Efesios 6:15 - Chayahuita (Shahui)

¹⁵ Shoꞌshorahuan sapatëꞌ pochin nininsoꞌ poꞌmohuachinara, co toꞌcoitopihuëꞌ, noya noya iratopi. Inapochachin canpitantaꞌ Yosë nanamën shaꞌhuitocoꞌ aꞌnapitantaꞌ nitochinaꞌ. Noya nanan yonquihuatëhuaꞌ, sano cancantarihuaꞌ.

Efesios 6:15 ပူးပေါင်းရင်းမြစ်များ

Isaías 52:7

¡Ma noyacha niꞌton, motopiaꞌhuaroꞌsataquëchin noya nanan shaꞌhuitaponpoa canquiarin paya! Sinioro nichaꞌërinpoa niꞌton, sano yaꞌhuëarihua huachi. Quirosarinquë yaꞌhuëpisopita itapon: “Yosë chinotëramasoꞌ, copirno yaꞌconin huachi,” tosarin.

Habacuc 3:19

Sinioro achinicancaninco niꞌton, noya cancantarahuë. Motopi yo co osharinhuëꞌ taꞌapon. Huëhuëpiro motopiroꞌsa paꞌtohuachina co macari masarinhuëꞌ. Inapochachin canta Sinioro achinicancaninco niꞌton, maꞌsha onpoaporahuënta chiníquën cancantarahuëꞌ.

Marcos 6:9

Sapatëꞌ poꞌmorahuatomaꞌ, aꞌmoramasorëꞌquëmaráchin pacoꞌ.

Lucas 15:22

Napotopirinhuëꞌ, paꞌpinisoꞌ naꞌcon nosororin. Piyapinënpita camairin. ‘Manóton paatomaꞌ, noyápiachin nininsoꞌ maconahuatomaꞌ, aꞌmotocoꞌ. Poꞌmoitërantaꞌ noyápiachin nininsoꞌ poꞌmotocoꞌ. Sapatëntaꞌ matonquëꞌ poꞌmoin.

Romanos 10:15

Co Yosëri aꞌchinaꞌpiroꞌsaꞌ aꞌpahuachinhuëꞌ, ¿onpo nitotaponataꞌ? Yosë quiricanën quëran naporin: “Ma noyacha niꞌton, noya nanan shaꞌhuitaonpoaꞌ huëꞌsarin paya,” tënin.

Deuteronomio 33:25

Ama inimicoroꞌsari yaꞌcontacaso marëhuëꞌ, ninanonëna yaꞌcoanaroꞌsantaꞌ, noyá acoꞌinaꞌ. Chiníquën niꞌtona yaꞌhuëmiatacaiso marëꞌ nóya acoinaꞌ. Huaꞌnamia quëran, shaꞌpi huaꞌna quëran, ina quëranpita nipiso acoinaꞌ.