Esdras 6:10 - Chayahuita (Shahui)

¹⁰ Inapotohuatamaꞌ, Yosë inápaquë huaꞌanëntërinso noya chinotapi. Ina marëꞌ maꞌsha tëparahuatonaꞌ, ahuiquitapi. Naporahuaton ca marëntaꞌ, Yosë nontapi. Huiꞌnahuëpita marëntaꞌ, Yosë nontapi.

Esdras 6:10 ပူးပေါင်းရင်းမြစ်များ

Génesis 8:21

Maꞌsharoꞌsa ahuiquitërinso pimóchin imërahuaton, Yosëri nóya niꞌnin. Naporoꞌ inaso tapon: “Huaꞌhuatapona quëran huarëꞌ piyapiꞌsaꞌ, co noyahuëꞌ nicacaisoráchin cancantopi. Inaso niponahuëꞌ, co huachi ipora anaꞌintërahuëso pochin, isoroꞌpaꞌ anaꞌintaantapohuëꞌ. Co huachi maꞌsharoꞌsanta inapotapohuëꞌ.

Esdras 1:2

“Caso Siroco. Pirsia copirnoco niꞌto, napotaranquëmaꞌ. Siniorosoꞌ Yosë niꞌton, inápaquë huaꞌanëntërin. Ina acorinco nisha nisha nacionoꞌsa huaꞌanëntaꞌhuaso marëꞌ. Camairinco niꞌton, Quirosarinquë ina chinotacaso pëi anitarahuë. Inaso ninanoꞌ, Cota parti yaꞌhuërin.

Esdras 6:9

Quirosarin corto huaꞌanoꞌsantaꞌ, maꞌsona natanpachinquëmaꞌ, shaꞌhuitërinquëmaso chachin yaꞌipi quëtamaso yaꞌhuërin. Toroaꞌhuaroꞌsaꞌ, carniroroꞌsaꞌ, carniroaꞌhuaroꞌsaꞌ, inapita topachinaꞌ, aꞌnaroáchin quëtocoꞌ. Inapitaso Yosë inápaquë yaꞌhuërinso chinotatonaꞌ, yaꞌipi ahuiquitacaiso marëꞌ nohuantopi. Trico, yamora, huino, tomaꞌ, inapitanta nani tahuëri quëtocoꞌ.

Esdras 7:23

Yosë inápaquë huaꞌanëntërinso pëinën marëꞌ maꞌsona nohuantohuachin, aꞌnaroáchin quëtacaso yaꞌhuërin. Ama maquëran tëranta huiꞌnahuëpita, piyapinëhuëpita, inapita inari anaꞌintacaso marëhuëꞌ inapotocoꞌ.

Éxodo 12:32

Ohuicanëmaꞌ, ohuacanëmaꞌ, yaꞌipi inapitanta quëpacoꞌ. Iꞌhua quëran huarëꞌ apiramaco niꞌquëhuarëꞌ, paco huachi. Ca marënta Yosë nontoco ama huachi anaꞌinchincosohuëꞌ,” itërin.

Efesios 5:2

Quisocristo nosoroatonpoaꞌ, canpoa marëꞌ chiminin. Oshanënpoa marëꞌ chiminpachina, Yosëri noya niꞌnin. Napoaton canpoantaꞌ nani tahuëriya inapochachin ninosoroaꞌahuaꞌ Yosë noya niꞌinpoaꞌ.