Éxodo 11:4 - Chayahuita (Shahui)

^4-5 Naporo Moisësësoꞌ, copirno itaantapon: “Sinioro naporin: ‘Yono tashi nisapasoꞌ, yaꞌipi Iquipito roꞌtë paꞌtarahuë. Iquipito paninanoꞌsa tëpaꞌhuaso marëꞌ napoarahuë. Yaꞌipi paninanoꞌsa chiminacaiso yaꞌhuërin. Quëma paninanëonta huaꞌanëntacaso catahuarinquënsoꞌ, chiminarin. Piyapinënpita paninanënanta chiminapon. Sanapiꞌsa pëꞌsantonaꞌpiroꞌsa paninanënanta napoarin. Co pëꞌtahuanëma yaꞌnan huaꞌhuatërinso tëranta chaꞌëponhuëꞌ.

Éxodo 11:4 ပူးပေါင်းရင်းမြစ်များ

2 Samuel 5:24

Ina nararoꞌsa huiꞌnimotënquë piyapiꞌsa iratërinso pochin natanaramaꞌ. Ina natanpatamaꞌ, ahuëtocoꞌ. Cá chachin quëchitato huiristinoꞌsa tiquiarahuë. Ina nitotamaso marëꞌ ina pochin natanaramaꞌ, itërin.

Éxodo 12:12

Naporo tashi chachin yaꞌipi Iquipito roꞌtë paꞌtato, iquipitoroꞌsa paninanëna tëpaarahuë. Pëꞌtahuaroꞌsanta quëmapi nininso yaꞌnan huaꞌhuatopisopita, tëpaarahuë. Caso Sinioroco niꞌto, naporahuëso chachin nisarin. Iquipitoroꞌsa inapotohuato, mamanshinëna atapanarahuë.

Éxodo 12:23

Inapotohuatëhuaꞌ, Yosë noya niꞌsarinpoaꞌ. Paninanënpoapita co tëpaponhuëꞌ. Iquipitoroꞌsa pëinënaquëso nipirinhuëꞌ, tëpaton anquëniri paninanëna tëparaꞌpiapon.

Éxodo 12:29

Yono tashi nisapasoꞌ, yaꞌipi Iquipitoquë paninanoꞌsa quëmapi nipisoꞌ, Siniorori tëparin. Copirno huiꞌnin paninantërinsontaꞌ, chiminin. Inari paꞌpin huaꞌanëntacaso nani catahuarapirinhuëꞌ, chiminin. Tashinan pëiquë apinaꞌpiroꞌsa paninantopisopitantaꞌ, chiminpi. Pëꞌtahuanëna quëmapi yaꞌnan huaꞌhuatopiso quëran huarëꞌ chiminpi.

Isaías 42:13

Míso ahuëtonaꞌpi pochin Siniorosoꞌ paꞌsarin. Ahuëtonaꞌpi chiníquën ahuëtërinso pochin nisarin. “Yai,” tahuaton caniaritarin. Inaporahuaton inimiconënpita minsëarin.

Amós 4:10

Naquëranchin Sinioro taantarin. “Iráca iquipitoroꞌsa nisha nisha quëran aparisitërahuë. Inapita aparisitërahuëso pochachin canpitanta aparisitëranquëmaꞌ. Huiꞌnapinëmapita ahuëtopiquëranchin chiminpi. Cahuarionëmapitantaꞌ, inimiconëmapitari matërinënquëmaꞌ. Chinotëramaso nëꞌmëtë pëiroꞌsaquë chiminpisopita anarinsoꞌ, aimëtëranquëmaꞌ. Inapotëranquëmaꞌ. Inapotápiranquëmahuëꞌ, co tahuërëtëramacohuëꞌ. Ca Sinioroco noꞌtëquën shaꞌhuitaranquëmaꞌ,” tënin.

Miqueas 2:13

Cari chachin quëchitato inapita quëpararahuë. Inapitasoꞌ natëponaco huachi. Paꞌpachinaꞌ, ninano yaꞌcoanataquëchin pipiponaꞌ. Caso huaꞌanënaco niꞌto, Yosënënaco,” tënin.

Mateo 25:6

Huëꞌësoiꞌ, yono tashiꞌ aꞌnanaya chiníquën noninsoꞌ natanpi. ‘¡Maꞌtana, huëꞌsarin huachi! ¡Huënsëcoꞌ paꞌahuaꞌ nacapiaꞌahuaꞌ!’ nitopi.