Esdras 6:5 - Chayahuita (Shahui)

⁵ Iráca Napocotonori Yosë chinotacaso pëi quëran, nisha nisha maꞌsharoꞌsa ohuarapisoꞌ ocoirin. Ocoirahuaton, Papironiaꞌpaꞌ quëparin. Inapitantaꞌ, naquëranchin Quirosarinquë quëpanantaꞌinaꞌ. Yaꞌhuërinquë chachin yaꞌhuëantacaso marëꞌ inapochinaꞌ, tënahuë,” tënin.

Esdras 6:5 ပူးပေါင်းရင်းမြစ်များ

2 Reyes 24:13

Ina piquëran Napocotonosoꞌ, Yosë chinotacaso pëiquë paꞌton nininsopita manin. Copirno huaꞌanëntërinso pëiquëntaꞌ, naporin. Naporahuaton iráca Saromon copirno Yosë chinotacaso pëiquë oro quëran Sinioro marëꞌ anitërinsopita yaꞌipi paꞌquirin. Siniorori inapotacaiso shaꞌhuitërinso chachin ninin.

Daniel 1:2

Sinioro nohuanton Napocotonosoꞌ canatahuaton, Coaquin manin. Yosë pëinënquë nisha nisha ohuarapisonta yaꞌhuërinsoꞌ, patoma naꞌcon manin. Inapita macaton yaꞌhuërinquë quëparin. Mamanshinënpita moshapiso pëiquë acoonin. Paꞌton nininsopita tapapiquë acorin. Coaquinta israiroꞌsarë chachin inátohua asacatacaiso marëꞌ quëparin.

Daniel 5:2

Noꞌpiton copirnosoꞌ, oro, prata, inapita quëran Yosë marëꞌ minëroꞌsa nipisoꞌ, quëshicaiso camaitërin. Ina minëroꞌsasoꞌ, Quirosarin quëran Napocotonori iráca quëntarin. Quëshihuachinara, inapitaquë huino oꞌorin. Saꞌinpita, cosonanënpita, huaꞌanoꞌsa amatërinsoꞌ, yaꞌipi inapitanta inaquë oꞌopi.