Éxodo 14:17 - Chayahuita (Shahui)

^17-18 Ca nohuanton iquipitoroꞌsa co natantochináchinhuëꞌ cancantatonaꞌ, imaponëmaꞌ. Napoaponahuëꞌ, cari ataꞌhuantarahuë. Copirno, sontaronënpita, toronanënapita, inapitarë chachin minsëarahuë. Inapotohuato, yaꞌipi iquipitoroꞌsa nitotapi: “Tëhuënchachin israiroꞌsa Yosënënasoꞌ, chini chiníquën nanantërin,” tosapi.

Éxodo 14:17 ပူးပေါင်းရင်းမြစ်များ

Génesis 50:9

Sontaroꞌsantaꞌ, aꞌnaquën toronanoꞌsaquë, aꞌnaquënso cahuarioroꞌsaquë, Cosi caꞌtanpi. Napoaton huaꞌhuayátërahuë piyapiꞌsa paꞌpi.

Génesis 6:17

Aꞌna tahuëri panca pacon aꞌpaarahuë, yaꞌipiroꞌpaꞌ imotarin. Yaꞌipi piyapiroꞌsaꞌ, maꞌsharoꞌsaꞌ, inapita taquiitapi.

Génesis 9:9

“Niꞌcoꞌ. Ipora canpitaroꞌco anoyatërahuësoꞌ, shiparimapitanta yonquiato, napotaranquëmaꞌ.

Éxodo 14:23

Iquipito copirnontaꞌ, sontaronënpitarë chachin israiroꞌsa imapi. Toronanënapita, cahuarionënapita, inapitarë chachin huancanaquë huarëꞌ imapi.

Éxodo 14:4

Ca nohuanton co natantochináchinhuëꞌ cancantaton, imaquiarinquëmaꞌ. Napoaponahuë imaquihuachinquëmaꞌ, sontaronënpita huëntonënë chachin ataꞌhuantarahuë. Inapotohuato, Sinioroco ninahuëso yaꞌipi iquipitoroꞌsa nitotapi,” itërin. Yosë camaitërinso chachin israiroꞌsa nipi.

Éxodo 14:8

Sinioro nohuanton copirno co natantochináchinhuëꞌ cancantaton, israiroꞌsa imasarin. Chiníquën nanantatona pipipisoꞌ nani nicaponahuëꞌ, imasarin.

Éxodo 4:21

Coꞌhuara Iquipitoquë canshátërasohuëꞌ, Yosëri nani shaꞌhuitërin: —Iquipitoquë canpatan, copirno niꞌtonënquë huaranën quëran nani maꞌsha paꞌpi huëhuëpiro nininsopita niquëꞌ. Inanta chiníquën nanantërahuësoꞌ, nitotacaso marëꞌ inapoquëꞌ. Ca nohuanto co natëponquënhuëꞌ. Co natëtënquënhuëꞌ co israiroꞌsa yaaꞌpaponhuëꞌ.

Éxodo 4:23

Napoaton inapita aꞌpacaso marëꞌ camayaranquën. Aꞌparan naporini, paꞌsahuatona chinochitonacohuëꞌ. Co aꞌparanhuë niꞌquëhuarëꞌ, quëma huiꞌnan paninantëranso tëparahuë, tënin Yosë,” itëquëꞌ, itërin.

Éxodo 7:3

Inaso nipirinhuëꞌ, co natëponquëmahuëꞌ. Ca nohuanto co natëponquëmahuëꞌ. Co natëpirinquëmahuëꞌ, iquipitoroꞌsa cari anaꞌintarahuë. Ina marëꞌ chiníquën nanantato paꞌpi huëhuëpiro nininsopita maꞌsha aꞌnoarahuë. Naporo huarëꞌ aꞌpaponquëmaꞌ. Piyapinëhuëpita naꞌcon aparisitopi niꞌton, ina pochin iꞌhuërëtarahuë. Naporo huarëꞌ iquipitoroꞌsa nohuitarinaco: “Tëhuënchachin mini israiroꞌsasoꞌ, Sinioro chinotopi,” taponaꞌ. Ina pochin israiroꞌsaꞌ, Iquipito quëran ocoiarahuë. Sontaroꞌsa pochin pipiapi, itërin.

Ezequiel 34:11

Naquëranchin Sinioro taantarin: “Ca Sinioroco shaꞌhuitaranquëmaꞌ. Huaꞌanoꞌsanquëmaꞌ. Canpitaso piyapinëhuëpita co noya aꞌpairamahuë niꞌton, cari chachin aꞌpaiarahuë huachi.

Ezequiel 34:20

Naporamaso marëꞌ aꞌna tahuëri noya coisë pochin nicato, amonënoꞌsa anaꞌintarahuë. Nansëyaroꞌsaso nipirinhuëꞌ, catahuararahuë. Ca Sinioroco napotaranquëmaꞌ.

Oseas 5:14

Paꞌpiniꞌ, niirahuaton mapintërinso pochin israiroꞌsaꞌ, Cota huënton israiroꞌsaꞌ, inapita nitarahuë. Cari chachin paꞌsa paꞌsatërëso pochin aparisitarahuë. Inapotahuato patarahuë. Quëpatë pochin nipatontaꞌ, co insonta osërëtiincosoꞌ nanitarinhuëꞌ.

Levítico 10:3

Ina quëran Moisësëri Aaron itapon: —Pocamasoꞌ mini apiratatënquëma iꞌhua Sinioro naporin: “Yaꞌcaririnacosopita, noya noya ninahuëso aꞌnotarahuë. Israiroꞌsanta huënaratërahuësoꞌ, aꞌnotarahuë,” tënin. Aaronso nipirinhuëꞌ, co manta tëninhuëꞌ.

Romanos 9:18

Inaora nohuanton, aꞌnaquën nosororin. Aꞌnaquënso nipirinhuëꞌ tananpitërin. Tananpitohuachina, co natantochináchinhuëꞌ cancantopi.

Deuteronomio 32:39

Casáchin Yosëco. Mamanshiroꞌsasoꞌ, co ca pochin nipihuëꞌ. Ca nohuanto piyapiꞌsa nanpirapi, ca nohuanto chiminapi. Ca nohuanto piyapiꞌsa maꞌsha onpopi. Ca nohuanto chachin noyataantapi. Anaꞌintaꞌhuaso chinotohuato, co insonta chaꞌëtarincohuëꞌ. Chini chiníquënco niꞌto, anaꞌintarahuë.

Jueces 4:7

Ca nohuanto Sisara huëcapayarinquën. Inasoꞌ, Capin copirno sontaronënpita camairinsoꞌ. Quison iꞌsha itopiquë huëcapayarinquën. Toronanënpita, sontaronënpita inapitarë chachin huëꞌsapi. Huëcapaipirinënquënhuëꞌ, carinquën catahuaranquën inapita minsëamasoꞌ,” tënin, itërin.

1 Samuel 6:6

Iráca iquipitoroꞌsa co natantochináchinhuëꞌ cancantopi. Copirnonënantaꞌ, ina pochachin cancantërin. Yosëri chiníquën aparisitaquë huarëꞌ israiroꞌsa aꞌpapi. Ama canpitaso inapita pochin cancantocosohuëꞌ.