Éxodo 14:13 - Chayahuita (Shahui)

^13-14 Napotopirinahuëꞌ, Moisësëriso itapon: —¡Ama paꞌyancosohuëꞌ! ¡Chiníquën cancantocoꞌ! Sinioro chachin nichaꞌërinpoasoꞌ, ipora niꞌsaramaꞌ. Inari canpita yaꞌhuërënamën ahuëtaton, iquipitoroꞌsa minsëarin. Napoaton co huachi onporo tëranta inapita quënanaramahuëꞌ, itërin.

Éxodo 14:13 ပူးပေါင်းရင်းမြစ်များ

Génesis 15:1

Ina piquëran Siniorori, Apran yaꞌnotërin. Co huëꞌëponahuëꞌ, huaꞌnarëso pochin nontërinsoꞌ natanin: —Apran, ama tëꞌhuaquësohuëꞌ, carinquën paꞌpoyaranquën. Panca acanamiataranquën, itërin.

Génesis 26:24

Naporo tashi Siniorori yaꞌnotahuaton itapon: “Caso Yosëco. Tataparin Apraan chinotërinco. Ama tëꞌhuaquësohuëꞌ. Carinquën caꞌtanatënquën catahuamiataranquën. Piyapinëhuë Apraan natërinco niꞌton, ca nohuanton shiparinpita naꞌamiatapon,” itërin.

Génesis 46:3

—Caso Yosëco. Tataparionta chinotërinco. Iquipitoquë paꞌmacaso marëꞌ ama tëꞌhuaquësohuëꞌ. Inaquë shiparinpita naꞌatonaꞌ, panca nacion ocoiaponaꞌ.

Génesis 49:18

Ina quëran Cacoposoꞌ Yosë nontaton tapon: “¡Sinioro, quëmasoꞌ nichaꞌësaranco tënahuë!” itërin.

2 Reyes 6:16

Napotopirinhuëꞌ, inariso itapon: —Ama tëꞌhuatëquësohuëꞌ. Canpoa catahuarinpoasopitasoꞌ, naꞌcon naꞌcon yaꞌhuëapi, itërin.

Nehemías 9:9

Shimashonëhuëipita Iquipitoquë paꞌpi aparisitapirinahuëꞌ, Quëhuaiꞌ marë yonsanquë naꞌnëtërinënsoꞌ natanaton, catahuaran.

Salmos 91:8

Canpoara yaꞌpiranpoa quëran chachin co noyahuëꞌ nipisopita Yosëri anaꞌintërinsoꞌ niꞌsarëhuaꞌ.

Éxodo 14:30

Ina pochin naporo tahuëri Yosëri israiroꞌsa nichaꞌërin. Iquipitoroꞌsari huaꞌqui huaꞌanëntopirinahuëꞌ, nichaꞌërin. Iquipito sontaroꞌsa chimiitopisosoꞌ, marë yonsaiquë yanpoáporin niꞌpi.

Éxodo 20:20

—Ama paꞌyancosohuëꞌ, Yosë oꞌmarin tëniinquëmaso marëꞌ. Ina pochin yaꞌnotërinquëmaꞌ, ina tëꞌhuatatoma ama oshahuanamaso marëhuëꞌ, itërin.

Isaías 30:15

Naporahuaton, inaso taantarin: “Canpitaso nisha nisha cancantëramaꞌ. Huëco natëantatomaco sano cancantocoꞌ. Inapohuatamaꞌ, nichaꞌësaranquëmaꞌ. Sano cancantatoma casáchin chinotoco. Inapohuatamaꞌ, chiníquën nisaramaꞌ,” tënin Sinioro. Napopirinhuëꞌ, co canpitaso nohuantëramahuëꞌ.

Isaías 35:4

Tëꞌhuanaꞌpiroꞌsanta shaꞌhuitatomaꞌ: “¡Chiníquën cancantocoꞌ! ¡Ama paꞌyancosohuëꞌ! Sinioro oꞌmararin nichaꞌëinquëmaso marëꞌ. Inimiconëmapitasoꞌ, noꞌtëquën iꞌhuërëtarin,” itocoꞌ.

Isaías 43:11

Casáchin Yosëco. Casáchin nanitërahuë nichaꞌëtaꞌhuasoꞌ,” itërinquëmaꞌ.

Isaías 7:4

Quënaontarahuaton shaꞌhuitëquëꞌ: “Niyátainpichin yaꞌhuëquëꞌ. Napoaponahuëꞌ, ama paꞌyanquësohuëꞌ. Cato copirnoroꞌsa paꞌpi noꞌhuitënquën huëcapaiarinquënso yonquiaton, ama tëꞌhuatëquësohuëꞌ. Inahuasoꞌ, cato pënamocha yatacopirinso pochin tomontapi. Nisin siriaroꞌsarë chachin huëꞌsarin. Nimariasë huiꞌnionta israiroꞌsarë chachin huëcapaiarinënquën. Inapitasoꞌ nani anoyatopi nicatahuatonaꞌ, maꞌsha onpotiinënquënso marëꞌ. Inapoatonaꞌ:

Oseas 1:7

Cota huëntonso napoaponahuëꞌ, nosoroarahuë. Cari chachin inapitasoꞌ, nichaꞌësarahuë. Yosënënaco niꞌto, topinan nichaꞌësarahuë. Co ahuëtatona chaꞌësapihuëꞌ. Sahuëni, pëꞌchinan, cahuarioroꞌsaꞌ, sontaroꞌsa cahuarioquë paꞌpisopita, co inapita nohuantarahuëꞌ,” itaantarin.

Oseas 13:4

Sinioro naporin: “Iquipitoquë yaꞌhuërama quëran huarëꞌ, casáchin Sinioroco niꞌto, Yosënëmaco. Co aꞌna ca pochin chinotamaso yaꞌhuërinhuëꞌ. Carinquëmáchin nichaꞌëranquëmaꞌ.

Habacuc 3:13

Natananquënso marëꞌ ina pochin anitotëranco. Piyapinënpita catahuacaso marëꞌ huëꞌsaran. Copirnonënantaꞌ, quëmari chachin huayonan. Inanta catahuacaso marëꞌ huëꞌsaran. Inimiconënapita minsëcaso marëꞌ huëcatë pochin ninan. Pëi aꞌcanpiso oꞌquiatë pochin co noyahuëꞌ nipisopita huaꞌanëna tëparan. Pëi oquiatë simintonën aꞌnorëso pochin piyapinënpitanta imaquipisoꞌ, yaꞌipi ataꞌhuantaran.

Habacuc 3:8

¡Iroꞌsa noꞌhuiton Sinioro, chiníquën nanantëranso aꞌnoran! ¡Marëroꞌsanta noꞌhuiton, chiníquën nanantëranso aꞌnoran! ¡Napoaton cahuarioquë yaꞌmitërëso pochin huëꞌnan! ¡Minsëchantërinso huaꞌan toronanënquë canquirinso pochin ninan!

Números 14:9

Napoaton Sinioro natëcoꞌ. Ama yaꞌhuëhuanoꞌsa tëꞌhuatocosohuëꞌ. Co oshatarihuahuëꞌ minsëcasoꞌ. Inahuaso co Yosë natëpihuëꞌ niꞌton, co incari tëranta catahuarinhuëꞌ. Canpoaso nipirinhuëꞌ, Sinioro chachin catahuararinpoaꞌ. ¡Ama manta tëꞌhuatocosohuëꞌ! itopi.

Mateo 28:5

Ina quëran sanapiꞌsantaꞌ canquihuachinara, anquëniri itërin: —Ama paꞌyancosohuëꞌ. Quisoso corosëquë patanantopisoꞌ yonisaramasoꞌ, nitotërahuë.

1 Samuel 11:13

Napopirinahuë Saonori itapon: —Sinioro ipora tahuëri israiroꞌsanpoa nichaꞌërinpoaꞌ. Napoaton ipora tahuëri co insonta aquëtë tëpacaiso yaꞌhuërinhuëꞌ.

1 Samuel 12:16

Ama patacosohuëꞌ. Inaquëranchin ninacoꞌ. Sinioro huëhuëpiro nininsoꞌ aꞌnotarinquëmaꞌ. Chini chiníquën nanantërinsoꞌ anitotiinquëmaso marëꞌ aꞌnotarinquëmaꞌ.