Éxodo 11:8 - Chayahuita (Shahui)

⁸ Inapotohuachinquëmaꞌ, yaꞌipi catahuarinënquënso huaꞌanoꞌsaꞌ, paapaponaco. Paapatonaco isonahuatona moshaponaco: ‘Paquë huachi. Israiroꞌsanta quëpaquëꞌ,’ itaponaco. Naporo huarëꞌ isëran paꞌsarahuë,” itërin. Noya noꞌhuitahuaton, Moisësë copirno pëinën quëran pipirin.

Éxodo 11:8 ပူးပေါင်းရင်းမြစ်များ

Éxodo 10:29

Napotohuachina Moisësënta tapon: —Noyapaꞌ. Quëma naporanso chachin mini nisarin. Co huachi niquënanarihuëꞌ, itërin.

Isaías 49:23

Copirnoroꞌsanta huiꞌninpita pochin nitarinquëmaꞌ. Inahua huiꞌninpita sanapi nipisopitantaꞌ, nocomatënquëma asoꞌsoarinquëmaꞌ. Inapitasoꞌ noya nicatënëmaꞌ, moshaponëmaꞌ. Isonpi quëran noꞌpaquë huarëꞌ monshorahuatonaꞌ, canpitasáchin natëinëmasoꞌ anitotarinënquëmaꞌ. Inapoatonaꞌ: ‘Tëhuënchachin Siniorosoꞌ chini chiníquën nanantërin. Naporahuaton inasáchin ninapisopitasoꞌ, co onporonta taparo nisapihuëꞌ,’ tëcaponaꞌ,” tënin.

Isaías 49:26

Aparisitërinëmasopita, cari camaiarahuë inahuara noshinëna capatë pochin inahuara capini nitëpacaisoꞌ. Huënainënantaꞌ, huino oꞌotona noꞌpipiso pochin noꞌhuitonënaquë co nitënorocaisohuëꞌ camaiarahuë. Inapotohuato, yaꞌipi piyapiroꞌsa nichaꞌëranquëmasoꞌ nitotaponaꞌ: ‘Sinioro niꞌton, Cacopo quëran pipipisopita nichaꞌërin. Chiníquën nanantaton naporin,’ tosapi,” tënin.

Ezequiel 3:14

Yosë ispiritonën otërahuatonco, ina quëran ocoirinco. Napotohuachincora, sëtërahuë, noꞌhuitërahuë, naporahuë. Sinioro chiníquën nanantaton quëpahuachincora naporahuë.

Daniel 3:19

Ina natanaton, copirnoso paꞌpi noꞌhuitërin. Naporahuaton: “¡Naꞌcon naꞌcon orno huënaratacaso marëꞌ ihuë tëꞌyanantocoꞌ!” tënin camaitaton. Napohuachina, inapotopi.

Números 12:3

Moisësësoꞌ, yaꞌipi piyapiꞌsa quëran sano sano quëmapi ninin.

Marcos 3:5

Co aꞌpanitohuachinarahuëꞌ, aꞌnaya aꞌnaya niꞌsarin. Co natantochináchinhuëꞌ cancantopi niꞌton, noꞌhuirë pochin cancantaton, co noyahuëꞌ niꞌnin. “Co nosoropihuëꞌ,” taꞌton, paꞌpi sëtërin. —Imiran iyasha ihuëquëꞌ, itërin. Ihuëhuachina, aꞌnaroáchin noyatërin.

Deuteronomio 32:24

Tanarotatomaꞌ, taquiaramaꞌ. Sapo quëraontaꞌ, taꞌhuantaramaꞌ. Nisha nisha canio yaconaton, tiquiarinquëmaꞌ. Tanan niꞌniroꞌsa aꞌpataranquëmaꞌ. Quëtëton yaꞌhuanoꞌsantaꞌ, aꞌpataranquëmaꞌ.

Hebreos 11:27

Yosë natëton, Moisësë Iquipito quëran pipirin. Copirnori noꞌhuipirinhuëꞌ, co tëꞌhuatërinhuëꞌ. “Yosë co quënanaporahuëꞌ, niꞌsárinco,” taꞌton, chiníquën cancantërin. Chiníquën cancantaton, Yosë piyapinënpita catahuarin.

Apocalipsis 3:9

Aꞌnaquën nonpintatënënquëmaꞌ, ‘Yosë piyapinënpitacoi quiyantaꞌ,’ itopirinënquëmahuëꞌ, Satanasë huëntonënquë yaꞌconpi. Aꞌna tahuëri ca nohuanto, inapitantaꞌ isonahuatonaꞌ, noya nontarinënquëmaꞌ. ‘Tëhuënchachin noꞌtëquën imaramaꞌ. Quisocristo nosororinquëmaꞌ,’ itarinënquëmaꞌ.

Jueces 4:10

Inaquë Paracosoꞌ sontaroꞌsa ayontonin. Saporono, Nipitari, inapita huëntonoꞌsa quëran, ayontonin. Niyontonpachinara, shonca huaranca sontaroꞌsa camaicaso marëꞌ ananirin. Tiporanta inarë chachin paꞌsarin.

Jueces 8:5

Socotoquë canconpachinara, yaꞌhuëhuanoꞌsa itapon: —Yosë marëꞌ maꞌsha tëranta sontaronëhuëpita aꞌcacoꞌ. Matian copirnoroꞌsa Sipa, Saromona, inapita itopisoꞌ imasápatoi paꞌpi canotërai. Napoaton aꞌcaco topirahuë, itërin.