Esdras 6:11 - Chayahuita (Shahui)

¹¹ Isontaꞌ, camaitërahuëso natëcoꞌ: Insosona iso camaitërahuësopita co natëtohuachinahuëꞌ, anaꞌintocoꞌ. Pëinënquë huica yaꞌhuërinso pishointocoꞌ. Inapotahuatoma ahuanicoꞌ. Ina ahuaniramaquë, inapa quëran pitacoꞌ. Inapotohuatamaꞌ, yaꞌhuarataton chiminapon. Naporahuatoma pëinëonta ohuatoco yamoraꞌin.

Esdras 6:11 ပူးပေါင်းရင်းမြစ်များ

Esdras 7:26

Insosona Yosë pënëntërinsohuë nipon, ca pënëntërahuësohuë nipon, co natëhuachinahuëꞌ, tëpaꞌinaꞌ. Naꞌin naꞌinpiro nipachinaꞌ, inapochinaꞌ. Co onpopinchin tëhuëhuachinahuëꞌ, yaꞌhuërin quëran ocoirahuatonaꞌ, aꞌna noꞌpaquë tëꞌyachinaꞌ. Pahuërëchinahuë nipon, tashinan pëiquëchinahuë nipon, inapochina tënahuë,” tënin ninshitaton.

Daniel 2:5

—Huaꞌnarahuësonta shaꞌhuitatomaco, maꞌsona tapon naporinso shaꞌhuitamacoso yaꞌhuërin. Coꞌsoꞌ shaꞌhuitohuatamacohuëꞌ, tëparahuatënëma yaquiarinënquëmaꞌ. Pëinëmanta amoro tëꞌyatacaiso marëꞌ yaꞌhuëapon.

Daniel 3:29

Napoaton inso tëranta isopita huiꞌnapiꞌsa Yosë chinotopiso pinopachin, tëpaꞌinaꞌ. Inapotahuatona yaquiꞌinaꞌ. Pëinëonta amoro tëꞌyatacaiso marëꞌ yaꞌhuëapon. Intohuasona yaꞌhuëpirinahuë tërantaꞌ, inapochinaꞌ. Ma nananquësona nonpachinantaꞌ, inapotacaiso yaꞌhuërin. Co aꞌna yosë ina pochin nichaꞌëcaso nanitërinhuëꞌ niꞌton, inapochinaꞌ,” tënin.