Esdras 3:1 - Chayahuita (Shahui)

¹ Pascoa yoqui quëran canchisë yoqui nanihuachina, israiroꞌsaso imënamëaꞌhuaroꞌsa pita naꞌhuëpi. Naporoꞌ yoquiquë yaꞌhuëpi quëran huëꞌsahuatonaꞌ, Quirosarinquë niyontonpi. Yaꞌipiya quëran niyontonpi co pahuanpihuëꞌ.

Esdras 3:1 ပူးပေါင်းရင်းမြစ်များ

Nehemías 8:1

Pascoa yoqui quëran saota yoqui aꞌna tahuëri naꞌhuërapasoꞌ, yaꞌipi cotioroꞌsa aꞌna prasaquë niyontonpi. Inasoꞌ prasa, Iꞌsha maꞌcaisoꞌ yaꞌcoana itopisoꞌ notënanquë yaꞌhuërin. Inaquë niyontonahuatonaꞌ, Istrasë maistro Moisësë pënëntërinsoꞌ quirica nontacaso marëꞌ shaꞌhuitopi. Inasoꞌ quirica, Yosëri chachin israiroꞌsa iráca anitotërin. Napotohuachinara, inaso quësahuaton yaꞌipi quëmapiꞌsaꞌ, sanapiꞌsaꞌ, huaꞌhuaroꞌsa quëran huarëꞌ natantonënquë nontërin. Tashiramiachin quëran huarëꞌ caniaritërinsoꞌ, nontochináchin camotëanatërin. Yaꞌipiya quëran noya natanápi.

Nehemías 8:14

Nontohuachinara, Sinioro Moisësë quëran camaitërinso quënanpi: “Israiroꞌsa ina yoquiquë chachin shonca aꞌnatërápo tahuëritapasoꞌ, imënamëaꞌhuaroꞌsa pita naꞌhuëinaꞌ,” tënin.

Levítico 16:29

Yaꞌipi ipora camairanquëmasopita, co canpitasáchin camairanquëmahuëꞌ. Shiparimapitantaꞌ, natëcaiso yaꞌhuërin. Pascoa tahuëriꞌsa naꞌhuërin quëran huarëꞌ canchisë yoqui pichiaramaꞌ. Naporo yoqui shonca tahuëri nanihuachin, Sinioro marëꞌ chinotaramaꞌ. Co manta sacatamaso yaꞌhuërinhuëꞌ. Co nisharoꞌsa yacaparinquëmasopita tërantaꞌ, sacatapihuëꞌ. Naporo tahuëri co manta coshatapomarahuëꞌ, yonquiaramaco.

Levítico 23:24

“Isontaꞌ camaitërahuësoꞌ, israiroꞌsa shaꞌhuitëquëꞌ: Pascoa yoqui naꞌhuërin quëran huarëꞌ, saota yoqui pichisaramaꞌ. Canchisë nanicaso marëꞌ caniaritërinso tahuëri chachin chinotaramaꞌ. Nani piꞌiquë naporo tahuëri yonquiamacoso marëꞌ niyontoanamaꞌ. Tronpitaroꞌsa pihuitoma niyontoanamaꞌ.

Hechos 2:46

Nani tahuëri Yosë chinotopiso pëiquë niyontonpi. Quisoso chimininsoꞌ yonquiatonaꞌ, aꞌna pëiquë aꞌna pëiquë coshatapatapi. Co apiratonaraihuëꞌ, noya cancantapi. Nóya cancantatonaꞌ, coshatapatapi.

Hechos 4:32

Yaꞌipi Quisoso natëpisopita noya niniꞌtonaꞌ, yaꞌhuëpi. Napopianachin yonquipi. Aꞌnaya aꞌnaya pahuantohuachinara, niquëtopi. Co mantaꞌ niapiratopihuëꞌ.

1 Corintios 1:10

Apira iyaroꞌsaꞌ Sinioro Quisocristo nanan quëtërinco niꞌton, pënënaranquëmaꞌ. Ina imaramaꞌ niꞌquëhuarëꞌ, noya ninontocoꞌ. Ama nisha nisha yonquiatomaꞌ, aꞌnaꞌ aꞌnaꞌ imacosohuëꞌ. Napopináchin yonquiatomaꞌ, noya niniꞌtomaꞌ yaꞌhuëcoꞌ.