Efesios 5:5 - Chayahuita (Shahui)

⁵ Monshihuanpatamaꞌ, co Quisocristo huëntonënquë yaꞌconamahuëꞌ. Taparoꞌ nininsoꞌ nipatamaꞌ, co imaramahuëꞌ. Maꞌsharáchin yonquihuatamaꞌ, co tëhuënchachin Yosë yonquiaramahuëꞌ. Nani maꞌsha nohuantohuatamaꞌ, mamanshi moshapiso pochin niconamaꞌ. Ina nitotatomaꞌ iyaroꞌsaꞌ yonquicoꞌ.

Efesios 5:5 ပူးပေါင်းရင်းမြစ်များ

Éxodo 20:17

Ama aꞌnapita maꞌshanën noyapatocosohuëꞌ: Saꞌinaꞌ, piyapinënapita, toronënaꞌ, moranënaꞌ, inapita co noyapatamaso yaꞌhuërinhuëꞌ. Co maꞌshanëna tëranta noyapatamaso yaꞌhuërinhuëꞌ,” itërin Yosëri israiroꞌsa pënënaton.

Hechos 20:32

Paꞌpato, Yosë noya aꞌpainquëmaꞌ. Quiricanën quëran nontarinquëmaꞌ. Ina quëran nosororinpoasoꞌ anitotarinpoaꞌ. Ina natëhuatamaꞌ, achinicancanarinquëmaꞌ. Oshaquëran noya noya cancantaramaꞌ. Quisocristo imarëhuaꞌ niꞌton, anoyacancantërinpoaꞌ. Ina nohuanton, aꞌna tahuëri yaꞌipi shaꞌhuitërinpoasoꞌ noya acotarinpoaꞌ.

Hechos 8:21

Co yaꞌipi cancanën quëran imaranhuëꞌ niꞌton, co Yosë noya niꞌninquënhuëꞌ.

Gálatas 5:19

Piyapiꞌsaꞌ inahuara co nanitopihuëꞌ Yosëíchin yonquicaisoꞌ. Co noyahuëꞌ yonquipisopita nitotërëhuaꞌ. Co noyahuëꞌ yonquihuachinara, co noyahuëꞌ nipi. Yamonshihuanpi, taparoꞌ nonpi, sanapi sëꞌhuachinachin cancantopi.

Gálatas 5:21

Co noyahuëꞌ yonquihuachinara, aꞌnapita maꞌshanënpita noyapatonaꞌ, noꞌhuipi. Noꞌpipi, pitaroꞌsaquë caꞌmiatopi, oꞌomiatopi, aꞌnaratipita nipi. Iráca pënënanquëmaꞌ. Iporantaꞌ pënëantaranquëmaꞌ. Inapohuatamaꞌ, co Yosë huaꞌanëntërinquë yaꞌconaramahuëꞌ. Ina pochin nipisopita co Yosëꞌpaꞌ pantarapihuëꞌ.

Efesios 5:3

Yosë anoyacancantërinquëmaꞌ niꞌton, ama iyaroꞌsaꞌ monshihuancosohuëꞌ. Ama aꞌna quëmapi saꞌin noyapacosohuëꞌ. Ama maꞌsharáchin cancantatomaꞌ, apiracosohuëꞌ. Ama aꞌnapita tëranta ina pochin nipiso shaꞌhuitocosohuëꞌ.

Colosenses 1:13

Iráca sopai camairinpoaꞌ. Ina natëtëhuaꞌ, tashi pochin cancantopirëhuahuëꞌ, nani Yosë nichaꞌërinpoaꞌ. Co huachi sopai natëcasoꞌ yaꞌhuërinhuëꞌ. Yosë nohuanton, huiꞌnin huaꞌanëntërinpoaꞌ. Huiꞌnin naꞌcon nosoropirinhuëꞌ, isoroꞌpaquë aꞌpaimarin.

Colosenses 3:5

Napoaton piꞌpian tërantaꞌ co noyahuëꞌ yonquihuatamaꞌ, aꞌnaroáchin naniantocoꞌ. Ama monshihuancosohuëꞌ. Ama taparoꞌ yonquicosohuëꞌ. Ama aꞌna sanapi sëꞌhuacamasoꞌ yonquicosohuëꞌ. Ama aꞌna quëmapi saꞌin noyapacosohuëꞌ. Ama nani maꞌsha nohuantapatocosohuëꞌ. Aꞌnaquënsoꞌ maꞌsha naꞌcon nohuantatonaꞌ, mamanshi moshapiso pochin niconpi.

1 Timoteo 6:10

Coriquiráchin paꞌyatohuatëra, nisha nisha yonquirëꞌ. Co noyahuëꞌ ninëꞌ. Nonpinëꞌ, ihuatërëꞌ, noꞌhuitërëꞌ, ina pochin yonquirëꞌ. Aꞌnaquën coriquiráchin yonquiatonaꞌ, Yosë aꞌpopi. Ina quëran cancanëna quëran co huachi noya cancantopihuëꞌ. Sëtatonaꞌ, chiníquën parisitapi.

1 Timoteo 6:17

Aꞌnaquën naꞌcon coriqui yaꞌhuëtërin. Inapitantaꞌ api pënënquëꞌ: “Ama aꞌnapita nocancosohuëꞌ. Ama coriquinëmáchin paꞌyatocosohuëꞌ. Inasoꞌ co yaꞌhuëmiataponhuëꞌ. Yosë naꞌcon naꞌcon paꞌyatocoꞌ. Inasoꞌ co apiratërinpoahuëꞌ. Nani maꞌsha quëtërinpoaꞌ nóya cancantatëhua, yaꞌhuëcaso marëꞌ.

Hebreos 13:4

Quëmapiꞌsaꞌ saꞌapachinaꞌ, ama aꞌna sanapi yonquiꞌinasohuëꞌ. Sanapiꞌsantaꞌ soꞌyahuachinaꞌ, ama soꞌinaꞌ tëhuananpichinasohuëꞌ. Ama mantaꞌ monshihuainasohuëꞌ. Monshihuanpatamaꞌ, Yosë chiníquën anaꞌintarinquëmaꞌ.

Apocalipsis 21:8

Aꞌnapitaso nipirinhuëꞌ parisitáponaꞌ. Ayaroꞌ tahuëri naꞌa piyapiꞌsaꞌ pënquë paꞌsapi. Tëꞌhuatonaꞌ aꞌpopisopita, co natëpisopitahuëꞌ, co natëtochináchinhuëꞌ cancantopisopita, tëpatonaꞌpiroꞌsaꞌ, monshihuaninsopita, pënotonoꞌsaꞌ, mamanshi chinotopisopita, nonpinaꞌpiroꞌsaꞌ, inapita panca sono shaꞌpimoꞌshirë chachin pën tënëntápaquë paꞌsapi. Inaquë parisitáponaꞌ. Huaranca huaranca piꞌipintaꞌ nipirinhuëꞌ, co onporontaꞌ pipiapihuëꞌ.

Apocalipsis 22:15

Aꞌnaquënso nipirinhuëꞌ, co onporontaꞌ Yosë yaꞌhuërinquë paꞌsapihuëꞌ. Niꞌni pochin cancantopisopita, pënotonoꞌsaꞌ, monshihuanaꞌpiroꞌsaꞌ, tëpatoroꞌsaꞌ, mamanshi chinotopisopita, inapita aipiran yaꞌhuëmiatapi. Aꞌnaquëontaꞌ nonpinápi niꞌton, co nohuantapihuëꞌ noꞌtën nanan imacaisoꞌ. Inapitantaꞌ co onporontaꞌ Yosëꞌpaꞌ paꞌsapihuëꞌ.