Éxodo 10:2 - Chayahuita (Shahui)

² Iquipitoroꞌsa inapotohuato, huiꞌnamapita, shaꞌhuitohuatamaꞌ nitotapi huachi. Shiparimapitanta nitotaponaꞌ. Iquipitoroꞌsaso chinitapirinacohuëꞌ, cariso nipirinhuëꞌ, mona poꞌmotato paꞌpi huëhuëpiro nininsopita anaꞌintaꞌhuaso marëꞌ acorahuë: ‘Tëhuënchachin inaso Sinioro, israiroꞌsanpoa chinotërëhuasoꞌ,’ taꞌcamaso marëꞌ napotarahuë,” itërin.

Éxodo 10:2 ပူးပေါင်းရင်းမြစ်များ

2 Samuel 7:22

Quëmaso Sinioro, Yosënquën. Chini chiníquën nanantëran. ¡Ma nóyacha quëmasoꞌ ninan paya! Shimashonëhuëipita yáshaꞌhuitërinacoi: ‘Co insonta ina pochin yaꞌhuërinhuëꞌ. Co aꞌna yosë tëranta ina pochin nininhuëꞌ,’ itërinacoi.

Éxodo 14:4

Ca nohuanton co natantochináchinhuëꞌ cancantaton, imaquiarinquëmaꞌ. Napoaponahuë imaquihuachinquëmaꞌ, sontaronënpita huëntonënë chachin ataꞌhuantarahuë. Inapotohuato, Sinioroco ninahuëso yaꞌipi iquipitoroꞌsa nitotapi,” itërin. Yosë camaitërinso chachin israiroꞌsa nipi.

Éxodo 8:6

Moisësëri shaꞌhuitohuachina, Aaronso yaꞌipi iiroꞌsa yaꞌhuërinquë huaranën ihuërin. Ina iiroꞌsa quëran huarira pipirahuatonaꞌ, yaꞌipi Iquipito roꞌtë yanquëëtërin.

Joel 1:3

Ipora niꞌsaramasoꞌ, canpitanta huiꞌnamapita shaꞌhuitocoꞌ. Inapitantaꞌ, huiꞌninapita shaꞌhuichinaꞌ. Shiparimapita piquëran huaꞌhuatopisontaꞌ, shaꞌhuichinaꞌ.

Efesios 6:4

Canpitantaꞌ iyaroꞌsaꞌ, huiꞌnamaꞌ noya pënëncoꞌ. Ama apira apira noꞌhuicosohuëꞌ. Apira apira noꞌhuihuatamaꞌ, co natantochináchinhuëꞌ cancantaponaꞌ. Co noyahuëꞌ nipachinaꞌ, sanoanan quëran pënëncoꞌ noya nicacaiso marëꞌ. Yosë nanamën noya aꞌchintocoꞌ Quisocristo imainaꞌ.

Deuteronomio 4:9

Niꞌcona nani maꞌsha niꞌnamasopita naniantotamaꞌ. Aꞌchintëranquëmasopitanta yonquirácoꞌ. Ipora aꞌchintëranquëmasopita ama naniantatomarahuëꞌ, huiꞌnamapitanta aꞌchintocoꞌ. Shiparimapitanta inapotocoꞌ,” itërin.