Éxodo 12:2 - Chayahuita (Shahui)

² “Canpita marësoꞌ iso yoqui, yaꞌnatiirinso yoqui nisarin. Naporahuaton, iso yoqui naꞌcon naꞌcon yonquiaramaꞌ.

Éxodo 12:2 ပူးပေါင်းရင်းမြစ်များ

Éxodo 12:1

Moisësë, Aaron, inapita Iquipitoquë chachin niꞌsoiꞌ, Yosëri shaꞌhuitërin israiroꞌsa shaꞌhuitacaiso marëꞌ:

Éxodo 12:3

Yaꞌipi israiroꞌsa nitotacaiso marëꞌ shaꞌhuitocoꞌ. Ipora yoquiráchin shonca tahuëritahuasoꞌ, nani pëiquë yaꞌhuëramasoꞌ, aꞌnara carniroaꞌhuahuë nipon, chipoaꞌhuahuë nipon mainaꞌ. Tëpatona capacaiso marëꞌ nisha acoꞌinaꞌ. Aꞌna piꞌipitërinsoꞌ. Co máquën tëranta tëhuërinsohuëꞌ inapochinaꞌ. Napoaponahuëꞌ, nanicaiso tantiainaꞌ. Aꞌnaquën pëiquë co naꞌashahuëꞌ nipachina, niyaꞌyoranpisoꞌ capini nipatomatatona caꞌinaꞌ.

Éxodo 34:18

Pan co ahuëpocatopinanhuëꞌ capacaiso pita, naꞌhuëcoꞌ. Ina tahuëriꞌsa canquihuachina, shaꞌhuitëranquëmaso chachin nicoꞌ. Canchisë tahuëri pan co ahuëpocatopinanhuë caꞌsaramaꞌ. Ina pitasoꞌ, apipo yoquiquë naꞌhuëaramaꞌ. Naporo yoqui Iquipito quëran pipirama niꞌton, naporo naꞌhuëcoꞌ.

Éxodo 40:17

Iquipito quëran pipipisoꞌ, nani aꞌna piꞌipi nisahuaton aꞌna tahuëriraꞌ nisarin. Naporoꞌ, Yosë chinotacaso marëꞌ nëꞌmëtë pëi otënpi huachi.

Levítico 23:5

Nani piꞌiquë canpita marëꞌ yaꞌnatiirinso yoqui nanihuachin, pascoa pita ca marëꞌ naꞌhuëaramaꞌ. Shonca catapini tahuëri nanihuachin iꞌhuanahuanquë, nispirataramaꞌ.