Éxodo 14:11 - Chayahuita (Shahui)

¹¹ Moisësënta itaponaꞌ: “¡Maꞌmarëta Iquipito quëran ocoirancoi! Iso inotëroquë quiyasoꞌ tëpaponacoi. Iquipitoquësoꞌ poꞌoroꞌ yaꞌhuëpirinhuëꞌ. Ina quëran ocoyatoncoi panca tëhuëran.

Éxodo 14:11 ပူးပေါင်းရင်းမြစ်များ

Génesis 43:6

—¡Canpitaso paꞌpi co noyahuëꞌ acoramaco! ¿Maꞌmarë chachinta ina quëmapi shaꞌhuitërama aꞌna iyaꞌhua yaꞌhuëtërinquëmasoꞌ? itërin paꞌpini.

Éxodo 13:17

Iquipito copirnori israiroꞌsa aꞌpahuachina, Yosëso yonquiaton naporin: “Israiroꞌsa noꞌtën ira quëpatohuato, huiristinoꞌsa parti cancoanpi. Canconpachinaꞌ, huiristino sontaroꞌsari yaahuëapon. Ina tëꞌhuatatonaꞌ, Iquipitoquë chachin paꞌmantahuachinaꞌ,” tënin. Ina yonquiaton co ina irataquëchin quëparinhuëꞌ.

Éxodo 32:1

Israiroꞌsaso Moisësë huaꞌquirinso niꞌsahuatonaꞌ, Aaron paahuapi: —Moisësë Iquipito quëran ocoipirincoihuëꞌ. ¿Intohuaso paꞌmara? Co nitotëraihuëꞌ. Napoaton catahuaincoiso marëꞌ, mamanshi nitocoi, itopi.

Éxodo 5:21

Inaquë quënanatonaꞌ: —Canpitaso copirno nontatomaꞌ, panca tëhuëramaꞌ. Ipora inasoꞌ, catahuarinsopitarë chachin naꞌcon naꞌcon noꞌhuirinacoi. Naporama aꞌpiquë tëpaponacoi aꞌna nimara. Ina marëꞌ canpitanta Yosë anaꞌinchinquëmaꞌ, itopi.

Éxodo 5:22

Napotohuachinara, Moisësë Yosë nontërin: —Sinioro. ¿Onpoatonta piyapinënpita naꞌcon naꞌcon aparisitaran? Co ipora piyapinënpita naꞌcon naꞌcon aparisitacaso marëꞌ aꞌparancohuëꞌ.

Números 11:1

Aꞌna tahuëri israiroꞌsa nisha nisha parisitatona amipi huachi. Amiatonaꞌ, Sinioro pinopi. Inaso natanahuaton, chiníquën noꞌhuitërin. Noꞌhuitaton, yaꞌnatiirinso nëꞌmëtë pëiroꞌsa ahuiquitacaso marëꞌ pën aꞌpatimarin.

Números 11:15

Inachachin nisápahuasoꞌ nohuantohuatan, acopitochanco nipachin. Ina noya noya. Noya niꞌpatancosoꞌ inapotoco. Chimipatosoꞌ, co huachi poꞌpin parisitapohuëꞌ, tënahuë, itërin.

Números 14:22

Chini chiníquën nanantato, Iquipitoquë nani maꞌsha sacai nininsopita ninahuë. Inotëro partinta inaporahuë. Inaporahuësopita anitotërinquëma noyasáchin ninahuësoꞌ. Ina nicaponaraihuë israiroꞌsasoꞌ, naꞌaro tënirinaco. Naporahuaton camaitërahuësopita co natëpihuëꞌ. Ina niꞌton, napopisopita co inso tëranta yaꞌconaponahuëꞌ. Shimashonënapita noꞌpaꞌ quëtaꞌhuasoꞌ shaꞌhuitërahuëquë co yaꞌconaponahuëꞌ. Nocaninacosopita co inso tëranta yaꞌcoanpihuëꞌ.