Éxodo 11:1 - Chayahuita (Shahui)

¹ Naporo chachin Yosëri, Moisësë itaantapon: “Aꞌnaroíchin huachi Iquipito copirno, piyapinënpitarë chachin anaꞌintarahuë. Ina piquëran aꞌpaponquëmaꞌ. Inaora chachin nontaponquëma pipimiatamaso marëꞌ.

Éxodo 11:1 ပူးပေါင်းရင်းမြစ်များ

Génesis 15:14

Cariso nipirinhuëꞌ, aparisitërinsopita anaꞌintarahuë. Ina piquëran shiparinpita, noya chaꞌëponaꞌ. Maꞌhuanoꞌsa pipiponaꞌ.

Éxodo 12:29

Yono tashi nisapasoꞌ, yaꞌipi Iquipitoquë paninanoꞌsa quëmapi nipisoꞌ, Siniorori tëparin. Copirno huiꞌnin paninantërinsontaꞌ, chiminin. Inari paꞌpin huaꞌanëntacaso nani catahuarapirinhuëꞌ, chiminin. Tashinan pëiquë apinaꞌpiroꞌsa paninantopisopitantaꞌ, chiminpi. Pëꞌtahuanëna quëmapi yaꞌnan huaꞌhuatopiso quëran huarëꞌ chiminpi.

Éxodo 3:20

Chiníquën nanantato, maꞌsha paꞌpi huëhuëpiro nininsopita aꞌnoarahuë. Iquipitoroꞌsa ataꞌhuantochináchin anaꞌintarahuë. Naporo huarëꞌ aꞌparinquëma huachi.

Éxodo 6:1

Moisësëri napotohuachina, Yosëso tapon: —Tëhuënchachin Iquipito copirno anaꞌintomiatërahuësoꞌ, niꞌsaran. Naporo co ahuantatonhuëꞌ: “¡Manóton pipico huachi!” itaponquëmaꞌ, itërin.

Éxodo 9:14

Co aꞌpahuatanhuëꞌ, iporasoꞌ chini chiníquën anaꞌintaranquën. Catahuarinquënsopita huaꞌanoꞌsaꞌ, piyapinënpita, inapitanta inapotarahuë. Co insonta isoroꞌpaquë ca pochin yaꞌhuërinhuëꞌ. Ina ipora anitotaranquën.

Apocalipsis 16:9

Panca huëyaponaraihuë, co nirotapihuëꞌ. Yosë noꞌhuitonaꞌ, pinosapi: “Sopai pochin cancantaton, aparisitarinpoaꞌ niꞌsora,” tosapi. Parisitaponaraihuëꞌ, co nohuantapihuëꞌ oshanënaꞌ aꞌpocaisoꞌ. Co Yosë yayonquiapihuëꞌ.

1 Samuel 6:4

—Noꞌhuirinpoasoꞌ acopitacaso marëꞌ: ¿Maꞌta nipachin aꞌnotahuaꞌ? taantahuachinara: —Aꞌnatërápo huaꞌanoꞌsanënpoapita yaꞌhuëpi. Napoaton oro quëran nipinan, aꞌnatërápo piꞌpirëhuaso pochin nonanatëhuaꞌ, quëtahuaꞌ. Aꞌnaya aꞌnaya marëꞌ aꞌnara quëtahuaꞌ. Ina nápo chachin shoꞌminta nonanpinan quëtahuaꞌ. Inapitanta oro quëran chachin nipinan. Huaꞌanënpoapitarë chachin inapita quëran anaꞌintarinpoa niꞌton, inapotahuaꞌ.