Éxodo 14:16 - Chayahuita (Shahui)

¹⁶ Quëmanta huaranën ihuëtaton, marë patomaiquëꞌ. Yaniro paꞌtatonaꞌ, piyapinëhuëpita pëntonacaiso marëꞌ inapotëquëꞌ.

Éxodo 14:16 ပူးပေါင်းရင်းမြစ်များ

2 Reyes 4:29

Ina natanaton, piyapinën camairin: —Tapatahuaton pitananëhuë maquëꞌ. Ina quëran iso sanapi pëinënquë paquëꞌ. Inso tëranta nacapihuatan ama nontëquësohuëꞌ. Nontopirinënhuë tërantaꞌ, ama aꞌpaniquësohuëꞌ. Canconpatan, huaꞌhuasha yaꞌpirin aipi pitananëhuë acoquëꞌ, itërin.

Éxodo 14:15

Naporoꞌ Siniorori Moisësë itapon: —Co catahuaꞌhuanquënso marëꞌ nontaancoso yaꞌhuërinhuëꞌ. Israiroꞌsa pacacaiso tëhuënchinsoꞌ, camaiquëꞌ.

Éxodo 14:26

Naporoꞌ Yosëri, Moisësë itapon: “Huaranën marë parti ihuëantaquëꞌ. Naquëranchin marë inachachin niantaꞌin. Iquipitoroꞌsa imaquiarinëmasoꞌ, toronanënaꞌ, cahuarionënaꞌ, inapitarë chachin imochin,” itërin.

Éxodo 17:5

—Caraya ansianoꞌsa shaꞌhuitëquë imainën. Inapitarëꞌquën chachin israiroꞌsa naꞌhuëtahuatomaꞌ, Oripi motopiquë pacoꞌ. Huaranënta iꞌ ahuëiranso quëpaquëꞌ. Inaquë carinquën panca naꞌpi aipi ninaranquën. Canconpatan, ina naꞌpi ahuëquëꞌ. Nani ahuëhuatan, piyapiꞌsa oꞌocaiso marëꞌ aꞌnaroáchin iꞌsha pipiarin, itërin Yosëri. Napotërinso chachin Moisësësoꞌ, Israiro ansianoroꞌsari nicasoi naꞌpi ahuërin. Inapohuachina, notohuaroꞌ iꞌsha pipirin huachi.

Éxodo 4:17

Huaranënta quëpaquëꞌ. Shaꞌhuitëranquënsopita nicaton, ina quëran huëhuëpiro nininsopita aꞌnoaran, itërin.

Éxodo 4:2

Napotohuachina, Yosëri natanin: —¿Maꞌta sëꞌquëaran? itërin. —Pitananëhuë taꞌa, itërin Moisësëri.

Éxodo 4:20

Napotohuachina, moranënquë saꞌin, huiꞌninpita, inapita aꞌmitëahuaton Iquipitoquë paantarin. Shaꞌhuitërinso chachin Yosë huaranëontaꞌ, quëparin.

Éxodo 7:19

Nani copirno shaꞌhuitohuatan, Aaron camaiquë huaranën quëran iiroꞌsa ihuëchin. Iꞌshanaroꞌsaꞌ, sonoroꞌsaꞌ, iꞌsha tapapisopita, inaquëpitanta ihuëchin. Ihuëtohuachin, yaꞌipi ina iꞌsha huënaiꞌ taranarin huachi. Orinanoꞌsaquënta iꞌsha tapapisoꞌ, huënaiꞌ taranapon. Naꞌpi quëran, nontë quëran ina quëranpita nicatona iꞌsha tapapisoꞌ, napoapon,” itërin.

Habacuc 3:8

¡Iroꞌsa noꞌhuiton Sinioro, chiníquën nanantëranso aꞌnoran! ¡Marëroꞌsanta noꞌhuiton, chiníquën nanantëranso aꞌnoran! ¡Napoaton cahuarioquë yaꞌmitërëso pochin huëꞌnan! ¡Minsëchantërinso huaꞌan toronanënquë canquirinso pochin ninan!

Números 20:11

Ina tosahuaton huaranën quëran catoro naꞌpi ahuërin. Inapotohuachina, notohuaroꞌ iꞌsha pipirin niꞌton, israiroꞌsa oꞌopi huachi. Pëꞌtahuanënanta oꞌopi.