Éxodo 12:28 - Chayahuita (Shahui)

²⁸ Ina quëran israiroꞌsasoꞌ, Siniorori Moisësë, Aaron, inapita camairinso chachin nipi.

Éxodo 12:28 ပူးပေါင်းရင်းမြစ်များ

2 Samuel 5:25

Siniorori camairinso chachin Tapisoꞌ ninin. Inapoatona huiristino sontaroꞌsa canapi. Capaon quëran Coisiri ninano itopiquë huarëꞌ canapi.

1 Reyes 17:5

Napotohuachina, inaso ina inachachin ninin. Cortaniiꞌ aquëtëran piꞌi pipirinso parti paꞌsahuaton, Quiriti iꞌshaquë yaꞌhuëconin.

Éxodo 12:29

Yono tashi nisapasoꞌ, yaꞌipi Iquipitoquë paninanoꞌsa quëmapi nipisoꞌ, Siniorori tëparin. Copirno huiꞌnin paninantërinsontaꞌ, chiminin. Inari paꞌpin huaꞌanëntacaso nani catahuarapirinhuëꞌ, chiminin. Tashinan pëiquë apinaꞌpiroꞌsa paninantopisopitantaꞌ, chiminpi. Pëꞌtahuanëna quëmapi yaꞌnan huaꞌhuatopiso quëran huarëꞌ chiminpi.

Éxodo 14:4

Ca nohuanton co natantochináchinhuëꞌ cancantaton, imaquiarinquëmaꞌ. Napoaponahuë imaquihuachinquëmaꞌ, sontaronënpita huëntonënë chachin ataꞌhuantarahuë. Inapotohuato, Sinioroco ninahuëso yaꞌipi iquipitoroꞌsa nitotapi,” itërin. Yosë camaitërinso chachin israiroꞌsa nipi.

Éxodo 7:10

Cato chachin paꞌsahuatonaꞌ, copirno niꞌconpi. Nontohuachinara inari itapon: “Chiníquën nanantëramaso nipachin, aꞌnotoco niꞌi,” itërin. Napotohuachina Yosëri camairinso chachin nipi. Copirno, ina catahuapisopita huaꞌanoꞌsaꞌ, inapita niꞌtonënquë Aaronsoꞌ, huaranën tëꞌyatërin. Anotaso chachin yaꞌhuan taranin huachi.

Éxodo 7:6

Moisësë, Aaron, inapitasoꞌ Yosëri shaꞌhuitërinso chachin yaꞌipi nipi huachi.

Deuteronomio 34:9

Moisësë coꞌhuara chiminyátëraponhuëꞌ, Cosoi marëꞌ Yosë nontërin. Sëꞌhuamotorahuaton huaꞌan acocaso marëꞌ, nontërin. Napoaton Siniorori catahuarin noya yonquiaton, israiroꞌsa camaicasoꞌ. Camaitohuachina, yaꞌipi israiroꞌsari natëpi. Siniorori Moisësë shaꞌhuitërinso chachin nipi.

Hebreos 11:28

“Yosë nichaꞌësarinpoaꞌ,” taꞌton, natëtërin. Napoaton piyapiꞌsaꞌ camairin: “Yaꞌipinquëmaꞌ carniroaꞌhua tëpacoꞌ. Huënainën yaꞌcoanaquë pashitocoꞌ ama anquëniri paninan nininsoꞌ tëpacaso marëhuëꞌ,” itërin. Napotohuachina, aꞌnaya aꞌnaya inahuara pëinënaꞌ yaꞌcoanaquë huënaiquë pashitëraꞌpiapi. Napoaton Yosëri catahuarin. Co paninanoꞌsaꞌ chiminpihuëꞌ. Pascoa pitaquë napopi.

Josué 2:21

Napotohuachina Nacapasoꞌ tapon: —Noyapaꞌ. Inapoaꞌahua nipachin, tënin. Napotahuaton huintananën quëran chinohuarahuachina paꞌpi huachi. Nani paꞌpachinara quëhuan nonin huintananënquë aꞌsonin. Aipiran quëran aꞌsonin.

Josué 4:8

Napotohuachina, inahuaso Cosoiri camairinso chachin nipi. Paꞌsahuatonaꞌ, naꞌpiroꞌsa Cortaniiꞌ yanirinquë mapi. Israiroꞌsasoꞌ shonca cato huënton niꞌton, shonca cato mapi. Aꞌnaya aꞌnaya huënton marëꞌ aꞌnara naꞌpi mapi. Masahuatonaꞌ, chinotai marëꞌ nëꞌmëtë pëinëna ótënpiquë imopi. Siniorori Cosoi camairinso chachin nipi.