Éxodo 13:21 - Chayahuita (Shahui)

^21-22 Yosëri israiroꞌsa co piꞌpian tëranta patërinhuëꞌ. Tahuëri nipachina, chitoro naporopi nininso quëchitërarin. Tashi nipachinantaꞌ, ina chitoro chachin pën pochin huënarataton pacacaiso aꞌnotërarin. Napoaton onpohuachina, tashirë chachin noya paꞌpi.

Éxodo 13:21 ပူးပေါင်းရင်းမြစ်များ

Nehemías 9:12

Piyapinënpitasoꞌ quëpahuatana, naporopi chitoro aquëchitëran. Tashinta paꞌpachinara ina chachin, pën pochin huënaratërarin. Noya pacacaiso marëꞌ aꞌpintërarin.

Salmos 105:39

Panca chitoroquë yaꞌcopiatë pochin Yosëri piyapinënpita nitërin. Tashinta aꞌpintacaso marëꞌ ina chitoro chachin pën pochin acorin. Nosha nohuantohuachinara, ocoron pochin nininsoꞌ, huaꞌhuayátërahuë aꞌpatiirin.

Éxodo 10:10

Napotopirinhuëꞌ, copirnoso taantarin: —¡Naporinchi paya! Yosë chinotëraiso catahuarincoi. Yaꞌipi huiꞌnahuëipitarëꞌcoi chachin pacapoi ¿topiramahuë ti? ¡Co napoaramahuëꞌ! ¿Coꞌta yataꞌananpitomaco napoaramaꞌ?

Éxodo 16:10

Aaroni israiroꞌsa nontaso chachin, inotëro parti notëtopirinahuëꞌ, chitoroquë Sinioro huënaráchin huënaráchin aꞌpininsoꞌ, quënanpi.

Éxodo 32:1

Israiroꞌsaso Moisësë huaꞌquirinso niꞌsahuatonaꞌ, Aaron paahuapi: —Moisësë Iquipito quëran ocoipirincoihuëꞌ. ¿Intohuaso paꞌmara? Co nitotëraihuëꞌ. Napoaton catahuaincoiso marëꞌ, mamanshi nitocoi, itopi.

Números 10:34

Tahuëri nipachina ipora paasoi chachin Sinioro chitoronën israiroꞌsa notënanquë paꞌsarin.

Números 14:14

Ina nitotatonaꞌ, Canaan parti yaꞌhuëꞌpisopita shaꞌhuitaponaꞌ. Inahua chachionta nani natantopi yaꞌhuërai huáncana yaꞌhuëransoꞌ. Piyapi capini ninontopiso pochin ninontërësontaꞌ, nitotopi. Paꞌpatoira naporopi chitoroquë quëchitëransonta nani nitotopi. Tashinta nipachina, ina chitoro chachin pën pochin huënaratërinsoꞌ, inanta nitotopi.

Deuteronomio 31:8

Sinioro chachin quëchintaton noꞌtëquën quëpaarinquën. Co onporonta patarinquënhuëꞌ. Co naniantarinquënhuëꞌ. Napoaton ama manta tëꞌhuatëquësohuëꞌ,” itërin Moisësëri.