Éxodo 12:6 - Chayahuita (Shahui)

⁶ Nani pëꞌtahuanëna nisha acohuachinaꞌ, cara tahuëri tapainaꞌ. Tahuëririnquë, piꞌi yayaꞌconahuaso tëpaꞌinaꞌ. Nani tëpahuachinaꞌ, huënainën mainaꞌ.

Éxodo 12:6 ပူးပေါင်းရင်းမြစ်များ

Esdras 6:19

Ina quëran ina yoqui niantarinquë pascoa niꞌton, ina pitanta Sinioro marëꞌ naꞌhuëpi. Shonca catapini tahuëritahuasoꞌ, caniaritopi.

Éxodo 12:14

Ipora quëran huarëꞌ canpitasoꞌ, yaꞌipinquëma ca yonquiatomaco, iso pita naꞌhuëcamaso yaꞌhuërin. Huiꞌnamapita, shiparimapita, inapitanta inapoápaiso yaꞌhuërin. Iquipito quëran ocoiranquëmasoꞌ yonquicamaso marëꞌ, inapoaramaꞌ. Canchisë tahuëri huaꞌquiarin. Iso yoquiquëráchin naꞌhuëpomaꞌ. Shonca catapini tahuëri nanihuachin, iꞌhuanahuanquë nispirataramaꞌ. Cato shonca aꞌna tahuëriquë huarëꞌ iꞌhuanahuanquë taꞌhuantapon. Caniaritërinso tahuëri niyontonatomaꞌ, yonquiaramaco. Taꞌhuantërinso tahuërintaꞌ, niyontonatoma yonquiaramaco. Naporo tahuëriꞌsaꞌ, co sacataramahuëꞌ. Cosharo nicacamarëáchin piꞌpian sacataramaꞌ. Insëquë tëranta yaꞌhuëpatamaꞌ, canchisë tahuëri chachin pan co ahuëpocatopinanhuë caꞌsaramaꞌ. Caniaritërin quëran, taꞌhuantaquë huarëꞌ inapoaramaꞌ. Co piꞌpian tëranta pan ahuëpocatërinso tapapomahuëꞌ. Inso tëranta naporo tahuëriꞌsa pan ahuëpocatopinan caꞌpachinaꞌ, Israiro huënton quëran ocoicaso yaꞌhuërin. Nisha piyapiꞌsa tëranta napohuachinaꞌ, inapotamaso yaꞌhuërin, tënin Yosë,” itopi.

Éxodo 16:1

Israiroꞌsa Iquipito quëran pipipisoꞌ nani aꞌna yoqui patoma nisarin. Naporoꞌ inapitasoꞌ, Irimo quëran paantarapi huachi. Paꞌsahuatonaꞌ, Sin inotëro parti canconpi. Inasoꞌ inotëroꞌ, Irimo quëran, Sinai motopiquë huarëꞌ nincanin.

Éxodo 16:12

—Israiroꞌsa pinorinacosoꞌ nani natanahuë. Napoaton shaꞌhuitëquëꞌ: “Sinioro napotërinpoaꞌ: ‘Iꞌhuanahuanquë nosha caꞌsaramaꞌ, tashiramiachintaꞌ, cosharo yaꞌhuapon. Natëaquë huarëꞌ coshataramaꞌ. Inapotohuatënquëmaꞌ, ca Sinioroco ninahuësoꞌ nitotarama huachi, tënin,’ itëquëꞌ,” itërin.

Éxodo 19:1

Israiroꞌsa Rihuitin quëran pipirahuatonaꞌ, Sinai inotëro parti canconpi. Canconahuatonaꞌ, Sinai motopi notënanquë chachin chinotopi. Iquipito quëran pipipisoꞌ, nani cato yoqui nisahuaton aꞌna tahuëriraꞌ nisarin. Naporoꞌ inatopa canconpi.

Isaías 53:6

Yaꞌipinpoa ohuicaroꞌsa chihuëpiso pochin ninëhuaꞌ. Canpoara yonquirëhuaso imatëhua naporëhuaꞌ. Napopirëhuahuëꞌ, Siniorori co noyahuëꞌ ninëhuaso marëꞌ inasá aparisitarin.

Levítico 23:5

Nani piꞌiquë canpita marëꞌ yaꞌnatiirinso yoqui nanihuachin, pascoa pita ca marëꞌ naꞌhuëaramaꞌ. Shonca catapini tahuëri nanihuachin iꞌhuanahuanquë, nispirataramaꞌ.

Mateo 27:20

Corto huaꞌanoꞌsaꞌ, cotio ansianoꞌsaꞌ, inapitaso nipirinhuëꞌ, aꞌnaya aꞌnaya piyapiꞌsaꞌ shaꞌhuitëraꞌpiapi: —“Parapasë ocoirahuaton, Quisoso atëpatëquëꞌ,” itocoꞌ, itëraꞌpiapi.

Mateo 27:25

—Tëhuënchachin quiya yonquirai tëpacaꞌhuaisoꞌ. Yosë yaanaꞌintohuachincoi, huiꞌnahuëipitarëꞌcoi chachin anaꞌinchincoi, topi.

Marcos 15:1

Tahuërianpitohuachinara, yaꞌipi cotio ansianoꞌsaꞌ, cotio maistroꞌsaꞌ, corto huaꞌanoꞌsaꞌ, inapita niyontonahuatonaꞌ, ninontopi. Ina quëran Quisoso tonporahuatonaꞌ, Pirato yaꞌhuërinquë quëpapi.

Marcos 15:11

Napoaponahuëꞌ, corto huaꞌanoꞌsari aꞌnaya aꞌnaya piyapiꞌsaꞌ shaꞌhuitëraꞌpiapi. —“Co Quisososoꞌ nohuantëraihuëꞌ. Parapasë ocoitocoi,” itocoꞌ, itëraꞌpiapi. Napoaton: —Parapasë ocoitocoi, tosapi.

Marcos 15:25

Yono piꞌirirahuasoꞌ, corosëquë patanantapi.

Marcos 15:8

Piyapiꞌsaꞌ huëꞌsahuatonaꞌ, Pirato nontiipi. —Ipora Pascoaquëntaꞌ apinaꞌpi ocoitaantacoi, itopi.

Lucas 23:1

Ina quëran pipirahuatonaꞌ, Piratoquë Quisoso quëpapi.

Lucas 23:18

Piyapiꞌsariso nipirinhuëꞌ chiníquën nontopi. —¡Quisososoꞌ tëpaquëꞌ! ¡Parapasë ocoitocoi! itopi.

Hechos 2:23

Napoaponahuëꞌ, canpitari atëpatëramaꞌ. Masahuatomaꞌ, nisha piyapiꞌsaꞌ quëtonamaꞌ corosëquë tëpacaiso marëꞌ. Co Yosë natëpihuëꞌ niꞌton, tëpapi. Iráca chachin Yosëri yonquirin huiꞌnin chiminacasoꞌ. Ina nohuanton, oshanënpoa marëꞌ chiminin. Co nohuantërinhuëꞌ naporini, co macacamasoꞌ nanichitomahuëꞌ. Canpitari atëpatopiramahuëꞌ,

Hechos 3:14

Quisososoꞌ noyasáchin ninin. Co piꞌpisha tërantaꞌ oshahuanpirinhuëꞌ, co nohuantëramahuëꞌ. ‘¿Intaꞌ ocoichinquëmaꞌ?’ itohuachinquëmara, tëpatonaꞌpi huayonamaꞌ.

Hechos 4:27

Iso ninanoquë chachin Sinioro, piyapiꞌsaꞌ yonquipi huiꞌnan tëpacaiso marëꞌ. Inasoꞌ nóya nipirinhuëꞌ, tëpapi. Quëmari acoranso nipirinhuëꞌ, co quëꞌyapihuëꞌ. Irotisë, Ponsio Pirato, nisha piyapiroꞌsaꞌ, israiroꞌsaꞌ, inapitari Quisoso noꞌhuipi.

Josué 5:10

Israiroꞌsasoꞌ inaquëranchin yaꞌhuëasoiꞌ, pascoa pita naꞌhuëpi. Catapini tahuëri pochin inaquë yaꞌhuëasoiꞌ, iꞌhuanahuanquë nispiratapi. Quiricarosoꞌ, Quirico ninano canonamatëquë yaꞌhuërin.