Éxodo 12:29 - Chayahuita (Shahui)

²⁹ Yono tashi nisapasoꞌ, yaꞌipi Iquipitoquë paninanoꞌsa quëmapi nipisoꞌ, Siniorori tëparin. Copirno huiꞌnin paninantërinsontaꞌ, chiminin. Inari paꞌpin huaꞌanëntacaso nani catahuarapirinhuëꞌ, chiminin. Tashinan pëiquë apinaꞌpiroꞌsa paninantopisopitantaꞌ, chiminpi. Pëꞌtahuanëna quëmapi yaꞌnan huaꞌhuatopiso quëran huarëꞌ chiminpi.

Éxodo 12:29 ပူးပေါင်းရင်းမြစ်များ

Génesis 15:14

Cariso nipirinhuëꞌ, aparisitërinsopita anaꞌintarahuë. Ina piquëran shiparinpita, noya chaꞌëponaꞌ. Maꞌhuanoꞌsa pipiponaꞌ.

Salmos 105:36

Inaquë chachin paninanoꞌsanta tiquirin. Yaꞌipi yaꞌnan huaꞌhuatopisopita napotërin.

Éxodo 11:1

Naporo chachin Yosëri, Moisësë itaantapon: “Aꞌnaroíchin huachi Iquipito copirno, piyapinënpitarë chachin anaꞌintarahuë. Ina piquëran aꞌpaponquëmaꞌ. Inaora chachin nontaponquëma pipimiatamaso marëꞌ.

Éxodo 12:12

Naporo tashi chachin yaꞌipi Iquipito roꞌtë paꞌtato, iquipitoroꞌsa paninanëna tëpaarahuë. Pëꞌtahuaroꞌsanta quëmapi nininso yaꞌnan huaꞌhuatopisopita, tëpaarahuë. Caso Sinioroco niꞌto, naporahuëso chachin nisarin. Iquipitoroꞌsa inapotohuato, mamanshinëna atapanarahuë.

Éxodo 12:28

Ina quëran israiroꞌsasoꞌ, Siniorori Moisësë, Aaron, inapita camairinso chachin nipi.

Éxodo 4:23

Napoaton inapita aꞌpacaso marëꞌ camayaranquën. Aꞌparan naporini, paꞌsahuatona chinochitonacohuëꞌ. Co aꞌparanhuë niꞌquëhuarëꞌ, quëma huiꞌnan paninantëranso tëparahuë, tënin Yosë,” itëquëꞌ, itërin.

Éxodo 9:6

Tahuëririnquë Yosë nohuanton, iquipitoroꞌsa pëꞌtahuanëna paꞌpi chiníquën caniorahuatonaꞌ, chiminapi huachi. Israiroꞌsa pëꞌtahuapisopitaso nipirinhuëꞌ, co aꞌnaya tëranta chimininhuëꞌ.

Isaías 41:11

Noꞌhuirinënquëmasopita atapanarahuë. Chinitërinënquëmasopitantaꞌ, ataꞌhuantarahuë.

Jeremías 38:13

Inapohuatora quëmapiꞌsasoꞌ, noninoꞌsa huëntëntahuatonaꞌ, ocoirinaco. Ina piquëran aꞌpaito sontaroꞌsa pëi iꞌiratënënquë, yaꞌhuëantarahuë.

Jeremías 38:6

Inapitasoꞌ natanahuatonaꞌ, maconinaco. Noninoꞌsaquë aꞌsonahuatonaco, iꞌsha tapainanquë aꞌpamarinaco. Tanónën nisharo niꞌton, inaquë yaꞌcorotomarahuë. Ina iꞌsha tapainansoꞌ, copirno huiꞌnin Marquiasë itopisoari huaꞌanëntërin. Aꞌpaito sontaroꞌsa iꞌiratënënquë yaꞌhuërin.

Habacuc 3:5

Coꞌhuara canquiyátërasohuëꞌ, nisha nisha tiquito canio matapon. Canquirin piquërantaꞌ, notohuaroꞌ taquiaponaꞌ.

Zacarías 9:11

Quirosarinquë yaꞌhuëramasopita. Isontaꞌ, Sinioro shaꞌhuitarinquëmaꞌ: “Aꞌnaquën israiroꞌsa nisha nisha nacionquë ipora huanta yaꞌhuëapi. Inapitasoꞌ, poso yaninantë pochin nininquë yaꞌhuëapi niꞌton, cari nichaꞌësarahuë. Iráca shimashonëmapitaroꞌco anoyatërahuë niꞌton, napoarahuë. Inapohuatoira, maꞌsharoꞌsa tëparahuatona huënainën aꞌpatopi,” tënin.

Hebreos 11:28

“Yosë nichaꞌësarinpoaꞌ,” taꞌton, natëtërin. Napoaton piyapiꞌsaꞌ camairin: “Yaꞌipinquëmaꞌ carniroaꞌhua tëpacoꞌ. Huënainën yaꞌcoanaquë pashitocoꞌ ama anquëniri paninan nininsoꞌ tëpacaso marëhuëꞌ,” itërin. Napotohuachina, aꞌnaya aꞌnaya inahuara pëinënaꞌ yaꞌcoanaquë huënaiquë pashitëraꞌpiapi. Napoaton Yosëri catahuarin. Co paninanoꞌsaꞌ chiminpihuëꞌ. Pascoa pitaquë napopi.

Hebreos 12:23

Huëntonënquë chachin Yosë nani ayaꞌconinpoaꞌ. Inápaquë nininënpoaꞌ nani ninshitërinpoaꞌ huiꞌninpita pochin nicainpoaso marëꞌ. Inatohuaꞌ niyontonarihuaꞌ. Yosë chachin imarëhuaꞌ. Inasoꞌ yaꞌipiya huaꞌanëntaton, co imapisopitahuëꞌ noꞌtëquën anaꞌintarin. Aꞌnaquën imapisopita nani chiminpachinara, huaꞌyanënasoꞌ Yosëꞌpaꞌ yaꞌhuapi huachi. Yosë pochachin cancantopi. Inapitarëꞌquënpoa chachin niyontonarihuaꞌ