahuita (Shahui)

²² Ahuënan quëran iꞌ paira pochin nisarin, inchinan quëraontaꞌ, napopin chachin niꞌton, inataquëchin israiroꞌsa pëntonapi huachi.

Éxodo 14:22 ပူးပေါင်းရင်းမြစ်များ

2 Reyes 2:14

Ina aꞌmorinsoquë chachin huihuiitahuaton, tapon: “¡Sinioro, quëmasoꞌ huaꞌanëhuë Iniasë chinotërinquën! ¡Ina catahuaranso pochachin cantaꞌ, catahuaco!” itërin. Naporo chachin Cortaniiꞌ nipatomairin. Napohuachina aquëtëran pëntoantarin.

2 Reyes 2:8

Naporoꞌ Iniasësoꞌ, aipi aꞌmorinso soꞌnanahuaton huihuiirin. Inapotohuachina, iiso nipatomairin. Napohuachina, cato chachin inataquëchin pëntonpi.

Nehemías 9:11

Marë patomaihuatana, yanirotaquëchin piyapinënpita pëntonpi. Imaquipisopitaso nipirinhuëꞌ, anpoquë naꞌpi tëꞌyaitërëso pochin nitëran.

Salmos 66:6

Marë pancaiꞌ nipirinhuëꞌ, ayanirin. Iinta ayanipachina, noꞌpaꞌ paꞌtatonaꞌ, shimashonënpoapita pëntonpi. Inaquëpita Yosë yonquiatona capa cancantopi.

Éxodo 14:29

Israiroꞌsaso nipirinhuëꞌ, noya pëntonpi. Ahuënan quëran inchinan quëran iꞌ paira pochin ninin niꞌton, inataquëchin noya pëntonpi.

Éxodo 15:19

Iquipito copirnosoꞌ, sontaronënpitarë chachin, israiroꞌsa imarin. Aꞌnaquën toronanoꞌsaquë. Aꞌnaquëontaꞌ, cahuarioroꞌsaquë imarin. Imatona marëquë yaꞌconpi. Yaꞌconpachinara, Yosë nohuanton marë inachachin niantarin. Napoaton yaꞌipiya chimiitopi. Israiroꞌsaso nipirinhuëꞌ, noya pëntonpi. Yaniro paꞌtatonaꞌ, noya pëntonpi.

Éxodo 15:8

Quëmari pihuitë pochin nitohuatana, marë nipatomairin. Iꞌ tachitaton, cato paira pochin ninin.

Isaías 43:16

Siniorosoꞌ, marëquënta ira aꞌparëso pochin ninin. Paꞌpi anpo nipirinhuëꞌ, naporin.

Isaías 63:12

Yosëso chini chiníquën nanantaton Moisësë catahuarin. Marëquë nipachina patomairahuaton ira pochin acorin. Napohuachina, co toꞌcoitatonaraihuë noya pëntonpi. Cahuarioroꞌsa inotëro taꞌatohuachina co toꞌcoitopisohuë pochin nipi. Pëꞌtahuaroꞌsanta panën quëran noyaroꞌtëquë chinotacaso marëꞌ paꞌmapiso pochin nipi. Inapoaton chini chiníquën nanantërinsoꞌ, nahuimiatërin huachi. Iporaso napoaponahuëꞌ, ¿Intohuata pacaton co huachi yacatahuarinpoahuëꞌ?” topi Sinioro ispiritonën ira aꞌnotatë pochin nitatonpoaꞌ, piyapinënpitanpoa quëninpoaꞌ. Inapoaton noya noya nininsoꞌ nahuimiatërin.

1 Corintios 10:1

Iráca napopisopita iyaroꞌsaꞌ, yonquicoꞌ. Iráca cotio mashocoroꞌsaꞌ Iquipito quëran pipirahuatonaꞌ, Moisësë imapi. Yosë nohuanton, chitoroꞌ yaꞌnorin imacaiso marëꞌ. Naporahuatonaꞌ, Quëhuaiꞌ marë pëntonahuatonaꞌ, yaꞌipiya chaꞌëpi.

Hebreos 11:29

Ina quëran yaꞌipi israiroꞌsaꞌ Yosë natëtonaꞌ, noya pipipi. “Yosë catahuarinpoaꞌ,” taꞌtonaꞌ, Quëhuai marë aquëtëran paꞌpi. Pancaiꞌ niponahuëꞌ, Yosë nohuanton, aꞌnaroáchin nipatomairin niꞌton, panca ira pochin yaniro yaꞌnorin. Ina paꞌtatona pëntonpi. Iquipito sontaroꞌsaso nipirinhuëꞌ co nanitopihuëꞌ pëntonacaisoꞌ. Imatapirinahuëꞌ, iiri imotërin niꞌton, chimiitopi.

Josué 3:16

Co inaꞌhuaya naporinhuëꞌ. Atamo ninanoquë naporin. Inaso ninanoꞌ, Sarëtan itopiso yaꞌcari yaꞌhuërin. Sarëtansoꞌ, sontaroꞌsa noyá niacorapipiquë. Pëꞌnatëran iꞌ paꞌmarinsoso nipirinhuëꞌ, Chimiriiꞌ marëꞌpaꞌ nitiquimarin. Ina pochin Siniorori Cortaniiꞌ patomairin. Inapohuachina israiroꞌsasoꞌ, Quirico ninano notënanquë pëntonpi huachi.

Josué 3:17

Corto huaꞌanoꞌsasoꞌ, Siniororëꞌ anoyatopiso caposonën pitënpi quëran huanirápi. Cortaniiꞌ huinquintërinso huáncana huanisoiꞌ, yaꞌipi aꞌnapita israiroꞌsasoꞌ, noꞌpaꞌ paꞌtatona pëntonpi.

Josué 4:22

Napotohuachinënquëmaꞌ: ‘Yosë yonquiaꞌhuaiso marëꞌ aꞌmitë aꞌmitëtërai. Iráca Sinioro caposonën, corto huaꞌanoꞌsari pitënpi quëran Cortaniiꞌ pëntontacaiso marëꞌ iꞌnaitomapi. Iꞌnaitasoi chachin Sinioro nohuanton iꞌ nipatomairin. Inaporin niꞌton, noꞌpaꞌ paꞌtatoi pëntonai. Iráca chachionta pëntonaꞌhuaiso marëꞌ Quëhuaiꞌ marë patomairin. Inapotasoꞌ, noꞌpaꞌ paꞌtatoi pëntonai. Inapochachin Cortaniinta nitërin,’ itaramaꞌ.