Éxodo 10:9 - Chayahuita (Shahui)

⁹ —Yaꞌipicoi pacaꞌhuaiso yaꞌhuërin: Huiꞌnapiꞌsaꞌ, mashoyaroꞌsa inapita paꞌsapi. Huiꞌnahuëipita huaꞌhua nipiso quëran huarëꞌ, quëpaarai. Ohuicanëhuëipita, ohuacanëhuëipita, inapitanta quëpaꞌhuaiso yaꞌhuërin. Yosë marëꞌ panca pita nisarai niꞌton, yaꞌipi inapita quëpaꞌhuaiso yaꞌhuërin, itërin.

Éxodo 10:9 ပူးပေါင်းရင်းမြစ်များ

Éxodo 10:10

Napotopirinhuëꞌ, copirnoso taantarin: —¡Naporinchi paya! Yosë chinotëraiso catahuarincoi. Yaꞌipi huiꞌnahuëipitarëꞌcoi chachin pacapoi ¿topiramahuë ti? ¡Co napoaramahuëꞌ! ¿Coꞌta yataꞌananpitomaco napoaramaꞌ?

Éxodo 12:32

Ohuicanëmaꞌ, ohuacanëmaꞌ, yaꞌipi inapitanta quëpacoꞌ. Iꞌhua quëran huarëꞌ apiramaco niꞌquëhuarëꞌ, paco huachi. Ca marënta Yosë nontoco ama huachi anaꞌinchincosohuëꞌ,” itërin.

Éxodo 12:37

Israiroꞌsasoꞌ, Namisisi ninano quëran pipirahuatonaꞌ, Socoto parti canconpi. Saota pasa huaranca quëmapiꞌsa chiníquënoꞌsa nipisoꞌ, paꞌsapi. Sanapiꞌsaꞌ, huaꞌhuaroꞌsaꞌ, mashoyaroꞌsaꞌ, inapitaso co pichipihuëꞌ.

Éxodo 12:38

Notohuaroꞌ ohuicaroꞌsaꞌ, ohuacaroꞌsa inapita quëparapi. Notohuaroꞌ nisha nisha piyapiꞌsantaꞌ, imatapi.

Éxodo 3:18

Napotohuatan, Israiro huaꞌanoꞌsaso natëarinquën tënahuë. Inapitarëꞌquën chachin Iquipito copirno paaparahuaton, napotëquëꞌ: “Yosë chinotëraisoꞌ, oꞌmarin nicaincoiso marëꞌ. Napoaton aꞌpacoi paꞌi inotëro parti nacapiꞌi. Cara tahuëri aquërinꞌpaꞌ paꞌsahuatoi, ina chinotaꞌhuaiso marëꞌ maꞌsha tëpaarai, itocoꞌ.

Éxodo 5:1

Ina quëran Moisësëso Aaronë chachin, Iquipito copirno nontapona paꞌpi. Quënanconahuatona itaponaꞌ: —Israiroꞌsacoi Sinioro chinotëraisoꞌ, nanan aꞌpatatënquën naporin: “Israiroꞌsasoꞌ, piyapinëhuëpita. Aꞌpaquë inotëro parti paꞌinaꞌ, inaquë chinotatonaco capa cancanchinaꞌ,” tënin, itopi.

Éxodo 5:3

—Ina mini Yosë chinotëraisoꞌ. Catahuaincoiso marëꞌ nani oꞌmarin. Inotëro parti pacaꞌhuaiso yaꞌhuërin cara tahuëri iratëraiꞌpaꞌ. Inaquë maꞌsha tëparahuatoi, ina chinotarai. Coꞌsoꞌ inapohuatoihuëꞌ, canio quëranhuë nipon, quira quëranhuë nipon taquihuatoi, itaantapi.

Proverbios 3:9

Maꞌsha yaꞌhuëtërinquënsopita Sinioro noya nicaton quëtëquëꞌ. Shaꞌnansopita yaꞌnan cayarinsontaꞌ, quëtëquëꞌ.

Eclesiastés 12:1

Yosëso nininquën. Huiꞌnapitasënquën chachin ina imaquëꞌ. Co huaꞌquiya quëranhuëꞌ mashotaran. Naporoꞌ, co huachi yashinhuëꞌ yaꞌhuëaran. Inapoaton: “Co huachi yain nanpichináchinhuëꞌ cancantërahuë,” tosaran.

Efesios 6:4

Canpitantaꞌ iyaroꞌsaꞌ, huiꞌnamaꞌ noya pënëncoꞌ. Ama apira apira noꞌhuicosohuëꞌ. Apira apira noꞌhuihuatamaꞌ, co natantochináchinhuëꞌ cancantaponaꞌ. Co noyahuëꞌ nipachinaꞌ, sanoanan quëran pënëncoꞌ noya nicacaiso marëꞌ. Yosë nanamën noya aꞌchintocoꞌ Quisocristo imainaꞌ.

Josué 24:15

Napoaponahuëꞌ, co Sinioroíchin yachinotohuatamahuëꞌ, ipora tahuëri huayonco insosona yachinotëramasoꞌ: ¿Shimashonëmapita Iopiratisiiꞌ yonsanquë yaꞌhuëaponaꞌ, nisha nisha mamanshi moshapiso nica? ¿Amororoꞌsa mamanshinëna moshapisoꞌ nica? Caso nipirinhuëꞌ, quëmopinëhuëpitarëꞌco chachin Sinioro chinotarai, itërin.