Éxodo 10:1 - Chayahuita (Shahui)

¹ Yosëri Moisësë itaantapon: “Paaton copirno niꞌcoantaquëꞌ. Nani maꞌsha nanitapato paꞌpi huëhuëpiro nininsopita acoarahuë ina anaꞌintaꞌhuaso marëꞌ. Ca nohuanton inasoꞌ, catahuarinsopita huaꞌanoꞌsarë chachin co natantochináchinhuëꞌ cancantapi.

Éxodo 10:1 ပူးပေါင်းရင်းမြစ်များ

Éxodo 10:20

Napoaponahuëꞌ, Yosë nohuanton copirno co natantochináchinhuëꞌ cancantërin. Ina pochin cancantaton co israiroꞌsa yaaꞌparinhuëꞌ.

Éxodo 3:20

Chiníquën nanantato, maꞌsha paꞌpi huëhuëpiro nininsopita aꞌnoarahuë. Iquipitoroꞌsa ataꞌhuantochináchin anaꞌintarahuë. Naporo huarëꞌ aꞌparinquëma huachi.

Éxodo 4:21

Coꞌhuara Iquipitoquë canshátërasohuëꞌ, Yosëri nani shaꞌhuitërin: —Iquipitoquë canpatan, copirno niꞌtonënquë huaranën quëran nani maꞌsha paꞌpi huëhuëpiro nininsopita niquëꞌ. Inanta chiníquën nanantërahuësoꞌ, nitotacaso marëꞌ inapoquëꞌ. Ca nohuanto co natëponquënhuëꞌ. Co natëtënquënhuëꞌ co israiroꞌsa yaaꞌpaponhuëꞌ.

Éxodo 9:12

Napoaponahuëꞌ, Yosë nohuanton co copirno nanitërinhuë Moisësë, Aaron, inapita natëcasoꞌ. Moisësë napotërinso chachin ninin.

Éxodo 9:16

Napoaponahuëꞌ, quëmaso ca nohuanto nanpiaran. Nani acoranquën chiníquën nanantërahuësoꞌ, aꞌnotaꞌhuanquënso marëꞌ. Anaꞌintëranquënsoꞌ nitotohuachinaꞌ, yaꞌipi parti nahuinarahuë huachi.

Juan 12:40

“Yosëri tananpitërin niꞌton, tanshirëso pochin cancantatonaꞌ, co natëtochináchinhuëꞌ cancantopi. Huaꞌquiꞌ co yanatëpihuëꞌ niꞌton, napotërin. Noya niꞌpi naporini, quënanchitonahuëꞌ. Noya natanpi naporini, natëchitonahuëꞌ. Imarinaco naporini, anoyacancanchitohuëꞌ,” tënin.

Romanos 9:17

Iráca Iquipito copirnosoꞌ co noyahuëꞌ cancantopirinhuëꞌ, Yosëri huayonin huaꞌanëntacaso marëꞌ. “Piyapinëhuëpita huaꞌanëntopiranhuëꞌ, nichaꞌësarahuë noya pipicaiso marëꞌ. Ina quëran naꞌa piyapiꞌsaꞌ nicatonaꞌ, ‘Ma noyacha Yosësoꞌ nanitaparin paya. Copirno co nohuantopirinhuëꞌ, piyapinënpita nichaꞌërin,’ tosapi,” tënin. Quiricanën quëran shaꞌhuitërinpoaꞌ.

Romanos 9:18

Inaora nohuanton, aꞌnaquën nosororin. Aꞌnaquënso nipirinhuëꞌ tananpitërin. Tananpitohuachina, co natantochináchinhuëꞌ cancantopi.

1 Samuel 4:8

Inasoꞌ Yosë, chini chiníquën nanantërin. Inari iquipitoroꞌsa inotëro parti ataꞌhuantërin. Nisha nisha maꞌsha onpotaton tiquirin. ¿Inta iporasoꞌ ina quëran nichaꞌëinpoa? ¡Maꞌhuantacha canpoasoꞌ nisarëhua paya!