Éxodo 1:8 - Chayahuita (Shahui)

⁸ Huaꞌqui quëran nasha copirno Iquipitoquë huaꞌanëntërin. Cosisoꞌ, nani iráca chiminin niꞌton, naporinso co nitotërinhuëꞌ. Napoaton co israiroꞌsa nosoroatonhuëꞌ, piyapinënpita itapon:

Éxodo 1:8 ပူးပေါင်းရင်းမြစ်များ

Salmos 105:25

Napoaponahuëꞌ, ina nohuanton chachin iquipitoroꞌsari shimashonënpoapita inimicotopi. Nonpintatonaꞌ, sacatopiso marëꞌ co pahuërëpihuëꞌ. Yosë piyapinënpita nipirinahuëꞌ, inapotopi.

Éxodo 3:7

Napoaponahuëꞌ, Yosëri aquëtë chachin shaꞌhuitaantarin: —Piyapinëhuëpita israiroꞌsa itopisoꞌ, Iquipitoroꞌsari chiníquën asacatatona aparisitomiatapi. Sacato huaꞌanoꞌsari, ahuëanaquëranchin asacatapi. Napoaton catahuaꞌhuaso marëꞌ chiníquën nontërinaco. Ina natanato, inapita nichaꞌëcaꞌhuaso marëꞌ oꞌmarahuë. Iquipitoroꞌsari huaꞌanëntopirinahuëꞌ, ocoirahuato panca noꞌpaꞌ nininquë quëparahuë. Inaquësoꞌ, co manta pahuaninhuëꞌ. Iporasoꞌ inaquë: Cananoꞌsaꞌ, itiroꞌsaꞌ, amororoꞌsaꞌ, huirisëroꞌsaꞌ, iporoꞌsaꞌ, quiposoroꞌsaꞌ, inapita yaꞌhuërapi. Ina huëntonoꞌsasoꞌ, co chinotërinacohuëꞌ.

Hechos 7:18

Napoin quëran Iquipito parti nisha copirno yaꞌconin. Cosisoꞌ iráca chiminin niꞌton, co nohuitërinhuëꞌ.

Hechos 7:19

Cosi naporinsoꞌ co nitotërinhuëꞌ niꞌton, nonpintaton, israiroꞌsaꞌ aparisitërin. Ahuihuitahuaton, chiníquën asacatërin. Naporahuaton: “Quëmapiaꞌhua nasitohuachin, aipiran tëꞌyatocoꞌ chimiin,” itërin.

Deuteronomio 26:6

Napoaton iquipitoroꞌsasoꞌ: “Minsëhuachinënpoaꞌ,” taꞌtonaꞌ, aparisitërinacoi. Co quëꞌyatonacoirahuëꞌ, chiníquën asacatërinacoi.