Éxodo 1:10 - Chayahuita (Shahui)

¹⁰ Iporaso ama aquëtë naꞌacaiso marëhuëꞌ, paꞌahua maꞌsona tëranta onpotatëhua yaꞌcopiaꞌahuaꞌ. Coꞌsoꞌ inapotohuatëhuahuëꞌ, aquëtë chachin naꞌaponaꞌ. Inimicoroꞌsa yaahuëpachinënpoaꞌ, ina inahuanta catahuatohuachinaꞌ, minsëarinënpoaꞌ. Inapoatona patohuachinënpoaꞌ, co huachi piyapihuanarëhuahuëꞌ,” itërin.

Éxodo 1:10 ပူးပေါင်းရင်းမြစ်များ

Copo naporinso' 5:13

Yonquinahuanoꞌsasoꞌ, yamonatopi. Napopirinahuëꞌ, Yosëso yonqui yonquínahuan niꞌton, minsëaton atapanarin. Piyapiꞌsa maꞌsha onpotacaisoꞌ yonquipirinahuëꞌ, Yosëri yonquipiso tapiarin.

Salmos 105:25

Napoaponahuëꞌ, ina nohuanton chachin iquipitoroꞌsari shimashonënpoapita inimicotopi. Nonpintatonaꞌ, sacatopiso marëꞌ co pahuërëpihuëꞌ. Yosë piyapinënpita nipirinahuëꞌ, inapotopi.

Proverbios 1:11

Yanonpintatënën: “Huëquë paꞌa quëmantaꞌ, piyapi toꞌshitatëhua tëpaꞌahuaꞌ. Co manta yonquiasoihuëꞌ inapotahuaꞌ.

Números 22:6

Chini chiníquënoꞌsa niꞌton, maꞌshátërahuë quiyasoꞌ canaponacoi. Napoaton aꞌnaroáchin huëcaton, ama huachi noya yaꞌhuëcaiso marëhuëꞌ quëmari shaꞌhuitiiquëꞌ. Quëmasoꞌ noya yaꞌhuëcaiso marëꞌ shaꞌhuitohuatana, ina inachachin ninin. Naporahuaton ama huachi noya yaꞌhuëcaiso marëhuëꞌ shaꞌhuitohuatanantaꞌ, ina inachachin ninin. Quëmari inapotohuatan, tapona minsërahuatoi, yaꞌhuërai quëran yaaꞌparai,” itocoꞌ, itërin.

Hechos 23:12

Tahuëririnquë aꞌnaquën cotioroꞌsaꞌ chinotopi Paono tëpacaisoꞌ. “Ama huachi caꞌahuasohuëꞌ. Ama oꞌoahuasohuëꞌ. Paono tëpaquë huarëꞌ caꞌahuaꞌ. Co tëparihuarahuëꞌ caꞌpatëhuaꞌ, Yosë anaꞌinchinpoaꞌ,” nitopi.

Hechos 7:19

Cosi naporinsoꞌ co nitotërinhuëꞌ niꞌton, nonpintaton, israiroꞌsaꞌ aparisitërin. Ahuihuitahuaton, chiníquën asacatërin. Naporahuaton: “Quëmapiaꞌhua nasitohuachin, aipiran tëꞌyatocoꞌ chimiin,” itërin.