Efesios 6:1 - Chayahuita (Shahui)

¹ Canpitantaꞌ apiaꞌhuaroꞌsaꞌ, pënënanquëmaꞌ. Tatamaꞌ natëcoꞌ. Mamamantaꞌ natëcoꞌ. Quisocristo imaramaꞌ niꞌton, inapita natëcamasoꞌ yaꞌhuërin.

Efesios 6:1 ပူးပေါင်းရင်းမြစ်များ

Génesis 28:7

Paꞌpini, aꞌshini, shaꞌhuitërinso chachin Cacopontaꞌ, Patan-aranquë paꞌninsoꞌ niꞌnin.

Génesis 37:13

Naporoꞌ paꞌpini Cosi itapon: —Niꞌquë conpa. Iya mashoroꞌsa Siquimo yaꞌcari yaꞌhuëapi. Inaquë ohuicaroꞌsaꞌ, chiporoꞌsaꞌ, inapita aꞌpairapi. Paaton niꞌcontaquë topirahuë, itërin. —Noya tatapaꞌ. Paꞌi nipachin, itërin.

Génesis 48:12

Paꞌpin toꞌtopitënquë huiꞌninpita huënsëápirinahuëꞌ, Cosiri ahuanirin. Ahuanirahuaton, paꞌpin notënanquë isonin. Isonin quëran noꞌpaquë huarëꞌ monshorin. Noya nicaton napotërin.

Génesis 50:12

Cacopo huiꞌninpitasoꞌ, paꞌpin nanpipon camaitërinso chachin yaꞌipi nipi. Canaanquë quëpantarahuatonaꞌ, Maquipiraquë nanin yaꞌhuërinquë poꞌmoontapi. Iti piyapi, Ipron itopisori, ina noꞌpasoꞌ huaꞌanëntopirinhuëꞌ, Apraani iráca nipaꞌpitacaiso marëꞌ paꞌantërin. Ina naninso noꞌparë chachin, Mamiri yaꞌhuërin quëran, piꞌi pipirinso parti quëparitërin.

Nehemías 9:13

Ina quëran Sinai motopiquë nohuaraimaran. Naporoꞌ inápa quëran noya nicacaiso marëꞌ pënënan, camairan, naporan. Noꞌtën nanan aꞌchintahuaton, yonquínahuan yaꞌhuëcaiso marëꞌ anitotëran. Pënënancoisopita, camairancoisopita, anitotërancoisopita, inapitaso noyasáchin ninin. Chinoto tahuërinta acotëran. Ina tahuëri noya nicatonaꞌ, chinotiinënso marëꞌ acotëran. Piyapinën Moisësë itopiso quëran, yaꞌipi inapita anitotëran.

Salmos 19:8

Nanamën quëran noꞌtëquën anitotërinpoaꞌ. Natëhuatëhuaꞌ, noya cancantarihuaꞌ. Camaitërinsopitasoꞌ, noyasáchin. Natëhuatëhuaꞌ, quënantërëso pochin cancantarihuaꞌ.

Proverbios 1:8

Natanquë huaꞌhua pënëinquën: Tataparin aꞌchintohuachinquën, noya natanquëꞌ. Mamaparionta aꞌchintërinquënsoꞌ, ama naniantëquësohuëꞌ.

Proverbios 23:22

Tataparin camaihuachinquën noya natanaton natëquëꞌ. Mamaparin paiya nipachinantaꞌ, ama amirotatonhuëꞌ, catahuaquëꞌ.

Proverbios 6:20

(-)

Oseas 14:9

Yonquínahuan niꞌtomaꞌ, niyátainpichin yaꞌhuëhuatamaꞌ, isoíchin shaꞌhuitaranquëmasoꞌ yonquicoꞌ: “Onpopinsona nanpicasoꞌ Sinioro pënëninpoaꞌ. Inasoꞌ, noꞌtëquënáchin pënëntërin. Noya nipisopitasoꞌ, ina natëpi. Co noyahuëꞌ nipisopitaso nipirinhuëꞌ, co ina natëpihuëꞌ tënahuë,” tënin Osiasë.

Levítico 19:3

Tatama noya nicatoma natëcoꞌ. Mamamanta natëcoꞌ. Chinoto tahuëri shaꞌhuitëranquëmasoꞌ noya nicatoma chinotocoꞌ. Caso Yosëco napotaranquëma niꞌton, natëco.

Lucas 2:51

Ina quëran pipihuachina, aꞌshin, paꞌpin inapitarëꞌ Nasaritoquë paantarin. Inaquë paaton, aꞌshin, paꞌpin, inapita noya natërin huachi. Naporinsoꞌ aꞌshini cancanën quëran yonquirárin.

Romanos 12:2

Iporasoꞌ notohuaroꞌ piyapiꞌsaꞌ co Yosë natëpihuëꞌ. Maꞌsharáchin yonquiatonaꞌ, co Yosë yonquipihuëꞌ. Ama inapita nonancosohuëꞌ. Nani tahuëri Yosë nontocoꞌ yonquirinso chachin quëchinquëmaꞌ. Ina yonquihuatamaꞌ, nohuantërinso chachin anitotarinquëmaꞌ. Ina quëran noya noya cancantohuatamaꞌ, noya niꞌsarinquëmaꞌ.

Romanos 16:2

Canpitataquë canconpachin, Quisocristo imaramaꞌ niꞌton, noya nontocoꞌ. Maꞌsha pahuantohuachin, quëtocoꞌ. Ina sanapi naꞌa piyapiꞌsaꞌ catahuarin. Cantaꞌ catahuarinco.

Romanos 7:12

Yosë chachin pënëninpoaꞌ. Shaꞌhuitërinpoasoꞌ nóya. Noꞌtëquën nonin.

1 Corintios 15:58

Napoaton iyaroꞌsaꞌ chiníquën cancantocoꞌ. Nosororanquëmaꞌ niꞌton, pënënaranquëmaꞌ: Ama nisha nisha yonquicosohuëꞌ. Naporahuaton, paatomaꞌ aꞌnapita aꞌchintëraꞌpiacoꞌ. Sinioro catahuahuachinquëmaꞌ, co onporontaꞌ topinan quëran aꞌchinaramahuëꞌ. Aꞌchinpatamaꞌ, Yosëri nohuantërinsopita imasapi huachi.

1 Timoteo 5:4

Nipirinhuëꞌ, huaꞌhuinpita yaꞌhuëtohuachin, inapita pënënquëꞌ aꞌshina catahuainaꞌ. Aminpitarintaꞌ catahuainaꞌ. Asoꞌsorin niꞌton, inahuarintaꞌ iꞌhuërëtantaꞌinaꞌ. Nosoroatonaꞌ, nocomantaꞌinaꞌ. Ina Yosë naꞌcon nohuantërin.

1 Pedro 2:13

Sinioro imaramaꞌ niꞌton, huaꞌanoꞌsaꞌ natëcoꞌ. Yaꞌipi acorinsopitantaꞌ natëcoꞌ. Copirnosoꞌ chini chiníquën nanantërin niꞌton, natëcasoꞌ yaꞌhuërin.

Rota naporinso' 3:5

Napotohuachina Rotasoꞌ tapon: —Inta nipachin. Napotërancoso chachin nisarahuë, itërin.

1 Samuel 17:20

Tahuëririnquë tashíramiachin Tapisoꞌ, paꞌpini cosharo quëtërinsoꞌ pëꞌpërin. Quisi ohuicanënpitasoꞌ, aꞌna piyapiri aꞌpaitarin. Ina pëꞌpërin quëran Israiro sontaroꞌsa yaꞌhuëapiquë canconin. Naporo chachin sontaroꞌsasoꞌ niyaꞌcariatona ninoꞌhuirápi natanconin.