Efesios 6:13 - Chayahuita (Shahui)

¹³ Sopai chiníquën sacatarin minsëinpoaso marëꞌ. Napoaton Yosë nontocoꞌ catahuainquëmaꞌ. Sontaroꞌsaꞌ aꞌmopiso pochin nininsoꞌ Yosë quëtërinquëmaꞌ. Ina masahuatomaꞌ, aꞌmocoꞌ sopai minsëcaso marëꞌ. Noya nitaparëso pochin nicoꞌ. Inapoatomaꞌ, chinitocoꞌ.

Efesios 6:13 ပူးပေါင်းရင်းမြစ်များ

Eclesiastés 12:1

Yosëso nininquën. Huiꞌnapitasënquën chachin ina imaquëꞌ. Co huaꞌquiya quëranhuëꞌ mashotaran. Naporoꞌ, co huachi yashinhuëꞌ yaꞌhuëaran. Inapoaton: “Co huachi yain nanpichináchinhuëꞌ cancantërahuë,” tosaran.

Amós 6:3

Inapoatoma canpitasoꞌ, Yosë ataꞌhuantiinquëmaso tahuëri, co yayonquiramahuëꞌ. Nipirinhuëꞌ, co noyahuëꞌ nisápatoma ina tahuëri amanotaramaꞌ. Noyápiachin pëꞌsararoꞌsa Huiri pomon quëran nipinan yaꞌhuëtërinquëmaꞌ. Pitaroꞌsa tahuëri nipachina, inaquë noyá niótënamaꞌ. Toroaꞌhuaroꞌsa amoshin yaꞌhuëtërinquëmasoꞌ, carniroaꞌhuaroꞌsaꞌ, inapita tëparahuatoma noya coshatáramaꞌ.

Malaquías 3:2

Ina oꞌmahuachinso napoaponahuëꞌ, ¡co insoari tërantaꞌ, chinitacaso nanitaponhuëꞌ! ¡Naporosoꞌ, yaꞌipinquëma tëhuëramaso anitotarinquëmaꞌ! Huaꞌna pënquë asoquirahuatonaꞌ, nëꞌhuëtërinso inquitopi. Inapochachin canpitantaꞌ, co noyahuëꞌ ninamaso inquitarinquëmaꞌ. Shapon nëꞌhuë inquitërinso pochin oshanëma inquitarinquëmaꞌ.

Lucas 21:36

Napoaton noya cancantatomaꞌ, Yosë nontocoꞌ achinicancainquëmaꞌ chaꞌëcamaso marëꞌ. Yosë quëran caso quëmapico niꞌto, co imapisopitahuëꞌ anaꞌintarahuë. Apira apira Yosë nontohuatamaꞌ, naporoꞌ tahuëri co tapanatomahuëꞌ, noya huaniparamaco,” tënin Quisoso.

Lucas 8:13

Aꞌnaquëontaꞌ naꞌpiro pochin nipi. Yosë nanamën natanahuatonaꞌ, aꞌnaroáchin paꞌyatatonaꞌ, natëpirinahuëꞌ. Co chiníquën cancantatonahuëꞌ, co natëmiatopihuëꞌ. Maꞌsha onpohuachinara, Yosë aꞌpopi.

Romanos 13:12

Huaꞌquiꞌ piyapiꞌsaꞌ co noyahuëꞌ nicatonaꞌ, tashi pochin cancantopirinahuëꞌ. Iporasoꞌ Sinioro tahuërinën yaꞌcaritëriarin. Napoaton ama tashi pochin cancantahuasohuëꞌ. Sontaroꞌsaꞌ huaꞌna quëran aꞌmopiso pochin tahuëri pochin cancantatëhuaꞌ, noyasáchin niahuaꞌ.

2 Corintios 10:4

Aꞌnaquënsoꞌ inimiconënpita minsëcaiso marëꞌ nisha nisha quihuípi. Quiyaso nipirinhuëꞌ co quiyaora yonquinëhuëi quëran minsëtaraihuëꞌ. Sacaiꞌ nipirinhuëꞌ, Yosë ananitërincoi nonpin nananoꞌsaꞌ minsëcaꞌhuaisoꞌ.

Efesios 5:16

Ama tahuëri chiniacosohuëꞌ. Iporasoꞌ naꞌa piyapiꞌsaꞌ co noyahuëꞌ cancantopi. Napoaton apira apira aꞌnapita catahuacoꞌ Yosë yonquicaiso marëꞌ. Onpopiontaꞌ nanamën anitotocoꞌ.

Efesios 5:6

Aꞌnaquën yanonpintatënënquëmaꞌ, napopi: “Quisocristo imapomarahuëꞌ, maꞌsona nohuantëramasoꞌ nicoꞌ, co anaꞌintarinquëmahuëꞌ,” itopirinënquëmahuëꞌ, ama piꞌpian tërantaꞌ natëcosohuëꞌ. Co Yosë natëpisopitahuëꞌ chiníquën anaꞌintarin.

Colosenses 4:12

Ipapërasëntaꞌ canpitataquë yaꞌhuërinsoꞌ saludos aꞌpatarinquëmaꞌ. Inantaꞌ Quisocristo natëton, noya nanan aꞌchinarin. Nani tahuëri canpita marëꞌ Yosë nontárin. “Catahuaquëꞌ Sinioro yaꞌipi nohuantëransoꞌ nitochinaꞌ. Noya nitotatonaꞌ imamiachinën,” itárin.

Santiago 4:7

Napoaton Yosëíchin natëcoꞌ. Ama piꞌpian tërantaꞌ sopai nohuantocosohuëꞌ. Chiníquën cancantocoꞌ. Yosë nontatomaꞌ, sopai aꞌpacoꞌ paꞌin. Co ina natëhuatamahuëꞌ, patarinquëmaꞌ.

1 Pedro 4:1

Quisocristo isoroꞌpaquë oꞌmaton, tëhuënchachin parisitërin. Napoaton canpitantaꞌ parisitohuatamaꞌ, ahuantocoꞌ. Quisocristo yonquiatëhuaꞌ, noya ahuantohuatëhuaꞌ, noya noya cancantarihuaꞌ. Co huachi oshahuanacasoꞌ paꞌyatarihuahuëꞌ.

Apocalipsis 3:10

Chiníquën cancantatomaꞌ, imamiatoco, itëranquëmaꞌ. Natëramaco niꞌton, carinquëmantaꞌ naꞌcon catahuaranquëmaꞌ. Aꞌna tahuëri yaꞌipi isoroꞌpaquë yaꞌhuëpisopita chiníquën aparisitarahuë tënicaꞌhuaso marëꞌ. Co naporoꞌ parisitaramahuëꞌ. Nichaꞌësaranquëmaꞌ.

Apocalipsis 6:17

Nani anaꞌintacasoꞌ tahuëri nanirin. Anaꞌintohuachincoi, co insonta nanitarinhuë ina chinitacasoꞌ, tosapi.