Efesios 6:9 - Chayahuita (Shahui)

⁹ Patronoꞌsaquëmantaꞌ, piyapinëmapita noya nontocoꞌ. Ama noꞌhuiana quëran camaitocosohuëꞌ. Yosë niꞌsarinquëmaꞌ canpitantaꞌ. Inasoꞌ inápaquë yaꞌhuaton, huaꞌanëntërinpoaꞌ. Napopianáchin niꞌninpoaꞌ. Co maꞌhuanoꞌsaꞌ noya noya niꞌninhuëꞌ.

Efesios 6:9 ပူးပေါင်းရင်းမြစ်များ

Daniel 3:15

Iporaso nipirinhuëꞌ, moshacamaso yaꞌhuërin. Mosica piꞌnirahuachinaꞌ, mamanshi anitërahuësoꞌ isonama quëran noꞌpaquë huarëꞌ monshorahuatomaꞌ, moshaaramaꞌ. Coꞌsoꞌ inapohuatamahuëꞌ, naporo chachin orno huënaratapaquë tëꞌyatarinënquëmaꞌ. Inapotohuachinquëmaꞌ, ¡co inso yosë tërantaꞌ, nichaꞌëinquëmaso nanitaponhuëꞌ! itërin.

Levítico 19:13

Ama ahuëton nicosohuëꞌ. Ama ahuëtatomaꞌ, aꞌnapita maꞌshanëna matocosohuëꞌ. Sacato catahuarinëmasopita, naporo tahuëri chachin pahuërëcoꞌ.

Malaquías 3:5

Naquëranchin Sinioro nontatënquëmaꞌ: “Caso Sinioroco, yaꞌipi nanitapato shaꞌhuitaantaranquëmaꞌ: ‘Naporoꞌ oꞌmahuato, coisë pochin nisarahuë. Noya nipatamaꞌ, noya acoaranquëmaꞌ. Co noyahuëꞌ cancantatona pënotohuachinasoꞌ, anaꞌintarahuë. Nitëhuananpitohuachinaꞌ, Yoscoarëꞌ taponahuë nonpinpachinaꞌ, patronoꞌsa piyapinënapita co noꞌtëquën pahuërëhuachinahuëꞌ, quëyoronoꞌsaꞌ, saꞌahuaroꞌsaꞌ, inapita co nitocatahuahuachinahuëꞌ, nisharoꞌsa aparisitohuachinaꞌ, co tëꞌhuatohuachinacohuëꞌ, inapitanta anaꞌintarahuë,’ tënahuë,” itërinquëmaꞌ.

Mateo 22:10

Piyapinënpita paꞌsahuatonaꞌ, naꞌa piyapiꞌsaꞌ shaꞌhuitëraꞌpiapi. Noya nipisopita, co noyahuëꞌ nipisopitantaꞌ shaꞌhuitëraꞌpiapi. Pita pëiꞌ noyá yaꞌsotopi.

Mateo 22:8

Piyapinënpita amatantarahuaton, shaꞌhuitërin. ‘Pita marëꞌ nani tapapirahuëꞌ. Amatërahuësopitasoꞌ co inashitopihuëꞌ isëquë nicacaiso niꞌton, co huachi inapita yonquirahuë.

Mateo 24:48

Nipirinhuëꞌ, inpriatonën co noyahuëꞌ cancantohuachin, tapon: ‘Patron huaꞌquirarin. Co aꞌnaroáchin huënantaponhuëꞌ,’ taꞌton,

Mateo 24:51

Co natërinhuëꞌ niꞌton, chiníquën anaꞌintarin. Nonpintëroꞌsaꞌ anaꞌintopiso pochin nitapon. Inaquë co napion ancantaton, naꞌnërápon,” tënin Quisoso.

Mateo 7:12

Noya ninosorocasoꞌ yaꞌhuërin. Canpitasoꞌ nohuantëramaꞌ aꞌnapita nosoroinënquëmasoꞌ. Napoaton canpita nohuantëramaso chachin inapitantaꞌ nosorocoꞌ. Ninosoroatomaꞌ, nicatahuacoꞌ. Yosë nohuanton, Moisësë, pënëntonaꞌpiroꞌsaꞌ, inapita naꞌcon pënënpirinënquëmahuëꞌ, ninosorocasoꞌ naꞌcon naꞌcon nohuantërin. Ninosorohuatamaꞌ, noya imasaramaꞌ, tënahuë,” itërin Quisosori.

Lucas 6:31

Noya ninosorocasoꞌ yaꞌhuërin. Canpita nohuantëramaꞌ aꞌnapita nosoroꞌinquëmasoꞌ. Napoaton canpita nohuantëramaso chachin aꞌnapitantaꞌ nosorocoꞌ. Ninosoroatomaꞌ, nicatahuacoꞌ.

Juan 13:13

Canpitasoꞌ nontohuatamacora, “Maistro” itëramaco. “Sinioro” itëramaco antaꞌ. Noꞌtëquën yonquiatomaꞌ, napotëramaco. Canpita maistronëmaco mini. Sinioroco niꞌto, natëramaco.

Hechos 10:34

Itohuachina, Pitrori itërin: —Tëhuënchachin Yosëri yaꞌipi piyapiꞌsaꞌ nosororin. Co quiyasáchin nosororincoihuëꞌ. Cancanënpoaquë yonquirëhuasopita nitotaton, noꞌtëquën yonquirinpoaꞌ, tënahuë.

Romanos 2:11

Yosësoꞌ yaꞌipinpoaꞌ napopianachin niꞌninpoaꞌ.

1 Corintios 1:2

Corintoquë yaꞌhuëramasopita ninshitaranquëmaꞌ. Canpitantaꞌ Yosë huëntonënquë yaꞌconamaꞌ. Quisocristo imapatamaꞌ, anoyacancantërinquëmaꞌ niꞌton, noyápiachin cancantëramaꞌ. Yosë acorinquëmaꞌ piyapinënpita nicacamaso marëꞌ. Nisha nisha parti aꞌnapitantaꞌ Quisocristo imapi. Yaꞌipinpoaꞌ ina huaꞌanëntërinpoaꞌ. Aꞌna huënton pochin ninëhuaꞌ.

1 Corintios 7:22

Patron marëꞌ sacatapomarahuëꞌ, Yosë huayonpachinquëmaꞌ, oshanëmaꞌ inquitatënquëmaꞌ, nichaꞌërinquëmaꞌ. Ina yonquiatomaꞌ, co huachi sëtacasoꞌ yaꞌhuërinhuëꞌ. Inapochachin aꞌnaquëmaꞌ co patron asacatopirinquëmahuëꞌ. Yosë nichaꞌërinquëmaꞌ niꞌton, ina naꞌcon naꞌcon natëcamasoꞌ yaꞌhuërin. Yosë piyapinënpita ninamaꞌ.

Deuteronomio 10:17

Siniorosoꞌ Yosë niꞌton, yaꞌipi yosëroꞌsa quëran chini chiníquën nanantërin. Yaꞌipi huaꞌanoꞌsantaꞌ, huaꞌanëntërin. Co incari tëranta inasoꞌ, camaiaponhuëꞌ. Chini chiníquën nanantaton, paꞌpi tëꞌhuatoro yaꞌnorin. Yaꞌipi piyapiꞌsa napopináchin niꞌnin. Co incari tëranta inasoꞌ: ‘Pahuërëꞌinquën, ama anaꞌintocosohuëꞌ’ co itaponhuëꞌ.

Colosenses 3:25

Yosësoꞌ yaꞌipinpoaꞌ napopináchin niꞌninpoaꞌ. Noya nipatëhuaꞌ, acanaarinpoaꞌ. Coꞌsoꞌ noya nipatëhuahuëꞌ, anaꞌintarinpoaꞌ.

Colosenses 4:1

Aꞌnaquëmaꞌ patronquëmaꞌ ninamasoꞌ. Piyapinëmapita nosoroatomaꞌ, noꞌtëquën pahuërëcoꞌ. Ama topinan quëran anaꞌintocosohuëꞌ. Canpitantaꞌ huaꞌanëmaꞌ yaꞌhuëtërinquëmaꞌ. Yosë inápaquë yaꞌhuaponahuëꞌ, yaꞌipinpoaꞌ huaꞌanëntërinpoaꞌ.

Santiago 2:13

Co piyapiꞌsaꞌ nosorohuatamahuëꞌ, ayaroꞌ tahuëri Yosëntaꞌ co nosoroarinquëmahuëꞌ. Napoaton “Yosë naꞌcon nosororinpoaꞌ,” taꞌtëhuaꞌ, aꞌnapita nosoroaꞌhuaꞌ. Ina quëran ayaroꞌ tahuëri co anaꞌintarinpoahuëꞌ.

Santiago 2:8

Yosë quiricanën quëran noya noya pënëninpoaꞌ. “Quëmaora ninosororanso pochachin aꞌnapitantaꞌ nosorocoꞌ,” itërinpoaꞌ. Yaꞌipi piyapiꞌsaꞌ nosorohuatamaꞌ, noya nisaramaꞌ.

Santiago 5:4

Piyapinëmapita nonpintëramaꞌ. Iminëmaquë asacatopiramahuëꞌ, co noꞌtëquën pahuërëtëramahuëꞌ. Inapitasoꞌ Yosëquë shaꞌhuirapirinënquëmaꞌ. Shanëmapita nitërinsoꞌ mapirinahuëꞌ, co pahuërëtëramahuëꞌ. Inapohuatamaꞌ, Yosë nitotarin. Inasoꞌ chini chiníquën nanantërin niꞌton, noꞌtëquën iꞌhuërëtarinquëmaꞌ.

1 Samuel 15:17

—Coꞌhuara copirno yaꞌconyántërasënquënhuëꞌ, noya cancantaton noya ninan. “Caora co nanitërahuëꞌ noya nicaꞌhuasoꞌ,” tënan. Sinioro chachin acorinquën yaꞌipi Israiro huëntonoꞌsa huaꞌanëntamaso marëꞌ. Napoaton inasáchin natëcamaso yaꞌhuërin.