Éxodo 12:39 - Chayahuita (Shahui)

³⁹ Iquipitoroꞌsari yaꞌhuëpi quëran pipicaisoꞌ amanotopi. Napoaton, co caracaiso tëranta anpiaponaraihuëꞌ, pipipi. Napoaton pan co ahuëpocatopinanhuë nicacaiso marëꞌ tapapisoꞌ mapi. Masahuatonaꞌ, huancopi anpipi huachi.

Éxodo 12:39 ပူးပေါင်းရင်းမြစ်များ

Éxodo 11:1

Naporo chachin Yosëri, Moisësë itaantapon: “Aꞌnaroíchin huachi Iquipito copirno, piyapinënpitarë chachin anaꞌintarahuë. Ina piquëran aꞌpaponquëmaꞌ. Inaora chachin nontaponquëma pipimiatamaso marëꞌ.

Éxodo 12:34

Israiroꞌsasoꞌ, Moisësëri camairinso chachin, iquipitoroꞌsa maꞌsha maꞌparapi: Maꞌsha oro quëran, prata quëran, ina quëranpita nipisoꞌ maꞌpatopi. Aꞌmocaisontaꞌ, maꞌpatopi. Inapita natantohuachinara quëtopi. Yosë nohuanton iquipitoroꞌsa co noꞌhuitopihuëꞌ. Maꞌpitaso natanpachinara, quëtopi. Inapotatona iquipitoroꞌsa nanquianapi. Ina quëran pan co ahuëpocatopinanhuë nicacaiso marëꞌ tapapisonta soꞌquëtopi. Acopisorë chachin, quëpacaiso marëꞌ aꞌmopiquë soꞌquëtopi. Soꞌquëtahuatonaꞌ, aꞌnaya aꞌnaya apitëntopi.

Éxodo 6:1

Moisësëri napotohuachina, Yosëso tapon: —Tëhuënchachin Iquipito copirno anaꞌintomiatërahuësoꞌ, niꞌsaran. Naporo co ahuantatonhuëꞌ: “¡Manóton pipico huachi!” itaponquëmaꞌ, itërin.

Mateo 13:33

“Naquëranchin iyaroꞌsaꞌ Yosë huaꞌanëntërinsoꞌ aꞌchintaantaꞌinquëmaꞌ. Pan ahuëpocatërinso pochin ninin antaꞌ. Aꞌna sanapi pan nipachina, cara shonca quiro pochin trico noꞌmoꞌ manin. Masahuaton, piꞌpian tërantaꞌ pan ahuëpocatërinsoꞌ ayontohuachina, yaꞌipiya sëꞌcotaton, ahuëpocatërin huachi,” itërin Quisosori.