Éxodo 12:8 - Chayahuita (Shahui)

⁸ Naporo tashi pëꞌtahua tëpapisoꞌ, chinpinan caꞌinaꞌ. Pan co ahuëpocatopinanhuëꞌ poꞌochinaꞌ. Main pacatororë chachin caꞌinaꞌ.

Éxodo 12:8 ပူးပေါင်းရင်းမြစ်များ

Salmos 22:14

Iꞌsha nëꞌhuëiꞌ nipachina, oporëꞌ. Inapochachin cantaꞌ, co huachi nohuantërinacohuëꞌ. Yaꞌipi nansënëhuëpita niaꞌpo niaꞌpo toconin ninatanahuë. Paꞌnansoꞌ pënquë soquirin. Inapochachin canta cancantato, co huachi chiníquën cancantërahuëꞌ.

Éxodo 12:9

Ama napoaponahuëꞌ, nanpi caꞌinasohuëꞌ. Co poꞌmopinan tëranta capacaiso yaꞌhuërinhuëꞌ. Chinpinan caꞌinaꞌ. Motën, paꞌinantën, chiꞌchinën, inapitanta chinpinan caꞌinaꞌ.

Éxodo 34:25

Chinotamacoso marëꞌ maꞌsha tëpahuatamaꞌ, ama huënainën pan ahuëpocatopinanëꞌ, aꞌnocosohuëꞌ. Naporahuaton pascoa cosharo marëꞌ maꞌsha tëparamasoꞌ, ama tahuëririnquë capacaso marëꞌ tapacosohuëꞌ.

Isaías 53:10

Sinioro nohuanton parisitaton co napion cancantarin. Piyapiꞌsa oshanëna marëꞌ ina chiminin niꞌquëhuarëꞌ, huaꞌqui tahuëri niꞌsarin. Huiꞌninpita pochin nipisopitanta niꞌsarin. Ina naporin quëran Sinioro yonquirinsopita noya naniarin.

Amós 4:5

‘Yosparinquën Sinioro,’ itamacoso marëꞌ pan co ahuëpocatopinanhuë nininsontaꞌ, ahuiquitocoꞌ. Canpitaora nohuanton maꞌsha yaquëtëramacosontaꞌ, yaꞌipi parti shaꞌhui shaꞌhuírantacoꞌ. Inapocaso paꞌyatërama niꞌquëhuarëꞌ, inapocoꞌ,” Ca Sinioroco napotaranquëmaꞌ.

Mateo 16:12

Naporo huarëꞌ yonquipi huachi: “Co pan chachin yonquiaton, naporinhuëꞌ. Parisioroꞌsaꞌ, satosioroꞌsaꞌ inapita aꞌchinpisoꞌ yonquiaton, pënëninpoaꞌ. Piꞌpisha pan ahuëpocatërinsoꞌ sëꞌyonpachinara, aꞌnaroáchin sëꞌcotërin. Inapochachin inapitantaꞌ co noꞌtëquën aꞌchinatonaraihuëꞌ, piyapiꞌsaꞌ anishacancantopi, tapon napotërinpoaꞌ,” topi.

Mateo 26:26

Coshatasoiꞌ, pan masahuaton Yosë nontërin. “Yosparinquën, Sinioro” itahuaton, sëꞌpanin. Ina quëran caꞌtanoꞌsanënpita quëtërin. —Caꞌcoꞌ iyaroꞌsaꞌ. Ca nonëhuë pochin isoꞌ, itërin.

Gálatas 5:9

Niꞌcoꞌ iyaroꞌsaꞌ. Pan nipatëra, piꞌpian ahuëpocatërinsoꞌ acotohuachinara, yaꞌipi sëꞌcotërin. Inapochachin piꞌpian tërantaꞌ nonpin nanan yonquihuatamaꞌ, co huaꞌquiya quëranhuëꞌ yaꞌipinquëmaꞌ nitapicancanaramaꞌ.

1 Tesalonicenses 1:6

Ina marëꞌ aparisitopirinacoihuëꞌ, noya cancantërai. Canpitantaꞌ Yosë nanamën noya natanamaꞌ. Imaramaso marëꞌ aparisitopirinënquëmahuëꞌ, Ispirito Santo catahuarinquëmaꞌ niꞌton, nóya cancantëramaꞌ. Quiya pochin cancantatomaꞌ, chiníquën cancantëramaꞌ. Nonanpatamacoi, Quisocristo chachin nonanaramaꞌ.