Éxodo 14:21 - Chayahuita (Shahui)

²¹ Moisësë marë parti huaranën ihuërin. Ihuëpachina, Yosë nohuanton naporo tashi piꞌi pipirin parti quëran, panca ihuan huëꞌnin. Yaꞌipi tashi chiníquën ihuantohuachina, marë patomairin huachi. Patomairin niꞌton, panca ira pochin yaniro yaꞌnorin.

Éxodo 14:21 ပူးပေါင်းရင်းမြစ်များ

Génesis 8:1

Naporoꞌ Yosëri Noi, yaꞌipi maꞌsharoꞌsa nanchaquë yaꞌhuëapisopita, inapita yacatahuarin. Ina nohuanton pacon huinquintacaso marëꞌ ihuan paꞌnin.

2 Reyes 2:8

Naporoꞌ Iniasësoꞌ, aipi aꞌmorinso soꞌnanahuaton huihuiirin. Inapotohuachina, iiso nipatomairin. Napohuachina, cato chachin inataquëchin pëntonpi.

Nehemías 9:11

Marë patomaihuatana, yanirotaquëchin piyapinënpita pëntonpi. Imaquipisopitaso nipirinhuëꞌ, anpoquë naꞌpi tëꞌyaitërëso pochin nitëran.

Copo naporinso' 38:24

Oꞌcori huënshaꞌ, topachina niosërarin. Inapoaton ira pochin paꞌtërin. ¡Ina paꞌtërinsoꞌ, co quëmasoꞌ nohuitëranhuëꞌ! Piꞌi pipirinso parti quëran ihuan huëcaton, yaꞌipi isoroꞌpaquë yanquëërin. ¡Onpo paꞌninsona co quëmasoꞌ nitotëranhuëꞌ!

Salmos 148:8

oꞌcoriꞌ, ocai anotërinsoꞌ, ocai tachitërinsoꞌ, noyahuan chitoroꞌ, Yosëri camaihuachina panca ihuan paꞌninsoꞌ,

Salmos 66:6

Marë pancaiꞌ nipirinhuëꞌ, ayanirin. Iinta ayanipachina, noꞌpaꞌ paꞌtatonaꞌ, shimashonënpoapita pëntonpi. Inaquëpita Yosë yonquiatona capa cancantopi.

Éxodo 14:16

Quëmanta huaranën ihuëtaton, marë patomaiquëꞌ. Yaniro paꞌtatonaꞌ, piyapinëhuëpita pëntonacaiso marëꞌ inapotëquëꞌ.

Éxodo 15:8

Quëmari pihuitë pochin nitohuatana, marë nipatomairin. Iꞌ tachitaton, cato paira pochin ninin.

Éxodo 7:19

Nani copirno shaꞌhuitohuatan, Aaron camaiquë huaranën quëran iiroꞌsa ihuëchin. Iꞌshanaroꞌsaꞌ, sonoroꞌsaꞌ, iꞌsha tapapisopita, inaquëpitanta ihuëchin. Ihuëtohuachin, yaꞌipi ina iꞌsha huënaiꞌ taranarin huachi. Orinanoꞌsaquënta iꞌsha tapapisoꞌ, huënaiꞌ taranapon. Naꞌpi quëran, nontë quëran ina quëranpita nicatona iꞌsha tapapisoꞌ, napoapon,” itërin.

Isaías 43:16

Siniorosoꞌ, marëquënta ira aꞌparëso pochin ninin. Paꞌpi anpo nipirinhuëꞌ, naporin.

Isaías 44:27

Cariso marë camairahuë naporini, aꞌnaroáchin yaniitonhuëꞌ. Iroꞌsantaꞌ napoꞌitonhuëꞌ.

Isaías 63:12

Yosëso chini chiníquën nanantaton Moisësë catahuarin. Marëquë nipachina patomairahuaton ira pochin acorin. Napohuachina, co toꞌcoitatonaraihuë noya pëntonpi. Cahuarioroꞌsa inotëro taꞌatohuachina co toꞌcoitopisohuë pochin nipi. Pëꞌtahuaroꞌsanta panën quëran noyaroꞌtëquë chinotacaso marëꞌ paꞌmapiso pochin nipi. Inapoaton chini chiníquën nanantërinsoꞌ, nahuimiatërin huachi. Iporaso napoaponahuëꞌ, ¿Intohuata pacaton co huachi yacatahuarinpoahuëꞌ?” topi Sinioro ispiritonën ira aꞌnotatë pochin nitatonpoaꞌ, piyapinënpitanpoa quëninpoaꞌ. Inapoaton noya noya nininsoꞌ nahuimiatërin.

Habacuc 3:8

¡Iroꞌsa noꞌhuiton Sinioro, chiníquën nanantëranso aꞌnoran! ¡Marëroꞌsanta noꞌhuiton, chiníquën nanantëranso aꞌnoran! ¡Napoaton cahuarioquë yaꞌmitërëso pochin huëꞌnan! ¡Minsëchantërinso huaꞌan toronanënquë canquirinso pochin ninan!

Hechos 7:36

Ina quëran Iquipitoquë paantarahuaton, nani maꞌsha Yosë pochin ninin, sacaiꞌ nininsopita. Inapoaton, Iquipito quëran ocoirahuaton, nichaꞌërin. Inapochachin Quëhuai marëquë, inotëro parti inaquëpita Yosë pochin ninin. Catapini shonca piꞌipi inaporin.

Josué 2:10

Canpita Iquipito quëran pipihuatamara, Yosëri Quëhuai marë ayanirin. Pëntonamaso marëꞌ napotërin. Naporahuaton cato amoro copirnoroꞌsa ataꞌhuantëramaꞌ. Piyapinënapitarë chachin napotëramaꞌ. Inapitasoꞌ Cortaniiꞌ aquëtëran yaꞌhuëpirinahuëꞌ, napotëramaꞌ.

Josué 3:17

Corto huaꞌanoꞌsasoꞌ, Siniororëꞌ anoyatopiso caposonën pitënpi quëran huanirápi. Cortaniiꞌ huinquintërinso huáncana huanisoiꞌ, yaꞌipi aꞌnapita israiroꞌsasoꞌ, noꞌpaꞌ paꞌtatona pëntonpi.