Esdras 3:6 - Chayahuita (Shahui)

⁶ Naporoꞌ yoqui yaꞌnatiirinso tahuëri quëran huarëꞌ, oshanëna marëꞌ maꞌsha tëpapisoꞌ yaꞌipi ahuiquitacaiso caniaritopi. Sinioro chinotacaso pëiꞌ co nishátëraponaraihuëꞌ, artaronën nipiquë inapotopi.

Esdras 3:6 ပူးပေါင်းရင်းမြစ်များ

Esdras 3:5

Nani tahuëri oshanëna marëꞌ ahuiquitahuatonaꞌ, nani yoquiaꞌhuaraiꞌ pitaquënta inapopi. Nisha nisha Sinioro marëꞌ pita naꞌhuëcaiso yaꞌhuërinquëntaꞌ, inapopi. Inaquë chachin inahuara nohuanton Sinioro maꞌsha quëshihuachinara, ahuiquitopi.

Esdras 3:7

Ina quëran pëinaꞌpiroꞌsaꞌ, nontë camayoroꞌsaꞌ, inapita pahuërëpi. Cosharoꞌ, huino, tomaꞌ, inapitanta Tiro piyapiroꞌsa quëtopi. Siton piyapiroꞌsanta inapotopi. Inapitasoꞌ Nipano motopi quëran nonara ocoiatonaꞌ, marë quëpatomacaisoꞌ camaipi niꞌton, inapotopi. Siro copirno camaitërinso chachin nipi.

Levítico 23:24

“Isontaꞌ camaitërahuësoꞌ, israiroꞌsa shaꞌhuitëquëꞌ: Pascoa yoqui naꞌhuërin quëran huarëꞌ, saota yoqui pichisaramaꞌ. Canchisë nanicaso marëꞌ caniaritërinso tahuëri chachin chinotaramaꞌ. Nani piꞌiquë naporo tahuëri yonquiamacoso marëꞌ niyontoanamaꞌ. Tronpitaroꞌsa pihuitoma niyontoanamaꞌ.

Levítico 23:25

Naporo tahuëri chinotamacoso marëꞌ corto huaꞌani maꞌsha tëpaton ahuiquitarin. Co manta sacatamaso yaꞌhuërinhuëꞌ,” itërin.