Esdras 6:14 - Chayahuita (Shahui)

¹⁴ Inapoatonaꞌ, cotio huaꞌanoꞌsasoꞌ tëniaquë huarëꞌ sacatopi. Ito huiꞌnin Sacariasë pënëntonaꞌpi Sinioro nohuanton shaꞌhuirinso chachin nipi. Aquio pënëntonaꞌpintaꞌ, inachachin shaꞌhuirin. Isopita Pirsia copirnoroꞌsanta camaitopiso chachin tënipi: Siro, Tario, Artaquirquisë, inapita.

Esdras 6:14 ပူးပေါင်းရင်းမြစ်များ

Esdras 3:8

Soropapiro, Cosoi, corto huaꞌanoꞌsaꞌ, nihuiroꞌsaꞌ, yaꞌipi huënantapisopita, inapita Sinioro chinotacaso pëi niantacaisoꞌ caniaritaantapi. Canquintapi quëran huarëꞌ nani aꞌna piꞌi cato yoqui nisarin. Nihuiroꞌsa cato shonca naꞌcon piꞌipitopisoꞌ, huaꞌanoꞌsa pochin sacato camaitacaiso marëꞌ acopi.

Esdras 6:3

“Siro copirno yaꞌconinso piꞌiquë chachin, Yosë chinotacaso pëi nicacaiso marëꞌ nanan yoꞌnin. Inaso pëiꞌ, Quirosarinquë yaꞌhuërin. Nani iráca yaꞌhuëpirinhuëꞌ ohuatopi niꞌton, inaquë chachin acoantacaiso yaꞌhuërin. Inaquë maꞌsharoꞌsa tëpatonaꞌ, Yosë chinotacaiso marëꞌ nisapi. Iso pochin acocaiso camaitërin: Simintonën noya acorahuatonaꞌ, caniarichinaꞌ. Inaparinsosoꞌ, cato shonca canchisë mitro yaꞌhuëtarin. Pancatërinsontaꞌ, nápo chachin pancanachin. Cara panshin panca naꞌpiroꞌsa quëran acoinaꞌ. Naporahuaton aꞌna panshinaꞌ, nasha nontë quëran acoꞌinaꞌ. Ina acocaiso marëꞌ coriqui taparahuë quëran pahuërëchinaꞌ.

Esdras 6:8

Ina marëꞌ canpitanta isopoamaso yaꞌhuërin: Cotio ansianoꞌsa ina pëi nisapisopita, canpitarinta catahuamaso yaꞌhuërin. Yaꞌhuërama parti camaitërahuësoꞌ, pahuërëárinaco. Ina coriqui yaꞌhuërin quëran, maꞌpitamarësona nohuantohuachinaꞌ, aꞌnaroáchin quëtocoꞌ. Ama sacatapiso tananpitacaiso marëhuëꞌ, inapotocoꞌ.

Esdras 7:1

Huaꞌqui quëran aꞌna yaꞌhuërëꞌ, Pirsia parti huaꞌanëntaantarin. Inasoꞌ, Artaquirquisë itopi. Ina huaꞌanëntasoꞌ, aꞌnara Nihui huënton quëmapi yaꞌhuërin. Inasoꞌ, Istrasë itopi. Paꞌpinsoꞌ, Siraiasë itopi. Inanta paꞌpin Asariasë itopi. Ina paꞌpionta Iriquiasë.

Isaías 44:28

Cari Pirsia copirno Siro itopiso shaꞌhuitërahuë: ‘Ohuicanëhuëpita huaꞌanën pochin nicacamaso marëꞌ carinquën acoranquën. Maꞌsona nohuantërahuëso quëma nisaran,’ itërahuë. Quirosarinta shaꞌhuitërahuë: ‘Quëmaso ataꞌhuantopirinënquënhuëꞌ, naquëranchin anoyataantarinën,’ itërahuë. Chinotëramacoso pëinta shaꞌhuitatë pochin: ‘Naquëranchin simintonën acotaantaponën,’ itërahuë,” tënin.