Éxodo 10:15 - Chayahuita (Shahui)

¹⁵ Sëquërësáchin niꞌton, co huachi noꞌpaꞌ quënanpihuëꞌ. Yaꞌipi sharoꞌsaꞌ, yaꞌipi nitopisoꞌ, inapita pëꞌyarin. Ocai quëran chaꞌëpirinahuëꞌ, sëquërëri pëꞌyamiatërin huachi.

Éxodo 10:15 ပူးပေါင်းရင်းမြစ်များ

Éxodo 10:12

Aꞌpapirinahuëꞌ, Yosëriso Moisësë itapon: “Huara sëꞌquëran quëran, sëquërëroꞌsa huëcacaiso marëꞌ camaiquëꞌ. Huëꞌpachinaꞌ, yaꞌipi Iquipito roꞌtëquë nararoꞌsaꞌ, sharoꞌsaꞌ, inapita ocai chaꞌëtërinso pëꞌyainaꞌ,” itërin.

Éxodo 10:5

Yaꞌipi yaꞌhuëramaso parti naꞌatarinquëmaꞌ. Sharoꞌsaꞌ, nararoꞌsaꞌ, inapita iꞌhua ocai chaꞌëtërinsoꞌ, pëꞌyatarinquëma huachi.

Joel 1:4

Yaꞌhuërëhuaso noꞌpaquë sëquërëꞌ huëꞌsahuaton, yaꞌipi cosharo pëꞌyatërinpoaꞌ. Nisha nisha nipisopitari niyaꞌhuërëton huëcatonaꞌ, napotërinënpoaꞌ.

Joel 2:25

Ina quëran Sinioro taantarin: “Sëquërëroꞌsa aꞌpatáponquëmaꞌ, naꞌa piꞌipi co manta manamahuëꞌ. Inapitasoꞌ sontaroꞌsa huënton ataꞌhuantacaiso marëꞌ aꞌpapiso pochin carima aꞌpatëranquëmaꞌ. Ina piꞌipiroꞌsaquë co manta manamasohuëꞌ iꞌhuërëtaꞌhuanquëmaso marëꞌ naꞌcon naꞌcon quëtaantaponquëmaꞌ.

Amós 7:2

Ina quëran sëquëroroꞌsasoꞌ, sharoꞌsaꞌ, pacatoroꞌ, inapita pëꞌyarantararin. Naporahuachinara: —Sinioro, tëhuënchachin oshahuanpiraihuëꞌ, oshanëhuëi inquitocoi. Israiroꞌsa inapotaton anaꞌintohuatan, co chiniapihuëꞌ. Huaꞌhuaroꞌsa pochin nisapi nichinapon chachin taꞌhuantaponaꞌ, itërahuë ina nontato.

Números 22:5

Napoaton copirnosoꞌ, piyapinënpita Pitor ninanoquë aꞌparin. Paramo macontacaiso marëꞌ aꞌparin. Inasoꞌ, Pioro huiꞌnin. Pitor ninanontaꞌ, Amapi roꞌtëquë yaꞌhuërin. Iopiratisiiꞌ yonsanquë. Paracori piyapinënpita camairin Paramo napotacaisoꞌ: “Iquipito quëran notohuaroꞌ piyapiꞌsa pipirahuatonaꞌ, yaꞌipi yaꞌhuërai roꞌtëquë yaꞌsoipi. Iporaso yaꞌhuërahuë ninano notënanquë chachin, yaꞌhuëintarapi.