Éxodo 13:17 - Chayahuita (Shahui)

¹⁷ Iquipito copirnori israiroꞌsa aꞌpahuachina, Yosëso yonquiaton naporin: “Israiroꞌsa noꞌtën ira quëpatohuato, huiristinoꞌsa parti cancoanpi. Canconpachinaꞌ, huiristino sontaroꞌsari yaahuëapon. Ina tëꞌhuatatonaꞌ, Iquipitoquë chachin paꞌmantahuachinaꞌ,” tënin. Ina yonquiaton co ina irataquëchin quëparinhuëꞌ.

Éxodo 13:17 ပူးပေါင်းရင်းမြစ်များ

1 Reyes 8:47

Tapona quëpapisoꞌ noꞌpaquë, chinotatënën: ‘Tëhuënchachin co noyahuëꞌ ninai. Ina nipirinhuëꞌ, oshanëhuëi inquitatoncoi catahuacoi,’ itapënën.

Nehemías 9:17

Quëmarisoꞌ naꞌcon catahuapiranhuëꞌ, co ina yayonquipihuëꞌ. Co natëtënënhuëꞌ Iquipitoquë chachin panantacaisoꞌ yonquiantapi. Ina marëꞌ huaꞌan yonípi. Iquipitoroꞌsari camaiantacaiso marëꞌ yatahuërëantapi. Napopirinahuë tërantaꞌ, co ataꞌhuantëranhuëꞌ. Noyápiachin cancantaton, aꞌnaroáchin yanosorotëran. Co aꞌnaroáchin noꞌhuitëranhuëꞌ. Piyapinënpita nosoromiatëran niꞌton, co aꞌporanhuëꞌ.

Éxodo 14:10

Yaꞌcaritapiso quënanatonaꞌ, israiroꞌsaso paꞌpi paꞌyanpi. Paꞌyanatonaꞌ, chiníquën Yosë nontopi: “Sinioro catahuacoi,” itopi.

Hechos 15:38

“Ama iya quëpaꞌasohuëꞌ. Iꞌhua piꞌiquë Panpiriaquë canconpatëhuara, yaꞌhuërinꞌpaꞌ paꞌmantarin. Co yacatahuarinpohuëꞌ. Napoaton co nohuantërahuëꞌ,” itërin Paonori.

Hechos 7:39

Shimashonënpoaso nipirinhuëꞌ co nohuantopihuëꞌ Moisësë natëcaisoꞌ. Yaaꞌpopi. Iquipito parti naꞌhuanatonaꞌ, inatohuaꞌ yapaꞌmantapi.

Hebreos 11:27

Yosë natëton, Moisësë Iquipito quëran pipirin. Copirnori noꞌhuipirinhuëꞌ, co tëꞌhuatërinhuëꞌ. “Yosë co quënanaporahuëꞌ, niꞌsárinco,” taꞌton, chiníquën cancantërin. Chiníquën cancantaton, Yosë piyapinënpita catahuarin.

Jueces 7:3

Napoaton napotëquëꞌ: ‘Inquëmaso tëꞌhuahuatamaꞌ, yaꞌhuëramaquë panantacoꞌ,’ itëquëꞌ,” itërin. Quitionori tëniton napotohuachina, cato shonca cato huaranca sontaroꞌsa yaꞌhuëpiꞌpaꞌ panantapi. Shonca huarancaraꞌ, quëparitopi.