Éxodo 1:16 - Chayahuita (Shahui)

¹⁶ —Israironoꞌsa huaꞌhua iquitohuachinaꞌ, noya niꞌcoꞌ. Sanapiaꞌhuaya nipachin, noya nanpiꞌin. Quëmapiaꞌhuaso nipirinhuëꞌ, ¡tëpacoꞌ! itërin.

Éxodo 1:16 ပူးပေါင်းရင်းမြစ်များ

Salmos 105:25

Napoaponahuëꞌ, ina nohuanton chachin iquipitoroꞌsari shimashonënpoapita inimicotopi. Nonpintatonaꞌ, sacatopiso marëꞌ co pahuërëpihuëꞌ. Yosë piyapinënpita nipirinahuëꞌ, inapotopi.

Éxodo 1:15

Naporo tahuëriꞌsa Iprio sanapiꞌsa huaꞌhua iquitohuachinara, cato sanapiꞌsari catahuarin. Ina sanapiꞌsasoꞌ: Poa, Sihuira, inapita itopi. Copirnori inapita përasahuaton, itapon:

Éxodo 1:22

Huaraonso nipirinhuëꞌ, piyapinënpita itapon: “Israiroaꞌhuaroꞌsa quëmapiaꞌhuaya nasitohuachin, iꞌquë tëꞌyaitoco chimiichin. Sanapiaꞌhuaroꞌsaso nipirinhuëꞌ, noya nanpiꞌinaꞌ,” itërin.

Mateo 21:38

Yaꞌcaritërasoꞌ, inpriatoroꞌsari quënanpi. ‘Niꞌcochi. Huiꞌnin chachin huëꞌsarin huachi. Paꞌpin chiminpachin, iso noꞌpa chachin huaꞌanëntapon. Huëcoꞌ tëpaꞌahuaꞌ yaꞌipi maꞌshanënpita matahuaꞌ,’ nitopi.

Hechos 7:19

Cosi naporinsoꞌ co nitotërinhuëꞌ niꞌton, nonpintaton, israiroꞌsaꞌ aparisitërin. Ahuihuitahuaton, chiníquën asacatërin. Naporahuaton: “Quëmapiaꞌhua nasitohuachin, aipiran tëꞌyatocoꞌ chimiin,” itërin.

Hebreos 11:23

Ina quëran Iquipito copirnori piyapinënpita camairin: “Israiro sanapiꞌsaꞌ huaihuachinaꞌ, quëmapiaꞌhuaya nipachin, tëpacoꞌ,” itërin. Napopirinhuëꞌ, Moisësësoꞌ nasitohuachina, aꞌshini co nohuantërinhuëꞌ huaꞌhuin chiminacasoꞌ. Yosë natëton, co copirno tërantaꞌ tëꞌhuatërinhuëꞌ. “Iso huaꞌhuahuësoꞌ noya,” itërin soꞌin nontaton. Cara yoqui noya poꞌopi.

Apocalipsis 12:4

Huinamën quëran inápaquë huihuicontahuachina, tayoraroꞌsaꞌ aꞌtëntontarahuaton, isoroꞌpaquë tëꞌyatimarin. Patoma pochin tëꞌyatimarin. Ina quëran huaꞌnarëso pochin quënantarahuë. Panca yaꞌhuan pochin nininsoꞌ paꞌnin. Sanapi notënanquë huaniarin. “Huaihuachin, huaꞌhuin matahuato, caꞌsarahuë,” taꞌton, ninararin.