Esdras 3:5 - Chayahuita (Shahui)

⁵ Nani tahuëri oshanëna marëꞌ ahuiquitahuatonaꞌ, nani yoquiaꞌhuaraiꞌ pitaquënta inapopi. Nisha nisha Sinioro marëꞌ pita naꞌhuëcaiso yaꞌhuërinquëntaꞌ, inapopi. Inaquë chachin inahuara nohuanton Sinioro maꞌsha quëshihuachinara, ahuiquitopi.

Esdras 3:5 ပူးပေါင်းရင်းမြစ်များ

Esdras 3:6

Naporoꞌ yoqui yaꞌnatiirinso tahuëri quëran huarëꞌ, oshanëna marëꞌ maꞌsha tëpapisoꞌ yaꞌipi ahuiquitacaiso caniaritopi. Sinioro chinotacaso pëiꞌ co nishátëraponaraihuëꞌ, artaronën nipiquë inapotopi.

Levítico 23:2

“Isontaꞌ, israiroꞌsa camaitërahuëso shaꞌhuitëquëꞌ: Nisha nisha yoquiquë, nisha nisha tahuëri nani huayonahuë. Canpita niyontonatomaꞌ, casáchin chinotamacoso marëꞌ huayonahuë. Ina tahuëriꞌsa nohuitatomaꞌ: ‘Sinioro marëꞌ niyontonëhuaso tahuëriꞌsaꞌ,’ tosaramaꞌ.

Deuteronomio 12:17

Trico, huino, tomaꞌ, inapita quëran diesmo ocoicoꞌ. Ohuacaꞌ, ohuica, inapitanta yaꞌnan huaꞌhuatopisoꞌ, inapotocoꞌ. Maꞌsona tëranta Sinioro quëtamasoꞌ shaꞌhuitohuatamaꞌ, ocoicoꞌ. Canpitaora nohuanton yaquëtëramasonta inapotocoꞌ. Inapita ocoiramasoꞌ, co yaꞌhuëramaquë capamaso yaꞌhuërinhuëꞌ.

Deuteronomio 12:6

Inaquë canpitasoꞌ, Sinioro noya nicatoma maꞌsharoꞌsa tëpapomaꞌ. Aꞌnaquën yaꞌipi ahuiquitapomaꞌ. Aꞌnaquënsoꞌ, piꞌpian ahuiquitapomaꞌ. Nani maꞌsha quëran diesmoroꞌsantaꞌ, inaquë quëparamaꞌ. Catahuatacaiso marënta camaitopisoꞌ, inapotocoꞌ. Maꞌsona Sinioro quëtamasoꞌ shaꞌhuitohuatamaꞌ, quëpamaso yaꞌhuërin. Canpitaora nohuanton maꞌsha yaquëtohuatamaꞌ, inanta quëpacoꞌ. Ohuacaroꞌsaꞌ, ohuicaroꞌsaꞌ, inapitanta yaꞌnan huaꞌhuatopisoꞌ, inapotocoꞌ. Yaꞌipi inapita inaquë quëpataramaꞌ.