Éxodo 10:25 - Chayahuita (Shahui)

^25-26 —Co naporinhuëꞌ. Ohuacanëhuëipita, ohuicanëhuëipita, inapitanta quëpaꞌhuaiso yaꞌhuërin. Co nitochátëraraihuëꞌ onposona Yosë marëꞌ tëpaꞌhuaisoꞌ. Canconpatoi, inaquë Yosë shaꞌhuitaponcoi. Naporahuaton, canpitanta pëꞌtahuanëma quëtamacoiso yaꞌhuërin. Yosë chinotatoi tëpaꞌhuaiso marëꞌ quëtaramacoi, itërin.

Éxodo 10:25 ပူးပေါင်းရင်းမြစ်များ

Génesis 8:20

Nani pipihuachinara, Noiso aꞌnara artaro ninin. Yosë chinotacaso marëꞌ maꞌsharoꞌsa tëpacaiso nipisopita masahuaton, tëparin. Anpiantëhuanoꞌsantaꞌ, manin. Aꞌnaya aꞌnaya nisha nisha nipisopita quëran tëparin. Tëparahuaton, Sinioro chinotacaso marëꞌ artaro aipi yaꞌipi ahuiquitërin.

Éxodo 10:24

Naporoꞌ copirnosoꞌ, Moisësë amataantarin. Huëꞌpachina itapon: —Paco nipachin Yosënëma chinotocoꞌ. Huaꞌhuaroꞌsanta quëpacoꞌ. Napoaponahuëꞌ, ama ohuacanëmaꞌ, ohuicanëmaꞌ, inapitaso quëpacosohuëꞌ, itërin.

Éxodo 20:24

Chinotamacoso marëꞌ artaro yanipatamaꞌ, noꞌpa quëran nicoꞌ. Inaquë oshanëma marëꞌ pëꞌtahuanëmaꞌ tëparamasoꞌ, yaꞌipi ahuiquitocoꞌ. Nanan anoyatërëhuaso marënta tëparamasoꞌ, inaquë chachin piꞌpian ahuiquitocoꞌ. Insëquësona chinotamacoso huayonahuëquë inapohuatamaꞌ, noya niꞌsaranquëmaꞌ. Oꞌmarahuato, nani maꞌsha ninamaquë catahuamiataranquëmaꞌ.

Levítico 16:9

Insosona chipo ca marëꞌ nininsoꞌ capainchinpachin, Aaroni quëcaton aꞌnotaponco. Ina piquëran israiroꞌsa oshanën inquitaꞌhuaso marëꞌ inari chachin tëpapon.