Éxodo 12:31 - Chayahuita (Shahui)

³¹ Napohuachina copirnori, Moisësë, Aaron, inapita amataantarin. Canconpachinara itapon: “Paco huachi yaꞌhuërahuë quëran. Yaꞌipi israiroꞌsanta paatona Yosë chinochinaꞌ.

Éxodo 12:31 ပူးပေါင်းရင်းမြစ်များ

Salmos 105:38

Paꞌpisoꞌ nicatona iquipitoroꞌsasoꞌ, nóya cancantopi huachi. Nani maꞌsha onpoatonaꞌ, paꞌpi paꞌyanpirinahuëꞌ.

Éxodo 10:29

Napotohuachina Moisësënta tapon: —Noyapaꞌ. Quëma naporanso chachin mini nisarin. Co huachi niquënanarihuëꞌ, itërin.

Éxodo 10:9

—Yaꞌipicoi pacaꞌhuaiso yaꞌhuërin: Huiꞌnapiꞌsaꞌ, mashoyaroꞌsa inapita paꞌsapi. Huiꞌnahuëipita huaꞌhua nipiso quëran huarëꞌ, quëpaarai. Ohuicanëhuëipita, ohuacanëhuëipita, inapitanta quëpaꞌhuaiso yaꞌhuërin. Yosë marëꞌ panca pita nisarai niꞌton, yaꞌipi inapita quëpaꞌhuaiso yaꞌhuërin, itërin.

Éxodo 11:1

Naporo chachin Yosëri, Moisësë itaantapon: “Aꞌnaroíchin huachi Iquipito copirno, piyapinënpitarë chachin anaꞌintarahuë. Ina piquëran aꞌpaponquëmaꞌ. Inaora chachin nontaponquëma pipimiatamaso marëꞌ.

Éxodo 11:8

Inapotohuachinquëmaꞌ, yaꞌipi catahuarinënquënso huaꞌanoꞌsaꞌ, paapaponaco. Paapatonaco isonahuatona moshaponaco: ‘Paquë huachi. Israiroꞌsanta quëpaquëꞌ,’ itaponaco. Naporo huarëꞌ isëran paꞌsarahuë,” itërin. Noya noꞌhuitahuaton, Moisësë copirno pëinën quëran pipirin.

Éxodo 12:39

Iquipitoroꞌsari yaꞌhuëpi quëran pipicaisoꞌ amanotopi. Napoaton, co caracaiso tëranta anpiaponaraihuëꞌ, pipipi. Napoaton pan co ahuëpocatopinanhuë nicacaiso marëꞌ tapapisoꞌ mapi. Masahuatonaꞌ, huancopi anpipi huachi.

Éxodo 6:1

Moisësëri napotohuachina, Yosëso tapon: —Tëhuënchachin Iquipito copirno anaꞌintomiatërahuësoꞌ, niꞌsaran. Naporo co ahuantatonhuëꞌ: “¡Manóton pipico huachi!” itaponquëmaꞌ, itërin.

Éxodo 8:25

Ina niꞌsahuaton copirnosoꞌ, Moisësë, Aaron, inapita amataantarin. Huëꞌpachinara itapon: —Paco nipachin Yosënëma chinotocoꞌ. Ama napoaponahuëꞌ, áquë pacosohuëꞌ, itërin.

Éxodo 8:8

Copirnoso nipirinhuëꞌ, Moisësë, Aaron, inapita amatahuaton itapon: —Sinioro nontoco huariraroꞌsa inquichincoi, co huachi ahuantëraihuëꞌ. Inquitohuachincoi naporo huarëꞌ ina chinotacaso marëꞌ israiroꞌsa aꞌparahuë, itërin.

1 Samuel 6:6

Iráca iquipitoroꞌsa co natantochináchinhuëꞌ cancantopi. Copirnonënantaꞌ, ina pochachin cancantërin. Yosëri chiníquën aparisitaquë huarëꞌ israiroꞌsa aꞌpapi. Ama canpitaso inapita pochin cancantocosohuëꞌ.