Éxodo 10:18 - Chayahuita (Shahui)

^18-19 Ina natanahuatonaꞌ, copirno pëinën quëran pipipi. Pipirahuaton Moisësë copirno marëꞌ Yosë nontërin. Napohuachina Yosë nohuanton panca ihuan paantarin. Piꞌi yaꞌconinso parti quëran huëꞌsahuaton, yaꞌipi sëquërëꞌ quiquirin. Quëhuaiꞌ marëꞌpaꞌ tëꞌyaitërin. Co aꞌnaya tëranta Iquipitoquë acorinhuëꞌ.

Éxodo 10:18 ပူးပေါင်းရင်းမြစ်များ

Éxodo 8:12

Moisësë, Aaron, inapita copirno pëinën quëran pipipi huachi. Ina quëran huariraroꞌsa aꞌparinso noquitacaiso marëꞌ Moisësë Yosë nontërin.

Éxodo 8:8

Copirnoso nipirinhuëꞌ, Moisësë, Aaron, inapita amatahuaton itapon: —Sinioro nontoco huariraroꞌsa inquichincoi, co huachi ahuantëraihuëꞌ. Inquitohuachincoi naporo huarëꞌ ina chinotacaso marëꞌ israiroꞌsa aꞌparahuë, itërin.

Éxodo 8:9

Napotohuachina: —Noyapaꞌ. Shaꞌhuitoco nipachin onporota nohuantëran canpita marëꞌ Yosë nontaꞌhuasoꞌ. Ina nontohuato, huariraroꞌsa quëran anaꞌintërinquënsoꞌ, copi tapon. Catahuarinquënsopita huaꞌanoꞌsaꞌ, piyapinënpita, inapitanta copi taꞌpapon. Iꞌquëráchin yaꞌhuaponaꞌ, itërin Moisësëri.

Números 11:2

Ina niꞌsahuatonaꞌ, chiníquën Moisësë nontopi. Moisësënta inahua marëꞌ Sinioro nontohuachina, ina nohuanton aꞌnaroáchin pën tacopirin.

Mateo 5:44

Nipirinhuëꞌ carimaꞌ shaꞌhuichinquëmaꞌ. Inimiconëmapitantaꞌ iyaroꞌsaꞌ, nosorocoꞌ. Aparisitopirinënquëmaontaꞌ, nosorocasoꞌ yaꞌhuërin. Inapita marëntaꞌ noya Yosë nontocoꞌ inahuantaꞌ catahuain.

Lucas 6:28

Pinopirinënquëmaontaꞌ, noya nontocoꞌ. Co quëꞌyapirinënquëmaontaꞌ, ama noꞌhuicosohuëꞌ. Yosë nontocoꞌ inahuantaꞌ catahuain.