Esdras 6:6 - Chayahuita (Shahui)

^6-7 Ina natanaton Tario copirnosoꞌ, huaꞌanoꞌsa Iopiratisiiꞌ aquëtëran yaꞌhuëpisopita quirica aꞌpatërin. Iso pochin aninshitahuaton aꞌpatërin: “Tatinai, Sitaro-posnai, canpitaso piꞌi yaꞌconinso parti noꞌpaquë, chirinchi yaꞌconamaꞌ. Aꞌnapita chirinchiroꞌsanta inaquë yaꞌhuëpisoꞌ, yonquiato, yaꞌipinquëma ninshitaranquëmaꞌ: Iꞌhua chachin ninshitatomaco natanamaco: ‘¿Tëhuënchachin Siro copirno nanan yoꞌnin, Yosë chinotacaso pëi Quirosarinquë niantacaisoꞌ?’ itëramaco. Noꞌtëquën mini. Napoaton ipora canpitasoꞌ, ina pëi nisapisopita yaꞌhuincananpicoꞌ. Cotioroꞌsa chirinchinënaꞌ, ansianoroꞌsaꞌ, piyapinënapita inapitari Yosë chinotacaso pëi niantaꞌinaꞌ. Iráca yaꞌhuërinquë chachin acoinaꞌ.

Esdras 6:6 ပူးပေါင်းရင်းမြစ်များ

Génesis 32:28

Naporoꞌ ina quëmapirisoꞌ itapon: —Co huachi Cacopo itarinënhuëꞌ. Ipora quëran huarëꞌ Israiro itarinën. Yosë chinitëran, piyapiꞌsanta chinitëran. Chinitaton canatëran niꞌton, ina pochin nohuitarinën, itërin.

Génesis 43:14

Yosë yaꞌipi nanitaparinsoꞌ nontarahuë catahuainquëmaꞌ. Ina nohuanton huaꞌan nosoroꞌinquëmaꞌ. Simionta nosoroaton ocoiꞌin. Naporahuaton, Mincanta aꞌpaintaꞌin. ¡Canta co huiꞌnahuan mashoco pochin quëparitaꞌhuaso Yosë nohuantohuachin, inapoꞌi nipachin! itërin.

Esdras 6:13

Napotohuachina, ina huaꞌanoꞌsasoꞌ copirno Tario camaitërinso chachin yaꞌipi nipi.

Nehemías 1:11

Onpopionta Sinioro nontëranquënsoꞌ natanco. Aꞌnapita piyapinënpitantaꞌ, nontarinënsoꞌ natanquëꞌ. Quiyasoꞌ paꞌyataꞌhuainquënsoráchin cancantarai. Copirno yanontërahuë. Nontohuato, quëma nohuanton noya natanatonco catahuainco,” itërahuë.

Romanos 8:31

Ina pochin Yosë yonquirinpoaꞌ niꞌquëhuarëꞌ, co insonta nanitërinhuë minsëinpoasoꞌ.