Éxodo 13:18 - Chayahuita (Shahui)

¹⁸ Ichipëshonahuaton, conicaiso marëꞌ Quëhuaiꞌ marë parti quëparin. Inotëro parti ira paꞌninso paꞌtopi. Sontaroꞌsa pochin, israiroꞌsa Iquipito quëran pipipi.

Éxodo 13:18 ပူးပေါင်းရင်းမြစ်များ

Génesis 50:25

Ina quëran iinpita camairin: “Yoscoarëꞌ taꞌtomaꞌ, nohuantërahuëso nitoco,” itërin. Napotohuachina: “Yoscoarëꞌ nohuantëransoꞌ, nisarai,” itopi. Naporoꞌ Cosiri itapon: “Tëhuënchachin Yosë oꞌmararin catahuainquëmaso marëꞌ. Ina tahuëri nanihuachin, nansënëhuë isëquëran quëpanantamaso yaꞌhuërin,” itërin.

Salmos 107:7

Ina nohuanton noya ira quënanpi. Ninanoquë pipitona noya yaꞌhuëpi huachi.

Éxodo 14:9

Iquipitoroꞌsasoꞌ, yaꞌipi sontaronënpitarë chachin israiroꞌsa imasapi. Aꞌnaquën toronanoꞌsaquë, aꞌnaquënso cahuarioroꞌsaquë imasapi. Paꞌsahuatonaꞌ, Quëhuai marë yonsanquë notëonpi. Chinotacaiso marëꞌ Yosëri shaꞌhuitërintaquë yaꞌcarionpi.

Deuteronomio 32:10

Inotëro parti huëcasëhuaꞌ, nitotërin. Inaquëso noꞌpaꞌ, yanirosáchin. Apira apira ihuan paꞌnin. Napoaton iporëso pochin paꞌpoyarinpoaꞌ. Noya aꞌchintërinpoaꞌ. Yaꞌpira paꞌpoyarëso pochin nitërinpoaꞌ.

Josué 1:14

Yaꞌipinquëma nito ahuëtëramasopita, ahuëtamarë ohuararamaso macoꞌ. Saꞌamaꞌ, huiꞌnamaꞌ, inapitaso isëranchin quëparitapi. Pëꞌtahuanëmanta isëranchin quëparichin. Moisësë noꞌpaꞌ quëtërinquëmaquë, quëparitapi. Canpitaso nipirinhuëꞌ, yaꞌnatontatoma pacoꞌ. Quëmopinëma iscon huënton patoma yaꞌhuërinsoꞌ, catahuamaso marëꞌ pacoꞌ. Canaan noꞌpaquë yaꞌhuëpisopita minsërahuatomaꞌ, noꞌpanëna matamaso marëꞌ inapocoꞌ.

Josué 4:12

Nopino, Cato, inapita Israiro huëntonoꞌsantaꞌ pëntonpi. Manasisi patoma huënton israiroꞌsantaꞌ, napopi. Moisësëri camairinso chachin noyá niacorahuatona pëntonpi. Inahuaꞌton quëchitapi.

Josué 4:13

Catapini shonca huaranca israiroꞌsa ahuëtai marëꞌ noyá niacopi. Inaporahuatonaꞌ, Sinioro caposonën notënanquë naꞌhuëpi. Paꞌsahuatonaꞌ, Quirico canonamatë parti notëtopi.