Éxodo 14:10 - Chayahuita (Shahui)

¹⁰ Yaꞌcaritapiso quënanatonaꞌ, israiroꞌsaso paꞌpi paꞌyanpi. Paꞌyanatonaꞌ, chiníquën Yosë nontopi: “Sinioro catahuacoi,” itopi.

Éxodo 14:10 ပူးပေါင်းရင်းမြစ်များ

Nehemías 9:9

Shimashonëhuëipita Iquipitoquë paꞌpi aparisitapirinahuëꞌ, Quëhuaiꞌ marë yonsanquë naꞌnëtërinënsoꞌ natanaton, catahuaran.

Salmos 107:13

Napohuachinara, co napion cancantatonaꞌ, Yosë nontopi. Naporoꞌ inari nichaꞌërin.

Salmos 107:19

Napohuachinara, co napion cancantatonaꞌ, Yosë nontopi. Naporoꞌ inari nichaꞌërin.

Salmos 107:28

Napohuachinara, co napion cancantatona Yosë nontopi. Naporoꞌ inari nichaꞌërin.

Salmos 107:6

Napohuachinara, co napion cancantatonaꞌ, Yosë nontopi. Naporoꞌ inari nichaꞌërin.

Salmos 34:17

Noya nipisopita maꞌsha onpoatona Sinioro nontohuachinara, noya natanin. Inapoaton nani maꞌsha onpopi quëran nichaꞌësarin.

Éxodo 13:17

Iquipito copirnori israiroꞌsa aꞌpahuachina, Yosëso yonquiaton naporin: “Israiroꞌsa noꞌtën ira quëpatohuato, huiristinoꞌsa parti cancoanpi. Canconpachinaꞌ, huiristino sontaroꞌsari yaahuëapon. Ina tëꞌhuatatonaꞌ, Iquipitoquë chachin paꞌmantahuachinaꞌ,” tënin. Ina yonquiaton co ina irataquëchin quëparinhuëꞌ.

Éxodo 15:25

Moisësëso nipirinhuëꞌ, Yosë nontërin. Inari catahuacaso marëꞌ nontohuachina, aꞌnara naraꞌhuaya aꞌnotërin. Ina masahuaton iꞌshaquë tëꞌyaitohuachina noyaitërin huachi. Inaquë Yosëri israiroꞌsa natëtonoꞌsa nicacaiso marëꞌ tënirin. Naporahuaton onpopinsona nicacaisoꞌ Yosëri pënënin:

Isaías 7:2

Naporoꞌ Acasoꞌ copirno quëmopinënpitarë chachin shaꞌhuitacaiso marëꞌ paaparahuatonaꞌ: “Siriaroꞌsa israiroꞌsarë nicatahuatonaꞌ, huëcapaiarinënpoaꞌ,” itopi. Napohuachinara, piyapinënpitarë chachin paꞌyanpi. Paꞌyanatona nararoꞌsa ihuani paꞌtan paꞌtantërinso pochin ropatopi.

Deuteronomio 9:7

Naquëranchin Moisësëri israiroꞌsa nontaantarin: “Inotëro parti paasëmaꞌ, Sinioro tëhuëtëramasoꞌ ama naniantocosohuëꞌ. Iquipito quëran pipirama quëran isëquë canquiama huarëꞌ co natantochináchinhuëꞌ cancantëramaꞌ. Ina pochin cancantatoma Sinioro tëhuëtëramaꞌ.

Josué 24:6

Iquipito quëran pipihuachinara, ina copirnosoꞌ, sontaronënpitarë chachin imaquirin. Quëhuaiꞌ marëquë huarëꞌ imaquirin. Quira toronaroꞌsaquë, cahuarioroꞌsaquë, inaquëpita imaquipi.

Josué 24:7

Napotahuachinara, shimashonëmapitasoꞌ catahuaꞌhuaso marëꞌ nontërinaco. Napoaton inapita catahuaꞌhuaso marëꞌ inapita pinëna quëran, paꞌpi tashiro acorahuë. Cato huëntonoꞌsari chachin ahuancanapirin. Ca nohuanton chachin marërinta imotohuachina, iquipitoroꞌsa taquiitopi. Aꞌnaquëma iquipitoroꞌsa napotërahuësoꞌ niꞌnamaꞌ. Ina piquëran canpitasoꞌ, huaꞌqui inotëro parti yaꞌhuëramaꞌ.

1 Juan 4:18

Imarëhuasopita capini noya ninosorohuatëhuaꞌ, co nisaitarihuahuëꞌ. Inapochachin Yosërëꞌquënpoaꞌ ninosorohuatëhuaꞌ, co tëꞌhuatarihuahuëꞌ. Aꞌnaquën piyapiꞌsasoꞌ naꞌcon tëꞌhuapi. “Yosë anaꞌintarinco,” taꞌtonaꞌ, tëꞌhuatochinachin cancantopi. Canpoaso nipirinhuëꞌ “Yosë naꞌcon nosoroatonpoaꞌ, oshanënpoaꞌ inquitërinpoaꞌ,” topatëhuaꞌ, yaꞌipi tëꞌhua inquitarinpoaꞌ.