Éxodo 10:3 - Chayahuita (Shahui)

³ Yosëri napotërinso chachin Moisësë, Aaron, inapita copirno nicapona paꞌpi. Quënanconahuatonaꞌ, itaponaꞌ: “Naporin Yosë: ‘¿Onporo huarëta tëꞌhuatatonco natëponco? Piyapinëhuëpita chinotinacoso marëꞌ aꞌpaquë paꞌinaꞌ.

Éxodo 10:3 ပူးပေါင်းရင်းမြစ်များ

1 Reyes 18:21

Naporo Iniasëso israiroꞌsa yaꞌcarirahuaton, itapon: —Ama huachi cato imatocosohuëꞌ. Sinioro Yosë nipachin inasáchin imacoꞌ. Paaronta Yosë nipachin, ina nipachin imacosoꞌ, itërin. Napotohuachina co aꞌpanitopihuëꞌ.

Copo naporinso' 42:6

Napoaton co noya yonquiatohuëꞌ nonahuëso marëꞌ tapanahuë. Amocan, huarianoꞌ, inaquëpita huënsëato nonahuëso marëꞌ sëtërahuë. Ama huachi ina yonquiquësohuëꞌ, tënahuë,” itërin.

Éxodo 10:4

Coꞌsoꞌ aꞌpahuatanhuëꞌ, tashiraya chachin yaꞌhuëramaso roꞌtëquë, Yosë, sëquërëꞌ aꞌpatarinquëmaꞌ. Chitoro pochin anoantarinquëmaꞌ.

Éxodo 16:28

Napohuachina Siniorori, Moisësë itapon: —Nani pënënpirahuëꞌ. Nani aꞌchintopirahuëꞌ. ¿Onporo huarëta natëponaco?

Éxodo 4:23

Napoaton inapita aꞌpacaso marëꞌ camayaranquën. Aꞌparan naporini, paꞌsahuatona chinochitonacohuëꞌ. Co aꞌparanhuë niꞌquëhuarëꞌ, quëma huiꞌnan paninantëranso tëparahuë, tënin Yosë,” itëquëꞌ, itërin.

Éxodo 5:1

Ina quëran Moisësëso Aaronë chachin, Iquipito copirno nontapona paꞌpi. Quënanconahuatona itaponaꞌ: —Israiroꞌsacoi Sinioro chinotëraisoꞌ, nanan aꞌpatatënquën naporin: “Israiroꞌsasoꞌ, piyapinëhuëpita. Aꞌpaquë inotëro parti paꞌinaꞌ, inaquë chinotatonaco capa cancanchinaꞌ,” tënin, itopi.

Éxodo 9:17

Napotopiranquënhuëꞌ, co piyapinëhuëpita yaaꞌparanhuëꞌ. Co aꞌpahuatanhuëꞌ,

Proverbios 1:22

“Aꞌnaquëmasoꞌ, co chinoton yonquiátëraramahuëꞌ. ¿Onporo huarëta co chinotonhuëꞌ yonquiramaso naniantapomaꞌ? Aꞌnaquëmantaꞌ, narinatoma tëhuacamasoráchin cancantaramaꞌ. ¿Onporo huarëta ina pochin cancantëramaso aꞌpoapomaꞌ? Apínapichin yonquiramasopitantaꞌ, ¿Onporo huarëta nitoton nicacamaso nohuantapomaꞌ?

Proverbios 1:24

Nani carima pënënanquëmaꞌ. Canpitaso nipirinhuëꞌ, co yanatëramacohuëꞌ. Yacatahuatënquëmaꞌ, imira ihuëtërëso pochin nitopiranquëmahuëꞌ, co tahuërëtëramacohuëꞌ.

Isaías 1:5

Canpitaso co natantochináchinhuëꞌ cancantëramasoꞌ, co yaaꞌporamahuëꞌ. Ina marëꞌ noꞌhuitënquëma anaꞌintëranquëmaꞌ. Co máquëma tëranta noyatërinso yaꞌhuërinhuëꞌ. Motëma quëran nantëranëmaquë huarëꞌ, piꞌniosáchin pochin, pomato pomato toconinso pochin, taꞌtaráchin niconinso pochin, niconamaꞌ. Naporamasoꞌ, co inso tëranta nonëninquëmahuëꞌ. Co tomaquë tëranta pashitatënënquëma asanorinënquëmahuëꞌ. Inapoatoma co huachi manta chiniramahuëꞌ.

Daniel 5:22

Tata naporinso quëmanta sinioro copirno nitotaponahuëꞌ, co cancan yonquiaton sano yonquiranhuëꞌ.

Números 14:27

—Israiroꞌsa co noyahuëꞌ cancantatonaꞌ, naꞌcon pinorinaco niꞌton, ¡co huachi ahuantërahuëꞌ! Yaꞌipi pinorinacosopita nani natanahuë.

Romanos 2:4

Yosë nosororinpoasoꞌ co noꞌtëquën yonquiramahuëꞌ. “Co aꞌnaroáchin noꞌhuirinpoahuëꞌ,” taꞌtomaꞌ, co noyahuëꞌ ninamaꞌ. Tëhuënchachin co aꞌnaroáchin anaꞌintërinquëmahuëꞌ. “Oshaquëran co noyahuëꞌ yonquipisopita naniantaponaꞌ nimara,” taꞌton, ninarárin.

Hebreos 12:25

Napoaton Quisocristo nanamën noya natancoꞌ. Ama piꞌpian tërantaꞌ aꞌpocosohuëꞌ. Pënëntërinso nanan shaꞌhuitohuachinara, aꞌnaquën co yanatëtopihuëꞌ niꞌton, aꞌnaroáchin anaꞌintërin. Quisocristo nanamënsoꞌ noya noya niꞌton, ina naniantohuatëhuaꞌ, aquë aquëtëꞌ anaꞌintinpoasoꞌ yaꞌhuërin. Inasoꞌ inápa quëran pënëninpoaꞌ.

Santiago 4:10

Yaꞌipinquëmaꞌ, aꞌnaya aꞌnayanquëmaꞌ, Yosë chachin niꞌsárinquëmaꞌ. “Caora Sinioro co nanitërahuëꞌ noya nicaꞌhuasoꞌ. Catahuaco,” topatamaꞌ, anoyacancantarinquëmaꞌ. Ina pochin cancantohuatëhuaꞌ, noya noya acoarinpoaꞌ.

1 Pedro 5:6

Parisitapomarahuëꞌ, ama Yosë noꞌhuicosohuëꞌ. Chiníquën nanantaton, niꞌsárinquëma niꞌton, natëcoꞌ. Ina noya yonquihuatamaꞌ, tahuëri nanihuachin, noya noya acoarinquëmaꞌ.